San Lucas 12:37 - Manityanati Tupax

³⁷ Taikiana chiyaupɨ nipukɨnunkuxɨma axɨbama kumanakax axtɨ iñataiti tato naki ɨmoche aserebimia, tabɨkoma uiti astayomatɨ. Ñemanauntu sukanañɨ aume axti maniki ɨmoche aserebimia tɨmonsoma uiti auki uixhtiatoe basaparati ɨmoma.

Manitanati Tuparrü

³⁷ Urriampae naca bama mosorrü tabüro tüchauqui nicoborirrimia, arrtü tiñataiti tato naqui Señor. Ñemanauncurratoe, uiti Señor caüma tümonsoma esa mensarrü, y arrti campiabo naibirrti nauqui aserebiti ümoma.

San Lucas 12:37 Referans Kwoze

2 Pedro 3:14

Sane naukiche, masarukityaiki, axɨna amasankatɨ kɨmenu axɨna sane, apapache nikiubu año nauki uxia nausɨboriki au nastaxti Tupax, nauki atabɨ uiti kicheseña nabausɨpɨ tapɨ ane nomɨnantɨ aboi.

San Mateo 24:42

“Sɨsio año amastaikiatɨ, tyopiki chɨtusiupɨ aume isane nanenes ayetitɨ naki Yɨriabux aume.

Filipenses 1:23

Ñemanauntu chɨtusiupɨ nuxia iñemo isane axɨpekuki axɨmanio tox uxia iñemo: tyopiki axtɨ isɨborikiaiki, yaserebikia ɨmoti Tupax iku axɨna kɨx. Tapɨ axtɨ isonka yɨkatɨ chepeti Cristo au napes, tyone axɨna taruku nixhanka.

1 Corintios 2:9

Sane takana nantɨ iku Nikorox: “Ane koñokono uiti Tupax ɨmoma axɨbama kuasɨrɨti ɨmoma axɨba champɨti astaiti, champɨtityo onkoiti, champɨtityo ane au ñakionkoxti.”

Apocalipsis 14:13

Auki ñonkoi taman tosibixh auki napes, nantɨ iñemo sane: “Aikonomo axɨna sane: ‘Aukina kaɨma chiyaupɨ nipukɨnunkuxɨma axɨbama koiñoma chepeti Yɨriabux Jesús.’ ” “Sane–nanti Espíritu Santo–, axtɨ tochenko nityakisɨrɨkɨxti, tyopiki axti Tupax ane toxiobo uiti ɨmoti ityobo nanaiña axɨna uxia isamutenti.”

2 Pedro 1:11

Ui axɨna sane aurɨbo aume tyurux nauki amenotɨ esati Yɨriabux Jesucristo ñome nanaiña naskɨbeka axti naki uiche ane maximiakatax oemo.

San Juan 12:26

Axtɨ abaxɨpekuki aboma axɨbama xhanxɨma aserebimia iñemo, tari aikokoma nisura. Kauta ñana niyaka akamanuintyo nakaxɨma axɨbama baserebioma iñemo, ane toxiobo ityobo uiti Iyaɨ ɨmoma.

San Lucas 21:36

Sɨsio año takanati naki koborioti, amea naneneka, nauki amañekaka oboi nanaiña axɨba sane omixhankio ñana nauki amenotɨ esati Aɨtoxti ñoñɨnx.”

Apocalipsis 7:17

Tyopiki axɨmanu Nobixhax, ane kɨmuintya nityɨmoxti Yɨriabux, tyone ñana asaratɨ tyakuma sɨrotɨ ñana aɨbuma esa nantaityux kauta ane tux axɨna uiche asɨborimia, uiti Tupax ñana aisɨbuti nisukɨxɨma.”

Apocalipsis 3:21

Axɨbama chɨtapenekopɨma aboma ñana chepeñɨ kauta niyaka aɨbu nisɨriaka, sane takana axɨñɨ chichapenekapɨ auki ichɨmoka chepeti Iyaɨ kauta nityɨmo nɨriakaxti.

Filipenses 1:21

Axtɨ isɨborikia, ixhanka nauki yaserebi ɨmoti Cristo, tapɨ axtɨ isonka tyone axɨna iyebo sobi.

San Lucas 17:8

Chɨsanempɨ, ta nanti ɨmoti: ‘Apache xhutuburiboñɨ, asikia auna yesañɨ asaratɨ chakuñɨ chepe axtɨ tɨchauki nixhaka chaukityo nichaka. Auki kaɨma a'aka achakaityo.’

San Lucas 12:43

Taikiana chiyaupɨ nipukɨnunkuxti kumanakax axtɨ tabɨkoti uiti naki ɨmoche aserebiti tabɨkoti uiti anati kuata niyachɨkoiti.

San Lucas 12:36

Apisamuse takana axɨmanuma mañoñɨnka chɨmanumupɨma yaxɨperakaxɨma kɨmenuti naki ɨmoche aserebimia niyekixhti tato auki tɨbɨbɨx, nanaiña koñokono uimia omo uimia nibiasaruxɨma, aboma esa tyurux ɨmo axtɨ iyotobaitati kontokai aiyaɨbuma.

San Lucas 22:27

¿Ñakuti naki taruku nɨriakaxti, taki naki tɨmonsoti nauki a'ati, o axti naki baserebio? ¿Ensapɨ chɨtɨpɨti naki tɨmonsoti a'ati? Tapɨ axɨñɨ yaka auna abaxɨpeku takanati naki baserebio.

Apocalipsis 16:15

Sane naukiche axti Yɨriabux nanti: “Isekatato ñana axtɨ champɨti ane ñakionkoxti. Isekatɨ takanati kusɨpɨx, naki kusɨpɨoti au tobixh axtɨ champɨti ane ñakionkoxti. Axti Tupax kurusɨoti uiti naki chɨmanutañatipɨ axtɨ anentyo naibixhti, tyopiki chɨtabɨkotipɨ uiti kɨsuasati. Champɨityo tyakuche akɨsoti.”