San Juan 8:26 - Manityanati Tupax

²⁶ Chiyaupɨ surapoboiboñɨ kɨtɨpɨ axɨna chuxiampɨ nausɨboriki. Axti naki uiche aikɨpuruñɨ nanti axɨna ñemanauntu, axɨñɨ sukanañɨ aume axɨna ñonkoi nuraxti.

Manitanati Tuparrü

²⁶ Ane cütüpürrü surapoboiboñü ümo arrüna churriampü napisamute. Pero chüsurapoipü caüma. Solamenterratai surapoi icu na cürrü arrüna nanti iñemo naqui uiche icüpuruñü. Arrüna nurarrti ñemanauncurratoe.

San Juan 8:26 Referans Kwoze

San Juan 15:15

Chɨtɨpɨ kumanakax nabɨri sobi, ityopiki axti kumanakax chɨtusiupɨ ɨmoti isane yachɨkoiti naki ɨmoche aserebiti. Nabɨri sobi ichurapa, ityopiki surapoi ausukarɨ nanaiña axɨna urapoiti Iyaɨ sukarɨñɨ.

San Juan 8:40

Chɨsanempɨ, tɨsukanañɨ aume axɨna ñemanauntu nanti Tupax iñemo, tapɨ axaño auxianka apityabairoñɨ. ¡Champɨ isamutenti Abraham takana axɨna sane!

San Juan 17:8

Tɨsurapoi sukarɨma nanaiña axɨna ukanɨ iñemo, axɨma yasutiuma. Tɨtusiu ɨmoma ta ñemanauntu isekatɨ atupekukikɨ, ikokotamaintyo ta obi aikɨpukañɨ.

San Juan 7:28

Anankati Jesús manunekanati au nipo meankax, naukiche onkoiti axɨna sane, nanti kɨpurabo nuxia nuraxti: –¡Ñemanauntu, champɨti isuputarañɨ, aukiche isetɨ! Axɨñɨ chisekapɨtɨ ui niñoñemantoe. Axɨñɨ isekatɨ ui yakɨpukuxti Tupax, naki chausuputakatipɨ.

2 Corintios 1:18

Tusiu ɨmoti Tupax ta axɨsomɨ chɨsukanasomɨmpɨ aume “sane” sukanasomɨntyo “chɨsanempɨ.”

San Juan 16:12

“Sɨrɨmanainki axɨba surapoboibo ausukarɨ, axɨna axtɨ surapoi ausukarɨ chiyebopɨ aboi.

San Juan 7:16

Aiñumuti Jesús nuraxɨma: –Axɨna xhanunekaka chɨtɨpɨ ui niñoñemantoe ta uiti naki uiche aikɨpurutiñɨ.

San Juan 3:11

Ñemanauntu sukanañɨ aemo axɨsomɨ supanityaka axɨna tusiu suiñemo, suburapoi axɨna sumastai. Tapɨ axaño chapikokotapɨ axɨna suburapoi ausukarɨ.

San Juan 8:25

Auki ñankitioma pɨnanakiti: –¿Ñakutikɨmo? Aiñumuti Jesús nuraxɨma: –¿Kausane iñumu nabura?

San Juan 8:27

Axɨma chiyebopɨ uimia axɨna nuraxti ɨmoma kɨtɨpɨti Yaɨtoti.

San Juan 18:20

Nanti Jesús ɨmoti: –Axɨñɨ xhanityaka sukarɨ namanaiña. Nantax xhanunekaka ubau sinagoga autyo nipo meankax, chiñanekatapɨ nixhanunekaka.