San Lucas 13:14 - Manityanati Tupax

¹⁴ Tapɨti maniki yɨriabux ɨmo sinagoga ɨnantɨ ɨmoti, ityopiki axti Jesús bakurarati au axɨmanu nanenes sabaru, nanti ɨmo axɨmanuma amonkoma akamanu: –Abe seixh naneneka nauki uisamune nubachɨkoi. Ausiapata au axɨmanio naneneka nauki uxiankaño tato, tapɨ abekatɨ au axɨna sabaru.

Manitanati Tuparrü

¹⁴ Pero arrti maniqui yüriaburrü au manu sinagoga tüboricoti, itopiqui bacurarati Jesús au manu nanenese nesa macansacarrü. Nanti ümo genterrü: —Abe seirri naneneca nauqui batrabaca. Au manio naneneca puerurrü abetü nauqui curabo año. Pero au na nanenese nesa macansacarrü churriampü.

San Lucas 13:14 Referans Kwoze

San Mateo 12:2

Auki axɨmanuma fariseos astaimia, auki namatɨ ɨmoti Jesús: –Asasatɨ, axɨbama aboma asiukɨ isamutema axɨna chichebopɨ oemo uisamune au axɨna nanenes sabaru.

San Lucas 6:7

Tapɨ axɨmanuma manunekana bakɨpukux uiti Moisés ichepe axɨmanuma fariseos astayomatɨ ɨmoti Jesús axtɨ uxiankati tato uiti au axɨmanu nanenes sabaru, nauki ane ityopikiche urabomati.

San Lucas 8:41

Auki iñataiti tamanti ñoñɨnx nɨrixhti Jairo, yɨriabuxti au sinagoga. Axti maniki ñoñɨnx bachesoiyoti esati Jesús nanti ɨmoti asamuti nuxia aɨrotitɨ au nipoxti,

San Marcos 5:22

Auki iñataiti taman yɨriabux ɨmo sinagoga, nɨrixhti Jairo, naukiche asaratitɨ ɨmoti Jesús matakonokonoti omonɨ nipopesti

Romanos 10:2

Axɨñɨ sukanañɨ ñemanauntu ta xhanxɨma aserebimia ɨmoti Tupax. Ta axɨmanu nixhankaxɨma chiyebopɨ nuxia uimia.

Hechos 18:17

Auki namanaiña axɨmanuma auki Grecia, iñenomati Sóstenes maniki yɨriabux ɨmo sinagoga okɨsioma ɨmoti akamanu sukarɨma mayɨriabuka. Tapɨti Galión champɨ nɨmoche uiti axɨna sane.

Hechos 18:8

Axti Crispo, yɨriabuxti au axɨmanu sinagoga, aɨbu namanaiña axɨmanuma auki nipoxti, ikokoroti Yɨriabux. Sɨrɨmanamaintyo auki Corinto, ikokotama nuraxti Tupax naukiche onkoimia auki ɨrioma.

Hechos 13:15

Naukiche astaimia axɨmanu Nikorox ɨmo bakɨpukux uiti Moisés axɨmanuintyo ui axɨbama profetas, axɨmanuma mayɨriabuka auki axɨmanu sinagoga namatɨ ɨmoma: –Masarukityaiki, axtɨ ane apanunekatabo ɨmoma axɨbama aboma auna, amukanaño.

San Lucas 6:11

Tapɨ makiataka tɨborikoma auki kaɨma bapacheroma nikiubuma kausane uimia aɨbuti Jesús.