San Juan 6:55 - Manityanati Tupax

⁵⁵ Tyopiki nisɨtɨpɨ tyone axɨna ñemanauntu basapatax, tapɨ niñoto tyone axɨna ñemanauntu machamatax.

Manitanati Tuparrü

⁵⁵ Itopiqui arrüna nirrañetu es ñemanauncurratoe comirarrü, y arrüna niñoto ñemanauncurratoe tüporrü.

San Juan 6:55 Referans Kwoze

San Juan 15:1

“Axɨñɨ ñemanauntu tyone axɨmanu nityakɨ uva, tapɨti Iyaɨ tyonenti naki asaratitɨ tyaku.

San Juan 8:31

Nanti Jesús ɨmo axɨmanuma judíos ikokoromati: –Axtɨ apikokota nihxanunekaka, ñemanaunkuxatoe tyonema axɨbama amonkaño isiuñɨ.

San Juan 8:36

Sane naukiche, axtɨ axɨñɨ Aɨtoxti Tupax, ixhimiakata axɨna nomɨnantɨ aboi, ñemanaunkuxatoe uxia nausɨboriki.

San Juan 6:32

Aiñumuti Jesús nuraxɨma: –Ñemanauntu sukanañɨ aume chuitipɨ Moisés atoxi aume axɨmanu pan auki napes, axti Iyaɨ tyonenti naki uiche toxio aume axɨmanu ñemanaunkuxatoe pan auki napes.

San Juan 1:9

Axɨmanu ñemanauntu basarux kuatɨ nauki anentax uixh ɨmo namanaiña iku axɨna kɨx.

Hebreos 8:2

Axti maniki sacerdote tyonenti Jesucristo, naki baserebioti au nipoxti Tupax, axɨna kauta ñemanauntu ane manaunkux ɨmoti Tupax, axɨna nisamukuxtiatoe chityonempɨ nisamuku mañoñɨnka.

San Juan 1:47

Naukiche asaratitɨ Jesús kɨmenuti Natanael, nanti: –Kuatati tauna tyonenti naki ñemanauntu auki Israel, naki chipiakatipɨ apanti.

1 Juan 5:20

Tusiuityo oemo axti Aɨtoxti Tupax kuatati tɨkañe aiñununekanati oñɨ nauki usuputarati naki ñemanaunkuxatoe Tupax. Usaka chepeti naki ñemanauntu Aɨtoxti Tupax axti Jesucristo. Tyonenti naki ñemanaunkuxatoe Tupax naki uiche naka champɨ nityakɨru nosɨboriki.

San Juan 6:54

Axti naki basoti nisɨtɨpɨ chabotityo niñoto, iyebo uiti nisɨborikixhti ɨmo nanaiña naskɨbeka. Tapɨ axɨñɨ sɨborikoti tato sobi au axɨmanu tyakɨrux nanenes.

San Juan 6:56

Axti naki iñatenti nisɨtɨpɨ chabotityo niñoto, sɨborikoti ichepeñɨ, tapɨ axɨñɨ po'osoñɨ kɨtɨpɨti.