San Lucas 24:30 - Manityanati Tupax

³⁰ Naukiche tɨtɨmonsoma nauki a'ama, asuriuti mekuti axɨmanu pan, achampienkati ɨmoti Tupax, aichepesɨnati auki aityoximiati ɨmoma.

Manitanati Tuparrü

³⁰ Nauquiche tanancati tümonsoti ichepema esa mensarrü, iñentati manu pan. Icunusüancatati y chepesüro uiti. Itorrimiatati ümoma.

San Lucas 24:30 Referans Kwoze

San Mateo 14:19

Nanti ɨmo namanaiña nauki atɨmoma onɨ naxchopɨro. Auki aikianiontiño mekuti axɨmanio cinco pan yochepe axɨmanio tox nopiokoka, asaratitɨ ape, machampienkanati bochepesɨro uiti axɨmanio pan, toxio uiti ɨmo axɨmanuma nesaxti apóstoles uimia aityoximiama ɨmo namanaiña.

San Lucas 24:35

Auki axɨmanuma toxɨma urapoimia sukarɨma axɨna astaimia isiu kutubiux, kausaneityo asuputaramati Jesús naukiche ichepesɨnatati axɨmanu pan.

San Lucas 9:16

Auki ikianiontiño Jesús mekuti axɨmanio cinco pan yochepe axɨmanio tox nopiokoka auki, asaratitɨ ape, bokurusɨo uiti, auki ichepesɨnaniontiño ityoximiatati ɨmo axɨbama nesaxti apóstoles tari uimia aityoximiama ɨmo namanaiña.

San Mateo 15:36

auki ikianiontiño mekuti axɨmanio siete pan yochepe axɨmanio nopiokoka, akamanu machampienkanati ɨmoti Tupax, bochepesɨro uiti auki ityoximiatati ɨmoma axɨmanuma nesaxti apóstoles, uimia kaɨma toxio ɨmo namanaiña.

Hechos 27:35

Naukiche tɨnanti axɨna sane, aikianti Pablo mekuti taman pan, machampienkanati ɨmoti Tupax sukarɨ namanaiña, chepesɨro uiti auki basoti.

San Juan 6:11

Axti Jesús ikianiontiño mekuti axɨmanio pan, naukiche tɨmachampienkanati ɨmoti Tupax, ityoximiatati ɨmo axɨmanuma amonkoma tɨmonsoma. Saneityo uiti yupu axɨmanio nopiokoka, toxio uiti ɨmoma isiu nixhankaxɨma.

San Lucas 22:19

Auki aikianti axɨmanu pan mekuti, achampienkati ɨmoti Tupax, aichepesɨnati auki aityoximiati ɨmoma, nanti: –Axɨna tyone nisɨtɨpɨ, toxiobo ɨmo nikonkox autaku. Apisamuse axɨna sane au nisɨri.

San Marcos 14:22

Amonkomainki basoma, auki ikiatati Jesús mekuti axɨmanu pan, kurusɨo, chepesɨro uiti aityoximiati ɨmoma, nanti: –Apasusiu, axɨna tyone nisɨtɨpɨ.

San Marcos 8:6

Auki bakɨpuruti nauki atɨmoma akɨ, aikianiontiño mekuti axɨmanio siete pan, machampienkanati ɨmoti Tupax, bochepesɨro uiti auki botoxio ɨmoma axɨbama nesaxti apóstoles tari uimia aityoximiama ɨmo namanaiña, ta sane isamutema.

San Marcos 6:41

Auki ikianiontiño Jesús mekuti axɨmanio cinco pan ichepe axɨmanio tox nopiokoka, asaratitɨ ape, bokurusɨo uiti, bochepesɨro uiti axɨmanio pan ityoximianatiño ɨmo axɨmanuma nesaxti apóstoles uimia aityoximiama ɨmo namanaiña. Chepesɨroityo uiti axɨmanio tox nopiokoka ɨmo namanaiña.

San Mateo 26:26

Naukiche amonkomainki basoma, ikiatati Jesús mekuti axɨmanu pan, naukiche tɨmachampienkanati ɨmoti Tupax, chepesɨro uiti aityoximiati ɨmo axɨmanuma nesaxti apóstoles, nanti sane: –Apasusiu auba, axɨna tyone nisɨtɨpɨ.

San Lucas 24:29

Tapɨ axɨma ityochenakanamati, namatɨ sane: –Asikia auna suichepe, tyopiki chauki tɨtɨmɨmɨka. Tixhanx ɨtobi. Sɨrotitɨpo Jesús nauki sɨsioti chepema.

Hechos 2:42

Namanaiña iñatama isiuki ñanunekakaxɨma axɨbama apóstoles, iñatamaintyo nenaxixhimia ɨmo namanaiña, chepe nakaxɨma axtɨ basoma, axtɨ meabomaintyo.

Hechos 2:46

Naneneka iyoberabaramakɨ au nipo meankax, tapɨ au nipoxɨma basoma chepema aɨbu nipukɨnunkuxɨma.