San Lucas 22:61 - Manityanati Tupax

⁶¹ Auki basɨkɨbɨkoti tato Yɨriabux asaratitɨ ɨmoti Peru, akamanu akionotiyɨ Peru axɨmanu nanti Yɨriabux ɨmoti: “Kaɨma, kɨmenu nipuku po'ox, trex urapakai ta chasuputakapɨñɨ.”

Manitanati Tuparrü

⁶¹ Auqui arrti Señor pebücoti, asaratitü ümoti Pedro. Tapü arrti Pedro aquionotiyü iyo nipiarirrti tücañe Señor ümoti sane: “Antes que apu pohorrü apanca trerrü veserrü que chasuputacapüñü”.

San Lucas 22:61 Referans Kwoze

San Lucas 22:34

Aiñumuti Jesús nuraxti: –Axɨkɨ Peru, suraboira asukarɨkɨ kaɨma, kɨmenu nipuku po'ox, trex urapakai ta chasuputakapɨñɨ.

Apocalipsis 2:5

Akionsɨ, kausane nasɨboriki tɨkañe, ariaku tato esati Tupax aisamuse tatityo takana aisamute auki maɨbo tɨkañe. Axtɨ chaisamutempɨ sane, axɨñɨ yɨkatɨ ityakisɨnɨmakanɨ ikiaɨbuta naesa kantrerux auki axɨmanu kauta ane.

Efesios 2:11

Sane naukiche axaño axɨbama chɨtɨpɨ judíos, axɨbama nɨrixhimia aboi “axɨbama chɨcircuncidabopɨma” axɨmanuma judíos circuncidabo nikɨtɨpɨxti ñoñɨnx uimia, uixhimiantoe nɨrixhimia axɨbama “circuncidaboma”,

Hechos 5:31

Atɨraiti tato uiti Tupax auki aityɨmokonoti au nepanaunkuxti, Yɨriabuxti uiti naki uiche utaesɨbuka ñopɨnanaki nominainte, nauki axɨbama auki Israel aiñokoma nomɨnantɨ sane ixhimiakatati Tupax nomɨnantɨ uimia.

San Juan 13:38

Aiñumuti Jesús nuraxti. –¿Ñemanauntu aityoximiata nasɨboriki ichopikiñɨ? Ñemanauntu sukanañɨ aemo kɨmenu nipuku po'ox trex urapakai chasuputakapɨñɨ.

San Lucas 10:41

Tapɨti Jesús aiñumuti: –Marta, Marta, tarukapae nakionko ñome nachɨkoi,

San Lucas 7:13

Naukiche asaratitɨ Yɨriabux ɨmo, pukɨrusuti tyaku nanti ɨmo: –Tapɨ areoka.

San Marcos 5:30

Axti Jesús, tusinaunku ɨmoti axɨna sɨrotɨ kɨtɨpɨkiti nikusɨuxti, pebɨkoti asaratitɨ ɨmo namanaiña, ankirioti: –¿Ñakuti naki iñentati nisaibi?

San Mateo 26:75

auki akionotiyɨ Peru nuraxti Jesús ɨmoti: “Kɨmenu trex nipuku po'ox urapakai chasuputakapɨñɨ.” Auki sɨrotitɨ Peru aukimanu, tarukapae nareoxti.

San Mateo 26:34

Nanti Jesús ɨmoti: –Ñemanauntu sukanañɨ aemo kaɨma axɨna tobixh, kɨmenu nipuku po'ox, trex urapakai ta chasuputakapɨñɨ.

San Lucas 7:19

bakɨpuruti ɨmoma aɨromatɨ esati Yɨriabux, ankirioma pɨnanakiti axtɨ ñemanauntu tyonenti naki kuabotɨ o kuatatiki kiatax.

San Lucas 22:60

Nanti Peru: –Axɨñɨ, chɨtusiupɨ iñemo isane axɨna ukanɨ. Isiukai, naukiche anankatiki baparioti Peru, puru taman po'ox.

San Lucas 22:62

Auki sɨrotitɨ Peru aukimanu tarukapae nareoxti.