San Juan 20:25 - Manityanati Tupax

²⁵ Naukiche iñataiti tato Tyomanxi, axɨmanuma makiataka urapoimia sukarɨti: –Sumasakati Yɨriabux. Tapɨti Tyomanxi aiñumuti nuraxɨma: –Axtɨ chiyastaipɨ nobɨrityu ne'esti oboi krabuka, axtɨ chiñatapɨ niñee ubau nobɨrityux autyo nipetakuxti, chikokotapɨ.

Manitanati Tuparrü

²⁵ Numo tüsürotitito Jesús, iñataiti tato Tomás. Auqui urapoimia isucarüti que arrüma asaramati Jesús. Tapü arrti iñumutati: —Arrüñü icocota arrtü yarrtai neherrti obürio oboi crabuca. Irranca te iñe arrümanu nobüriturrü ümo neherrti y ümo nipetacurrti. Aüboqui puerurrü icoco que süboricoti tato.

San Juan 20:25 Referans Kwoze

San Juan 6:30

Axɨma ñankitioma pɨnanakiti: –¿Isane aityusiankata suisukarɨ, nauki axtɨ sumastai uixh kaɨma sopikokorɨ? ¿Isane axɨba aisamukio?

San Marcos 16:11

Naukiche turapoi isukarɨma ta sɨborikoti tato Jesús, chikokotapɨma.

Hebreos 3:18

¿Ñakusanema axɨmanuma nanti Tupax ɨmoma ta chiyebopɨ ñana uimia au nikɨxti? Axɨmanuma chɨmakokonaumpɨma.

Hebreos 3:12

Masarukityaiki, amasasai nuxia, tapɨ anati taman abaxɨpeku axti naki champɨ nuxiantu nausasɨxti naki chɨmakokonaumpɨ naki iñanatiyɨ pese pɨnanakiti Tupax naki sɨborikoti.

San Juan 21:7

Auki axti maniki kuasɨrɨtiapae ɨmoti Jesús nanti ɨmoti Peru: –¡Unka tyonenti Yɨriabux! Naukiche onkoiti Peru axɨna sane ta tyonenti Yɨriabux, aiñanti kɨtɨpɨti naibixhti ityopiki anankati kɨsuasati, auki atobɨti au tux.

San Juan 1:41

Kusɨrɨbo aikuñunuti Andrés yarukityoxtiatoe Simón, nanti ɨmoti: –Sopisuñukati Mesías (nantɨ sane: axti Cristo)

San Lucas 24:25

Auki nanti Jesús ɨmoma: –¡Tarukapae champɨ iyebo aboi masamuñampae apikoko nanaiña axɨna urapoimia tɨkañe axɨbama profetas!

San Mateo 27:42

–Taesɨburuma uiti makiataka, tapɨ axtiatoe chɨtaesɨburutipɨ. Tyonenti yɨriabuxti ɨmo Israel: ¡tari yebatitɨ akɨ kɨtɨpɨki kurusɨx, auki kaɨma uikokokati!

San Marcos 16:13

Sɨromatityo uraboimia isukarɨ makiataka. Isiatai chikokotapɨma.

San Marcos 16:14

Ta'aiki pariu ityusiankanatiyɨ Jesús isukarɨ axɨmanuma once nesaxti apóstoles, amonkoma tɨmonsoma basoma. Akamanu kuasoma uiti ityopiki chikokotapɨma tyakuityo nityai nausasɨxɨma, ui axɨna chikokotapɨma nuraxɨma axɨbama ityusiankanatiyɨ isukarɨma, ta sɨborikoti tato.

San Juan 20:27

Auki nanti ɨmoti Tyomanxi: –Asasio niñee asasaityo nipetaku, aisɨkɨma ne'e au nobɨrityux. Tapɨ chakokonaunkapɨ. ¡Akokonau!