San Lucas 6:28 - Manityanati Tupax

²⁸ apikunusɨankasama axɨbama ipiauxamanama año, amea tyakuma axɨbama uratokioma aume.

Manitanati Tuparrü

²⁸ Tari apicunusüancasa bama ipiaurramanaño. Apean ito itacu bama unuma año.

San Lucas 6:28 Referans Kwoze

1 Pedro 3:9

Axtɨ isamutema aume axɨna chuxiampɨ, tapɨ sane aboi ɨmoma, axtɨ uratokioma aume, tapɨ apiñumuta nuratokikixhimia. Apanki tyone pɨnanakiti Tupax apukɨruti tyakuma, tyopiki uiti aityasuruti año nauki apasuriu nipukɨruxti.

1 Corintios 4:12

Supatacheka ui supachɨkoi iyo sumutuburibo. Axtɨ ipiauxamanama somɨ ityobo sopikunusɨankakama. Subaka aɨbu supatanekaka ñɨnanama, tɨborikoma suiñemo, champɨ nɨmoche soboi.

Romanos 12:14

Apikunusɨankasama axɨbama chuxiampɨ uimia aume. Apikunusɨankasama, tapɨ apipiauxamakama.

Santiago 3:10

Auki nusaruatoe omixhia numanityaka ɨmoti Tupax takanaintyo mapauxamakax. Masarukityaiki, tapɨ sane osoi.

San Lucas 23:34

Axti Jesús nanti: “Iyaɨ, aixhimiaka ɨmoma, ityopiki chɨtusiupɨ ɨmoma axɨna isamutema.” Tapɨ axɨmanuma masortaboka sorteabo uimia ɨmomantoe naibixhti Jesús.

San Lucas 6:27

“Tapɨ axaño axɨbama amonkoi nisura sukanañɨ aume: Tari akuasɨrɨma aume axɨbama chuxiampɨ uimia aume, apisamusio axɨba omixhia ɨmo axɨbama tɨborikomantai aukuata,

San Mateo 5:44

Tapɨ axɨñɨ sukanañɨ aume: Tari kuasɨrɨma aume axɨbama tɨborikomantai aukuata, amea tyakuma axɨbama ikuneunuma año.

Hechos 7:60

Auki bachesoiyoti rabotɨ nuxia nityosibixhti: “¡Yɨriabux, tapɨ ane kausane obi ɨmoma yutaku axɨba nomɨnantɨ uimia!” Naukiche tɨnanti axɨna sane, koiñoti.

San Lucas 6:35

Tapɨ axaño tari akuasɨrɨma aume axɨbama chuxiampɨ uimia aume, apisamusio axɨba omixhia, apityoximia namenaxi ɨmoti kiatax tapɨ auxianka atoxi tato aume ityobo. Sane ñana yarusɨrɨx toxiobo tato aume ityobo, sane atusi ta axaño aɨtoxti Tupax auki napes, tyopiki uxia uiti ɨmo axɨbama chuxiampɨ nisɨborikixhimia au nastaxti.

Hechos 14:5

Auki, axɨmanuma chɨtɨpɨ judíos takana axɨmanuma judíos, chepe ñakionkoxɨma aɨbu axɨmanuma ɨriatuxɨma, nauki aityabairoma oboi kanka.