San Lucas 22:26 - Manityanati Tupax

²⁶ Axaño tapɨ apisamute isiukimia. Chɨsanempɨ, axti naki taruku nɨriakaxti abaxɨpekuki tari aisamunenti takanati naki yaɨxtiki nuxia, naki bakɨpuruti tari aisamunenti takanati naki baserebioti ɨmoti kiatax.

Manitanati Tuparrü

²⁶ Tapü arraño tapü apisamute sane. Arrti naqui ane manrrü nüriacarrti, tari ichimiancanatiyü isucarü maquiataca. Arrti naqui bacüpuru, tari tonenti naqui baserebio aume.

San Lucas 22:26 Referans Kwoze

1 Pedro 5:5

Saneityo axaño mayaɨka, apakokonau ɨmo nɨriakaxɨma axɨbama mayɨriabuka aume. Namanaiña apakokonau aumeampatoe aɨbu naupukɨnunku. Tyopiki nantɨ sane iku Nikorox: “Chuxiampɨ ɨmoti Tupax axɨbama au ñakionkoxɨma champɨti kiatax ipiakati pɨrɨkɨma, ta asaratitɨ aɨbu nipukɨruxti tyakuma axɨbama takisɨrɨma.”

1 Pedro 5:3

Tapɨ apisamute aɨbuma axɨbama toxioma aume uiti Tupax takana axtɨ kumanakaxɨma aume, apapache nikiubu año nauki aisamunema nisɨborikixhimia isiuki nausɨboriki.

San Lucas 9:48

nanti ɨmoma: –Axti naki yasuriuruti naki simia au nisɨri, iñemo yasuriurutiñɨ. Naki yasuriurutiñɨ, yasuriurutityo naki uiche aikɨpurutiñɨ. Sane naukiche, axti naki champɨtiatai asaratɨ ɨmoti abaxɨpekuki, tyonenti naki taruku nɨriakaxti.

San Marcos 9:35

Auki atɨmoti Jesús, atasuti ɨmoma axɨmanuma doce nesaxti apóstoles, nanti ɨmoma: –Axtɨ anati naki xhanx taruku nɨriakaxti, tari tyonenti naki tyakɨruxti pɨnanaki namanaiña tari aruku nuxia ɨmoti tyaku makiataka.

Romanos 12:2

Tapɨ abasikia sane aɨbu axɨna nausɨboriki kaɨma, ta apikoñoko napakionko sane nauki apikoñoko nausɨboriki saneityo apisuputarai noñemaxti Tupax, tyone axɨna uxia axɨnaintyo besɨro nausɨboriki.

San Mateo 20:26

Axaño tapɨ apisamute sane aumeampatoe. Chisanempɨ, axti naki xhanxti taruku nɨriakaxti abaxɨpekuki, tari asaratitɨ tyaku makiataka.

San Marcos 10:43

Tapɨ axaño tapɨ apisamute sane aumeampatoe. Axtɨ anati naki xhanxti sɨrɨmanaxti abaxɨpekuki, tari asaratitɨ tyaku makiataka,