Biblia Todo Logo
Bib sou entènèt

- Piblisite -




San Lucas 6:27 - Manityanati Tupax

27 “Tapɨ axaño axɨbama amonkoi nisura sukanañɨ aume: Tari akuasɨrɨma aume axɨbama chuxiampɨ uimia aume, apisamusio axɨba omixhia ɨmo axɨbama tɨborikomantai aukuata,

Gade chapit la Kopi

Manitanati Tuparrü

27 ‛Arraño amoncoi nisura, sucanañü aume sane: Tari cuasürüti aume aubesa enemigorrü. Tari urria napachücoi ümo bama tüboricatai aucuata.

Gade chapit la Kopi




San Lucas 6:27
22 Referans Kwoze  

Tapɨ chebo aboi anati naki matokonoti tato ityobo axɨna chuxiampɨ isamutema ɨmoti. Apache nikiubu año nauki taikiana apisamune axɨna uxia abaxɨpeku takanaintyo aɨbu namanaiña.


Tapɨ axaño tari akuasɨrɨma aume axɨbama chuxiampɨ uimia aume, apisamusio axɨba omixhia, apityoximia namenaxi ɨmoti kiatax tapɨ auxianka atoxi tato aume ityobo. Sane ñana yarusɨrɨx toxiobo tato aume ityobo, sane atusi ta axaño aɨtoxti Tupax auki napes, tyopiki uxia uiti ɨmo axɨbama chuxiampɨ nisɨborikixhimia au nastaxti.


Sane naukiche, axtɨ chebo oemo, tari uisamune axɨna uxia ɨmo namanaiña, ɨmomampae axɨbama ikokoromati Jesús ochepe.


Nantityo Jesús ɨmoma: “Amasasai nuxia ɨmo axɨna amonsapetio. Axɨna apisamute ɨmo makiataka saneityo ñana uiti Tupax aume. Ta bachebotiki ñana uɨbo.


Tusiu aume, toxioti Espíritu Santo ɨriakaboti Jesús naki auki Nazaret, axti Jesús isamuniontiño axɨba omixhia auki namensti, uxiankamaintyo tato uiti axɨbama takisɨrɨ uiti chobores. Axɨna sane isamutenti, ityopiki axti Tupax anati ichepeti.


Auki bachesoiyoti rabotɨ nuxia nityosibixhti: “¡Yɨriabux, tapɨ ane kausane obi ɨmoma yutaku axɨba nomɨnantɨ uimia!” Naukiche tɨnanti axɨna sane, koiñoti.


Axti Jesús nanti: “Iyaɨ, aixhimiaka ɨmoma, ityopiki chɨtusiupɨ ɨmoma axɨna isamutema.” Tapɨ axɨmanuma masortaboka sorteabo uimia ɨmomantoe naibixhti Jesús.


“Sanente, amonsapesio nuxia, axti naki ane nenaxixhti toxioki uɨbo ɨmoti. Tapɨti naki champɨ nenaxixhti, axɨna nenaxixhti au ñakionkoxti nanaiña kaɨburu pɨnanakiti.”


Tapɨ axɨmanu sɨrobo kɨtu pakio au axɨna uxia kɨx, tyonema axɨbama uxia nausasɨxɨma xhanxɨma onkoimia isamutema isiuki axɨba omixhia manityakax, sɨsioma aɨbu ñakokonaunkuxɨma, isamutema axɨba omixhia.


Tapɨ kiatax pakio kauta uxia kɨx. Sunau, chama iyebo auki, ane axɨna bachebo cien auki taman.” Sane nanti Jesús, bapatayo nuxia nuraxti: “¡Axɨbama onauma, tari onsaperioma!”


Aupukɨnu axtɨ makiataka tɨborikomantai aukuata, axtɨ ipenenoma año, uratokioma aume, chuxiampɨ ɨmoma onkoimia nabɨri takana axɨna chuxiampɨ, auki nakaxti naki Aɨtoxti ñoñɨnx.


Saruki Gayo, tapɨ aisamute isiukimia axɨbama isamutema axɨna chuxiampɨ, ta aisamuse isiukimia axɨbama axia nisɨborikixhimia uxia. Axti naki isamutenti axɨna uxia, tyonenti aɨtoxti Tupax, tapɨti naki isamutenti axɨna nomɨnantɨ chisuputaratipɨ Tupax.


Tosibikoti Pablo, nanti ɨmoti: –¡Tapɨ ane kausane obi aemoantoe, namanaiña subakaiki auna!


Swiv nou:

Piblisite


Piblisite