San Lucas 6:47 - Manityanati Tupax

⁴⁷ Suraboira ausukarɨ takanache nakaxti naki kuatati yesañɨ onsapetioti nisura, auki isamutenti takana axɨna sukanañɨ ɨmoti:

Manitanati Tuparrü

⁴⁷ Arrti naqui cuati yesañü y oncoiti nisura, y isamutenti isiu,

San Lucas 6:47 Referans Kwoze

San Lucas 11:28

Axti aiñumuti: –¡Tari chiyaupɨ naupukɨnunku axɨbama onsapetioma nuraxti Tupax, ta ikokotamaityo!

San Juan 14:15

“Axtɨ isuasɨrɨka aume, apikokokio axɨba nixhakɨpuku.

Santiago 4:17

Axti naki tusiu ɨmoti aisamunenti axɨna uxia ta chisamutentipɨ, ane nipɨnatenti.

San Mateo 12:50

Axti naki isamutenti noñemaxti Iyaɨ naki anati au napes, tyonenti isaruki, nikiasi nipiakɨtyo.

San Juan 13:17

Axtɨ iyebo aboi axɨba nixhanunekaka apiñataityo nausɨboriki isiuki, tyone ñana axɨna aupukɨnunkubu.

1 Pedro 2:4

Ausiapatate, esati Yɨriabux Jesús, tyonenti axɨmanu kanx sɨboriko axɨna yarutaɨbutama mañoñɨnka, tapɨ ɨmoti Tupax tyone axɨmanu kanx samamekana tarukapae nikuax.

Hebreos 5:9

Sane, naukiche tisamutenti Cristo nanaiña axɨna yakɨpukuxti Tupax, tyonenti kaɨma naki uiche ane maximiakatax ɨmoma axɨbama ikokoromati,

Apocalipsis 22:14

Taruku ñana nipukɨnunkuxɨma axɨbama iyaxɨbitama naibixhimia, tyopiki toxio ñana utuburiboma nɨta axɨmanu soes uiche ane sɨborikixh axɨna champɨ nityakɨrux. Axɨma sɨromatɨpo ñana auki axɨmanio tyuruka au axɨmanio poka.

San Lucas 14:26

“Axtɨ anati naki xhanxti ayetitɨ isiuñɨ tari taruku nisua ɨmoti pɨnanakiti yaɨtoti, pɨnanaki nipiakɨtoti, pɨnanaki nikɨpostoti, pɨnanakityo axɨbama aɨtoxti, pɨnanaki axɨbama yarukityoxti nikiastyoti, pɨnanakitiatoe, chɨmotipɨ ayetitɨ isiuñɨ.

1 Juan 3:7

Masaɨtaiki, tapɨ anati matachemakana aume: axti naki isamutenti axɨna uxia tyonenti naki uxia nisɨborikixhti, takanati Jesús.

1 Juan 2:29

Axaño tusiu aume, axti Jesucristo isamutenti nanaiña axɨna uxia ɨmoti Tupax, tari atusityo aume ta namanaiña axɨbama isamutema axɨna uxia ɨmoti Tupax tyonema axɨbama aɨtoxti.

San Juan 10:27

Axɨbama aboma isiuñɨ isuputaramañɨ, axɨñɨntyo isuputakama. Axɨma takana nobixhaka opisuputakai nuraxti naki asaratɨ yutaku, axtityo isuputariontiño. Axɨbama aboma isiuñɨ ikokotama nisura,

2 Pedro 1:10

Sane naukiche masarukityaiki, axti Tupax samamekana año uiti amenotɨ axɨpekuma axɨbama aɨtoxti, apiña nuxia nauki sɨsio aukɨtɨpɨ axɨna sane, axtɨ apisamute sane, chautapenekapɨ ñana aɨbu napakokonaunku.

San Juan 6:37

Namanaiña axɨbama toxioma iñemo uiti Iyaɨ, kuamatɨ yesañɨ. Axɨbama kuamatɨ yesañɨ, chɨsɨropɨma ñana sobi tyɨrɨpo.

San Juan 6:35

Nanti Jesús ɨmoma: –Axɨñɨ tyone axɨmanu pan uiche ane sɨborikixh. Axti naki kuatati yesañɨ, chɨkɨrɨpɨotipɨ. Axtityo naki ikokoroñɨ, chanantopɨ atosɨti.

San Juan 5:40

axaño chauxiankapɨ abetɨ yesañɨ nauki aye aboi axɨmanu ausɨborikibo.

San Lucas 8:13

Axɨmanio sɨrobo kɨtu bupakio omeana kanka takana axɨbama onkoimia axɨba omixhia manityakax yasutiuma aɨbu nipukɨnunkuxɨma, champɨ nixhanakax. Ikokotama mantukubatai naneneka, axtɨ ane makokotox ɨmoma iñokotama.

San Lucas 8:8

Tapɨ kiatax pakio kauta uxia kɨx. Sunau, chama iyebo auki, ane axɨna bachebo cien auki taman.” Sane nanti Jesús, bapatayo nuxia nuraxti: “¡Axɨbama onauma, tari onsaperioma!”

San Mateo 17:5

Naukiche anankatiki Peru manityanati, taman kɨsaɨbox kuara nuxia tochenko onɨma, eanaki axɨmanu kɨsaɨbox rabotɨ taman manityakax, nantɨ sane: “Axti naki tyonenti Isaɨti taruku nikuaxti iñemo, naki samamamekanati sobi: amonsapesio nuraxti.”

San Juan 8:52

Axɨmanuma judíos aiñumuma nuraxti: –Ñemanauntu kaɨma sopikokota ta anati chobores akɨtɨpɨkɨ. Axti Abraham ichepe axɨbama profetas koiñoma, tapɨ axɨkɨ ukanɨ: ‘Naki ikokotati nura chɨkoiñotipɨ ñana.’

San Lucas 6:48

Takanati taman ñoñɨnx masamunuti pox kusɨrɨbo aipiauti otɨsa nuxia, akamanu aisamunenti nityɨmox onɨ kanx. Naukiche osɨro nusɨrux, nikusɨu axɨmanu tux iñatai kɨtɨpɨ axɨmanu pox, chɨpokoropɨ uixh, ityopiki iyebo nuxia nuxiankax.