San Juan 9:34 - Manityanati Tupax

³⁴ Auki namatɨ ɨmoti: –Axɨkɨ, aka iku kɨx yupu nomɨnantɨ akɨtɨpɨkɨ, ¿axianka anuneka suiñemo? Auki aipenenomati tyɨrɨpo auki axɨmanu sinagoga.

Manitanati Tuparrü

³⁴ Auqui namatü ümoti: —Arrücu ane nomünantü obi auqui numo aübo aca icu currü. ¿Causane arria aiñununecana somü? Auqui penecoti uimia auqui sinagoga. Chüpuerurrtiquipü aiñanaunutiti Tuparrü au ba poca sinagoga.

San Juan 9:34 Referans Kwoze

San Juan 9:22

Namatɨ sane ui nixhukuxɨma ñɨnana axɨmanuma ɨriatu axɨbama judíos, ityopiki axɨma tɨchepe ñakionkoxɨma nauki aipenenomati tyɨrɨpo auki sinagoga axti naki ikokoroti Jesús axtɨ namati tyonenti Mesías.

San Juan 9:2

Axɨmanuma apóstoles ñankitioma pɨnanakiti: –Maestro, ¿kausane anati iku kɨx naki ñoñɨnx supusuti? ¿Ensapɨ ui axɨna nomɨnantɨ ui axɨbama yaɨtoti, o ui axɨna nomɨnantɨ uixhtiatoe?

San Lucas 18:17

Ñemanauntu sukanañɨ aume axti naki chiyasutiutipɨ nɨriakaxti Tupax takanati naki simiantiki, chiyebopɨ uiti kauta nakax.

Apocalipsis 13:17

Champɨti naki makomporarati nipɨ apabentekati axtɨ champɨ axɨmanu nikorox kɨtɨpɨti o nikoro nɨrixhti.

3 Juan 1:9

Axɨñɨ xhakonomoka taman kichonimiakax ɨmoma axɨbama ikokoromati Jesús, tapɨti Diótrefes chiyasutiutipɨ nisɨriaka, tyopiki axti uxia ɨmoti akɨputi.

1 Pedro 5:5

Saneityo axaño mayaɨka, apakokonau ɨmo nɨriakaxɨma axɨbama mayɨriabuka aume. Namanaiña apakokonau aumeampatoe aɨbu naupukɨnunku. Tyopiki nantɨ sane iku Nikorox: “Chuxiampɨ ɨmoti Tupax axɨbama au ñakionkoxɨma champɨti kiatax ipiakati pɨrɨkɨma, ta asaratitɨ aɨbu nipukɨruxti tyakuma axɨbama takisɨrɨma.”

Efesios 2:3

Sane tɨkañe nosɨboriki namanaiña axoñɨ, uɨkatɨ yusiu axɨba chomixhampɨ nixhantɨmo nokɨtɨpɨ takanaintyo numapanaunku. Tyopiki axɨna sane, koñopɨtɨ oemo basuriu nutakisɨrɨkɨ uiti Tupax, takana namanaiña makiataka.

Gálatas 2:15

Axoñɨ axɨbama judíos aukiapae maɨbo usaka iku kɨx, chɨtakanapɨ axɨbama chikokoropɨmati Jesús.

1 Corintios 5:13

Sane naukiche apikiaɨbusti abaxɨpekuki maniki chuxiampɨ nisɨborikixhti.

San Juan 9:40

Axɨmanuma fariseos amonkoma akamanu ichepeti, onkoimia axɨna nuraxti sane, auki ñankitioma pɨnanakiti: –¿Axɨsomɨntyo supux somɨ?

San Juan 9:35

Ipiatenti Jesús axɨna penekoti uimia axti manki supusu. Naukiche ikuñunuti ñankitioti pɨnanakiti: –¿Axɨkɨ aikokokati Aɨtoxti ñoñɨnx?

San Juan 8:41

Axaño apisamute takana axɨna isamutema axɨbama aubaɨtaiki. Axɨma namatɨ ɨmoti: –¡Axɨsomɨ champɨti kiatax suiyaɨ, kunauntañatiatai Tupax tyonenti Suiyaɨ!

San Juan 6:37

Namanaiña axɨbama toxioma iñemo uiti Iyaɨ, kuamatɨ yesañɨ. Axɨbama kuamatɨ yesañɨ, chɨsɨropɨma ñana sobi tyɨrɨpo.

San Lucas 14:11

Tyopiki axti naki uixhtiatoe taruku niyarusɨrɨkɨxti, simiamati tato ñana. Tapɨti naki simiamantiatai, taruku ñana niyarusɨrɨkɨxti.

San Lucas 11:45

Aiñumuti tamanti maniki manunekana ɨmo bakɨpukux uiti Moisés: –Maestro, axɨrabotɨ nura ta suiñemointyo.

San Lucas 6:22

Aupukɨnu axtɨ makiataka tɨborikomantai aukuata, axtɨ ipenenoma año, uratokioma aume, chuxiampɨ ɨmoma onkoimia nabɨri takana axɨna chuxiampɨ, auki nakaxti naki Aɨtoxti ñoñɨnx.

3 Juan 1:10

Sane naukiche axtɨ yɨkatɨ tanu yasaraño, ikuansomokokati, tyopiki chuxiampɨ nuraxti oemo. Chityoneantaipɨ, chasaratitɨpɨ ɨmoma axɨbama ikokoromati Jesús auki kiatax narɨkɨkixh. Axtɨ anati naki xhanxti asuriuruma au nipoxti, chuxiampɨ ɨmoti penekotityo uiti axɨpekukimia axɨbama ikokoromati Jesús.