San Lucas 16:19 - Manityanati Tupax

¹⁹ “Anati taman ñoñɨnx taruku nenaxixhti, omeno kɨtɨpɨti omixhia naibixhti champɨ takanache naneneka basaparati axɨba taruku niyukuax niyartaxti.

Manitanati Tuparrü

¹⁹ Nantito Jesús: —Anati taman ñoñünrrü rricurrü. Abe naibirrti omirria, champü tacanache. Naneneca ñasamucurrti pierrta. Champü tacanache nurriancarrü uiti.

San Lucas 16:19 Referans Kwoze

Apocalipsis 18:16

auki namatɨ: “¡Atakisɨrɨkatai, atakisɨrɨkatai yarusɨrɨx Babilonia! Chiyaupɨ nikoñokoko naibi, aɨbu naibi kɨturiki, koñokono ui oro, oboi kanka bupurusubi oboityo kanka ausɨratai niyokorox.

Apocalipsis 18:7

Tyone au ñakionkox tɨkañe champɨ kiatax pɨrɨkɨ, uxiantai ɨmo tɨkañe yarusɨrɨx pukɨnunkuka. Kaɨma apityakisɨnɨmaka apityakisɨnɨmaka isiu nauxianka. Tyopiki au nityusixh nantɨ ‘Yaka auna ichɨmoka takana yarusɨrɨx nɨniabux. Chɨbiuraxɨpɨñɨ, champɨ uiche ichakisɨrɨ.’

Apocalipsis 17:4

Axɨmanu paɨx ane kɨtɨpɨ naibixh kɨturiki, koñokono ui oro, yupu kanka omixhantai nikorox oboityo kanka bupurusubi. Ane meku taman taropes uxiante ui oro ataso ui vino axɨmanu vino tyone axɨba ausɨratai chuxiampɨ isamute manaunu ɨmo matupaka nisamuku mañoñɨnka.

San Lucas 16:1

Urapoitityo Jesús axɨna sane sukarɨma axɨbama nesaxti apóstoles: “Anati tɨkañe tamanti ñoñɨnx taruku nenaxixhti anati tamanti naki asaratitɨ tyaku. Aboma axɨbama yebomatɨ uraboimia isukarɨti axti maniki asaratɨ yutaku nenaxixhti chuxiampɨ yachɨkoiti.

San Marcos 15:17

Iñatama aibiboti kɨturiki, masamunuma ityarusɨboti kɨmeka iñatama ityati.

San Lucas 15:13

Yopɨrɨkɨ mantukubatai nananeka axti maniki aɨtoxti yaɨxtiki nuxia pabenteo uiti nanaiña axɨmanu toxio ɨmoti enaxiboti, aɨbu axɨmanu nikuax sɨrotitɨ iche, au kiatax kɨx, akamanu nanaiña takɨrusu pɨnanakiti ui axɨna chuxiampɨ nisɨborikixhti.

San Marcos 15:20

Naukiche tɨchauki nunkuxɨma ɨmoti, ikiaɨbutama ikɨtɨpɨkiti axɨmanu naibixhti kɨturiki, iñatama tato kɨtɨpɨti naibixtiatoe auki sɨromatɨ aɨbuti tyɨrɨpo, nauki aityakubaxiromati kɨtɨpɨ kurusɨx.

San Lucas 16:18

“Axtɨ anati taman ñoñɨnx posoti iñanatiyɨ peese pɨnanaki nikɨpostoti nauki apoti tatityo aɨbu kiatax, ane nipɨnatenti aɨbu. Axti naki posoti aɨbu axɨna iñanɨ peese pɨnanakiti ikiana anentyo nipɨnate aɨbuti.

San Lucas 16:20

Anatityo kiatax taruku nityakisɨrɨkɨxti nɨrixhti Lázaro, sɨrɨmana obɨrio kɨtɨpɨti tɨmonsoti akɨ abeu tyurux au nipoxti maniki taruku nenaxixhti.