San Juan 21:25 - Manityanati Tupax

²⁵ Abe pikiataka sɨrɨmana axɨba omixhiante tɨkañe uiti Jesús. Taruku nububikixh, axtɨ bokorobopɨ nanaiña taikiana taman, iku nanaiña kɨx champɨ kautapɨ ameno axɨmanio Nikorox.

Manitanati Tuparrü

²⁵ Abe sürümana arrüba omirriante uiti Jesús, arrüna chübocorobopü. Arrtü suirrancapü supaconomo nanaiña arrüna urriante uiti, nirraquionco caümainquipü chütacürusupü supaconomoco.

San Juan 21:25 Referans Kwoze

Hebreos 11:32

¿Isanenkipɨ axɨna surapoboibo ausukarɨ? Chiñataipɨ iñemo naneneka xhanitya aume naukiche onkotitɨ Gedeón ɨmoti Tupax, axti Barac, axti Sansón, axti Jefté, axti David, axti Samuel, axɨbamaintyo urapoimia tɨkañe noñemaxti Tupax.

Hechos 10:38

Tusiu aume, toxioti Espíritu Santo ɨriakaboti Jesús naki auki Nazaret, axti Jesús isamuniontiño axɨba omixhia auki namensti, uxiankamaintyo tato uiti axɨbama takisɨrɨ uiti chobores. Axɨna sane isamutenti, ityopiki axti Tupax anati ichepeti.

Hechos 20:35

Nantaxtai iñununekakaño ta sane uisamute axɨna nubachɨkoi, nauki bachetyo noñenaxi ɨmo axɨbama champɨ ane ɨmoma, sane tapɨ takɨrusu numakionko iyo axɨmanu nuraxti Yɨriabux Jesús, naukiche nanti: ‘Taruku nupukɨnunku axtɨ makumanaka, pɨnanaki baxɨpera basuriu.’

San Mateo 11:5

Aburasoi sukarɨti axɨbama supusu asaramatɨ tato, axɨbama chuxiampɨ namensɨma uxia tato namensɨma, axɨbama ane lepra kɨtɨpɨma sɨrɨbu kɨtɨpɨkimia noxokox ɨmoma, axɨbama chonaumpɨma onaunxɨma tato, axɨbama koiñoma sɨborikoma tato tapɨ axɨbama taruku nityakisɨrɨkɨxɨma ane ñana toxiobo ɨmoma axɨba omixhia.

San Mateo 19:24

Sukanañɨ tatityo aume sɨnanaunx taman camello auki nisɨto kɨmes, pɨnanakiti naki taruku nenaxixhti aye uiti esati Tupax.

San Marcos 5:16

axɨmanuma astaimia axɨmanu sane aɨbuti maniki anankati chobores kɨtɨpɨti yochepe axɨmanio nupaucheka, uimia uraboimia sukarɨ makiataka.