San Lucas 21:19 - Manityanati Tupax

¹⁹ ¡Apiña nuxia narukux aume, nauki tapɨ autapeneka!

Manitanati Tuparrü

¹⁹ Arrtü chapatachecapü uimia, ane ñana nausüboriqui arrüna champü nitacürurrü.

San Lucas 21:19 Referans Kwoze

Hebreos 10:36

Tapɨ apatacheka ui nautakisɨrɨkɨ, nauki apisamune noñemaxti Tupax nauki sane apasuriu axɨmanu ɨriotɨ uiti aume.

San Mateo 10:22

Namanaiñantai tɨborikoma ñana aume auki niyaka. Naki chɨbatachebopɨ aɨbu ñakokonaunkuxti ichepe nityakɨrux, tyonenti naki iyebo ñana uiti isɨborikiboti.

Santiago 1:3

Tɨtusiu aume, axtɨ axɨna napakokonaunku ane makokotox ɨmo, axaño apipiaka ñana autakisɨrɨ aɨbu narukux aume.

Apocalipsis 3:10

Aikokota nixhakɨpuku, sane naukiche yasakatɨ atakukɨ axtɨ kuatɨ ñana axɨmanu makokotox ɨmo namanaiña axɨbama po'osoma iku axɨna kɨx.

Romanos 5:3

Chityoneantaipɨ, upukɨnunkaityo oboi nutakisɨrɨkɨ. Tyopiki tusiu oemo ui axɨna nutakisɨrɨkɨ chuɨkapɨtɨ isiu kiatax mapanaunkux,

Romanos 2:7

Toxio ñana uiti isɨborikiboma axɨna champɨ nityakɨrux, ɨmoma axɨbama yapachetioma nanentakax manaunkux ɨmoti Tupax, taikiana aisamunema axɨna uxia.

Apocalipsis 13:10

“Axɨbama sɨrobomatɨ nauki amanamampo, sɨromatɨ ñana nauki amanamampo. Axɨbama samamekanama akoma ui kɨses, ui kɨses ñana koiñoma.” Akamanu ñana atusi narukux takanaintyo ñakokonaunkuxɨma axɨbama ikokoromati Tupax.

Apocalipsis 14:12

Akamanu atusi narukux ɨmoma axɨbama ikokoromati Tupax, axɨbama ikokotama yakɨpukuxti ɨmotityo Jesús.

Hebreos 6:11

Suixhanka nauki axaño sɨsio año aɨbu narukux aume chepe nityakɨrux ñana, nauki apasuriu nanaiña axɨba omixhia chaɨbopɨ nauxianka apasuriu.

1 Tesalonicenses 1:3

Tusiu nuxia suiñemo nanaiña axɨna apisamute uixh apityusiankata ta apikokota nuraxti Tupax kuasɨrɨti aume, axtɨ autakisɨrɨka champɨ nɨmoche aboi, sɨsio año aɨbu narukux aume kɨmenuti Yɨriabux Jesucristo, sukarɨti Tupax naki Uyaɨ.

San Mateo 24:13

Tapɨti naki iñatati nuxia chepe nityakɨrux, añekanati ui nikonkoxti.

Apocalipsis 1:9

Axɨñɨ Kuan, isaruki año isiukiti Cristo, tyopiki axaño takana axɨñɨ oñonkatɨ ɨmoti. Ui axɨna ñonkatɨ ɨmoti, iyebo ñana sobi axɨmanu nanentakax esati Tupax takana axaño, ichakisɨrɨka nauki tapɨ ichapeneka oboi. Tyopiki surapoi nuraxti Tupax xhanityakaityo kɨtɨpɨti Jesucristo ikɨpurumañɨ au axɨmanu kɨx ane tux tyupeku nɨrixh Patmos.

Hebreos 6:15

Axti Abraham chubatapɨ ɨmoti, sane naukiche yasutiuti axɨmanu ɨriotɨ uiti Tupax ɨmoti.

2 Tesalonicenses 3:5

Tari ui noñemaxti Yɨriabux Jesús apakumananaunka ɨmo makiataka takanati Tupax makumananaunxti ɨmo namanaiña, tari aruku nuxia aume axtɨ autakisɨrɨka takana narukux ɨmoti Cristo.

Romanos 8:25

Tapɨ axtɨ axɨmanu baxɨperaka kɨmenu tyone axɨna chubastaikipɨ, sɨsio oñɨ aɨbu nutakisɨrɨkɨ ikɨmenu aɨbu nupukɨnunku.

San Lucas 8:15

Tapɨ axɨmanu sɨrobo kɨtu pakio au axɨna uxia kɨx, tyonema axɨbama uxia nausasɨxɨma xhanxɨma onkoimia isamutema isiuki axɨba omixhia manityakax, sɨsioma aɨbu ñakokonaunkuxɨma, isamutema axɨba omixhia.

Romanos 15:4

Nanaiña axɨmanio ane korobo tɨkañe, korobo nauki tyone manunekanabo oemo, nauki taikiana uixh uxia numakionko saneityo baxɨpera kɨmenu axɨmanu ɨriotɨ oemo.

Romanos 5:4

ui axɨna chuɨkapɨtɨ isiu kiatax mapanaunkux, uixh uxia nosɨboriki au nastaxti Tupax ityopiki ñana iyebo osoi esati Tupax.

Santiago 1:4

Sane naukiche apiña nuxia kɨmenu axɨmanu makokotox chepe nityakɨrux, nauki besɨro nausɨboriki sane apisamune axɨmanu bakɨpukux aume.

2 Pedro 1:6

tapɨ chebo oboi ɨmo naukɨtɨpɨ apisamune isiu nixhankax. Tapɨ autɨborikiatai aɨbu makiataka, apityoximia nausɨboriki ɨmoti Tupax,