San Juan 3:21 - Manityanati Tupax

²¹ Tapɨti naki isamutenti axɨna uxia, sɨrotitɨ esa nanentax nauki atusi axɨba isamutenti ta auki noñemaxti Tupax.”

Manitanati Tuparrü

²¹ Tapü arrübama isamutema arrüna ñemanauncurratoe urria, süromatü esa manu basarurrü (esati Cristo), nauqui atusi que urria nisamutema ui yayuracarrti Tuparrü ümoma.

San Juan 3:21 Referans Kwoze

1 Juan 1:6

Axtɨ usukana oñɨ usaka chepeti, tapɨ nosɨboriki ane au tomikianene, mapanka ta chuisamutempɨ axɨna ñemanauntu.

3 Juan 1:11

Saruki Gayo, tapɨ aisamute isiukimia axɨbama isamutema axɨna chuxiampɨ, ta aisamuse isiukimia axɨbama axia nisɨborikixhimia uxia. Axti naki isamutenti axɨna uxia, tyonenti aɨtoxti Tupax, tapɨti naki isamutenti axɨna nomɨnantɨ chisuputaratipɨ Tupax.

Efesios 5:9

Ui noñema nesaxti Espíritu uisamute axɨna uxia axɨna besɨro axɨna ñemanauntu.

Filipenses 2:13

Tyopiki ui noñemaxti Tupax apisamute axɨna besɨro nausɨboriki, isamutenti sane tyopiki sane nixhankaxti.

Gálatas 6:8

Axti naki mankɨturuti axɨba chomixhampɨ nixhantɨmoti, auki axɨmanio chomixhampɨ nixhantɨmoti, bapakɨtauruti ñana konkox. Tapɨti naki mankɨturuti ɨmoti Espíritu Santo, aukiti Espíritu Santo bapakɨtauruti ñana sɨborikixh axɨna champɨ nityakɨrux.

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.

Hebreos 13:21

tari au nanaiña besɨro nausɨboriki uiti, nauki apisamune noñemaxti. Nauki aisamunenti usaɨbu axɨna nixhantɨmoti, tyopikiti Jesucristo. ¡Chɨtakɨnunaumpɨ manaunkux ɨmoti Cristo! Amén.

Colosenses 1:29

Ɨmo nanaiña axɨna sane isamute niyachɨkoi ui noñemaxti Cristo axɨna toxio uiti iñemo.

Filipenses 1:11

Tyopiki uiti Jesucristo axaño apisamute axɨna uxia, nauki namanaiña anauma ɨmoti Tupax sane yarusɨrɨxtyo nɨrixhti uimia.

San Juan 5:39

Axaño taruku niyekixh aboi Nikorox, ityopiki au napakionko uixh iyebo aboi ausɨborikibo au napes. Chɨsanempɨ, axɨmanio Nikorox panityana sɨtɨpɨñɨ,

San Juan 1:47

Naukiche asaratitɨ Jesús kɨmenuti Natanael, nanti: –Kuatati tauna tyonenti naki ñemanauntu auki Israel, naki chipiakatipɨ apanti.

2 Corintios 1:12

Ane axɨna tyopikiche taruku suipukɨnunku, tyopiki axɨna suiyausɨpɨ uixh uraboi ta besɨro suisɨboriki iku axɨna kɨx, takanaintyo aupu. Tyopiki axɨsomɨ chisomekapɨtɨ isiuki ñapanaunkuxɨma mañoñɨnka, ta somonkatɨ ɨmo noñemaxti Tupax.

1 Corintios 15:10

Ui nipukɨruxti Tupax chakuñɨ sane axɨna niyaka. Axɨmanu nipukɨruxti saɨbuñɨ chɨmunataipɨ, axɨñɨ sɨrɨmana axɨba niyachɨkoi omixhante sobi pɨnanakimia. Chɨsobiatoipɨ ta ui noñemaxti Tupax.

Apocalipsis 3:15

Tusiu iñemo nanaiña axɨna aisamute. Tusiuityo iñemo chaikokokapɨñɨ nuxia, ta aikokokañɨ simiantai. ¡Uxiampɨ axtɨ aikokokañɨ nuxia, o ui taman tapɨ aikokokañɨ!

San Juan 3:20

Namanaiña axɨbama isamutema axɨba chomixhampɨ, tɨborikomantai kuata nanentax, chɨsɨropɨmatɨ esa tapɨ tusiu axɨna chuxiampɨ isamutema.

San Juan 7:17

Axti naki xhanxti aisamunenti noñemaxti Tupax, tyonenti tusiu ɨmoti axtɨ axɨna xhanunekaka kuatɨ aukiti, o xhanunekaka saukiñɨantoe.