San Juan 8:52 - Manityanati Tupax

⁵² Axɨmanuma judíos aiñumuma nuraxti: –Ñemanauntu kaɨma sopikokota ta anati chobores akɨtɨpɨkɨ. Axti Abraham ichepe axɨbama profetas koiñoma, tapɨ axɨkɨ ukanɨ: ‘Naki ikokotati nura chɨkoiñotipɨ ñana.’

Manitanati Tuparrü

⁵² Aiñumuma manuma israelitarrü: —Chauqui tütusio nurria suiñemo, que anati choborese aucü. Itopiqui arrti Abraham coiñoti, y arrübama profetarrü tücañü coiñoma ito. Pero arrücü ucanü: “Arrti naqui macoconaunrrü ümo nisura, chücoiñotipü”.

San Juan 8:52 Referans Kwoze

Hebreos 2:9

Basakati Jesús, naki simia nɨriakaxti uiti Tupax pɨnanaki axɨbama ángeles ñome mɨmanantai naneneka, anati aɨbu yarusɨrɨx nɨriakaxti, tyopiki nikonkoxti. Axti Tupax, ui ñakumananaunkuxti, chebo uiti nauki asuriuti nikonkoxti tyaku namanaiña.

San Juan 9:24

Axɨmanuma ɨriatuxɨma axɨbama judíos ityasurumati tatityo maniki supusuti tɨkañe, namatɨ ɨmoti: –Urasoi suisukarɨ axɨna ñemanauntu. Axɨsomɨ tusiu suiñemo axti maniki ñoñɨnx chiyaupɨ nomɨnantɨ uiti.

San Juan 8:48

Auki namatɨ axɨmanuma judíos ɨmoti: –Axɨsomɨ suisoñoka axtɨ sukanasomɨ axɨkɨ po'osokɨ au samaria anatityo chobores akɨtɨpɨkɨ.

Hebreos 11:13

Namanaiña axɨmanuma mañoñɨnka koiñoma chiyasutiuma axɨmanu ɨriotɨ uiti Tupax ɨmoma. Ta ui axɨna ikokoromati nuxia, astaimia auki icheatai, auki taruku nipukɨruxɨma, akamanu tusiu ɨmoma, ta axɨma chɨtɨpɨ nikɨxɨma axɨna kɨx.

San Juan 8:51

Ñemanauntu axti naki ikokotati nixhanunekaka, sɨborikoti ɨmo nanaiña naskɨbeka ichepeti Tupax.

San Mateo 11:18

Iñataiti Kuan, axti naki chɨbasotipɨ chichabotipityo, axaño amukanaño anati chobores kɨtɨpɨti.

San Juan 1:19

Tyone axɨna urapoiti Kuan, naukiche axɨmanuma mayɨriabuka judíos bakɨpuruma auki Jerusalén ɨmo axɨmanuma sacerdotes ichepe axɨmanuma levitas ankirioma pɨnanakiti Kuan isane nakaxti.

San Juan 7:20

Axɨma aiñumuma nuraxti: –Anati chobores akɨtɨpɨkɨ, ¿Ñakuti xhanxti aityabairotiyɨ?

San Juan 8:22

Axɨmanuma ɨriatu axɨbama judíos namatɨ: –¿Kausane nanti sane chiyebopɨ osoi kauta niyɨkɨxti? ¿Taki xhanxti aityabairotiyɨ?

San Juan 8:55

Ñemanaunkuxatoe, axaño chausuputakatipɨ. Axɨñɨ isuputakati. Isuputakati sane naukiche xhakokonaunka ɨmoti. Axtɨ sukanañɨ chisuputakatipɨ, taruku nixhapantu takana axaño.

San Juan 14:23

Aiñumuti Jesús nuraxti: –Axti naki isuasɨrɨka ɨmoti, ikokotati nixhakɨpuku. Kuasɨrɨtityo ɨmoti Iyaɨ, axti Iyaɨ ichepeñɨ sobekatɨ nauki sɨsio somɨ ichepeti.

San Juan 15:20

Apakionsaño axɨna surapoi ausukarɨ: ‘Champɨti kumanakax taruku nɨriakaxti pɨnanakiti maniki ɨmoche aserebiti.’ Axtɨ anankañɨ xhatanekaka ñɨnanama, axañointyo apatanekaka ñana ñɨnanama. Axtɨ onkoimia nisura, onkoimiaintyo ñana nabura.

San Juan 17:6

“Axɨbama toxioma obi iñemo tɨsurapoi sukarɨma kausane nɨriaka. Obi tɨkañe samekanama, auki toxioma obi iñemo, sobi ikokotama axɨna nakɨpuku ɨmoma.