San Lucas 18:37 - Manityanati Tupax

³⁷ Namatɨ ɨmoti axti Jesús auki Nazaret ikonɨtiyɨ aukimanu,

Manitanati Tuparrü

³⁷ Namatü ümoti: —Arrti Jesús auqui Nazaret pasaoti auquina.

San Lucas 18:37 Referans Kwoze

San Mateo 2:23

Naukiche tiñataiti, sɨrotitɨ sɨsioti au axɨmanu tube nɨrixh Nazaret. Axɨna sane uxiante nauki akoko axɨna urapoimia axɨmanuma profetas: axti Jesús nɨrixhti ñana Nazareno.

2 Corintios 6:2

Tyopiki nanti iku axɨba Nikorox: “Ñonsapetio nura au axɨmanio omixhia naneneka. Au axɨmanu nanenes ɨmo maximiakatax yasakatɨ atakukɨ.” Tyone kaɨma axɨna uxia nanenes. ¡Kaɨma tyone axɨna nanenes ɨmo maximiakatax!

Hechos 4:10

Axaño, chepe namanaiña axɨbama auki Israel, axti naki ñoñɨnx anati auna, ñemanauntu uxia tato ɨmoti au nɨrixhti Jesucristo auki Nazaret, axti naki takubaxioti kɨtɨpɨ kurusɨx aboi axtityo naki sɨborikoti tato uiti Tupax.

Hechos 2:22

“Amonsapesio nuxia nisura, axɨbama auki Israel axɨna ixhanka sukanañɨ kaɨma aume: Axaño tɨtusiu nuxia aume, ityusiankatati Tupax ausukarɨ nɨriakaxti Jesús auki Nazaret, auki nakaxti omixhante uiti axɨba champɨ tubastai.

San Juan 19:19

Ane axɨmanu korobo uiti Pilato nantɨ sane: “Axti Jesús auki Nazaret, ɨriatu axɨbama judíos”, bakɨpuruti nauki aiñama kɨtɨpɨ axɨmanu kurusɨx.

San Juan 1:45

Yebotitɨ Felipe apacherioroti Natanael, nanti ɨmoti: –Tabɨkoti soboi maniki kɨtɨpɨche korobo uiti Moisés yuku axɨmanio kichonimiakaka nesa bakɨpukux uiti Moisés, axtityo naki kɨtɨpɨche makonomonoma axɨbama profetas. Axti Jesús, tyonenti aɨtoxti Kiosen, auki Nazaret.

San Lucas 2:51

Aukimanu sɨrotɨ tato ichepema au Nazaret, kauta sɨsioti ichepema aɨbu ñakokonaunkuxti au nanaiña ɨmoma. Nipiakɨtoti iñaɨbuta nanaiña axɨna sane au nityusixh.

San Lucas 18:36

naukiche onkoiti namensɨma esakiti, ñankitioti isane axɨna sane.

San Lucas 18:38

tapɨti atosibiti: –¡Jesús, Aɨtoxti David, apukɨru chakuñɨ!