San Juan 20:19 - Manityanati Tupax

¹⁹ Naukiche tɨtobikia au axɨmanu nanenes tominko, axɨmanuma amonkoma isiuti Jesús iyoberabaramakɨ au taman pox. Amonkio tyuruka umamana nuxia uimia ui nixhukuxɨma ñɨnanama axɨmanuma ɨriatuma axɨmanuma judíos. Sɨrotitɨpo Jesús axɨpekuma, atɨraiti kɨmuintya axɨpekuma, mankioti nuxia ɨmoma, nanti: –¡Taikiana uxia aboi aumeampatoe!

Manitanati Tuparrü

¹⁹ Chauqui tütobiquia au manu nanenese tominco. Arrübama ñanunecasarrti Jesús iyoberabaramacü au manu taman porrü. Mamana bien nurria uimia turuca, ui nirrucurrüma ñünana bama üriatu bama israelitarrü. Rrepenteatai tanati Jesús arrüpecumampo, manitanati nurria ümoma, nanti: —Taiquiana urria nabaca.

San Juan 20:19 Referans Kwoze

San Juan 20:26

Yopɨrɨkɨ ocho naneneka, axɨmanuma amonkoma isiuti oberabarama tatityo au axɨmanu pox, auki anankati Tyomanxi ichepema. Amonkio tyuruka umamana uimia, auki sɨrotitɨpo Jesús, sɨroti kɨmuintya axɨpekuma auki mankioti ɨmoma, nanti: –¡Taikiana uxia aboi aumeampatoe!

San Juan 14:27

“Onkono sobi aume axɨna uxia. Toxio sobi aume axɨna uxia, tyopiki chisiupɨ takana nixhankaxɨma axɨbama ikuki axɨna kɨx. Tapɨ ausucheka tapɨ aupixhukaityo.

San Juan 20:21

Auki nanti tatityo ɨmoma: –¡Taikiana uxia aboi aumeampatoe! Takanati Iyaɨ ikɨpurutiñɨ, saneityo axɨñɨ ikɨpukaño.

Efesios 2:14

Uiti Cristo uxiantato osoi oemoampatoe takanaintyo aɨbuti Tupax. Tyopiki nikonkoxti kɨtɨpɨ kurusɨx, axɨna chuxiampatai osoi oemampatoe tyone axɨmanu naxipox axɨna uiche iche nusaka axɨbama judíos pɨnanaki axɨbama chɨtɨpɨ judíos, uiti Cristo axɨbama toxɨma aɨtoxti kaɨma kunauntaña nakaxɨma.

2 Tesalonicenses 3:16

Tari axti naki Yɨriabux uxia uiti taikiana uxia uiti aume, au nanaiña nausɨboriki, tari sɨsioti Yɨriabux abaxɨpeku.

San Juan 7:13

Namanaiña anekanatai nuraxɨma kɨtɨpɨti, ityopiki bixhubuma ñɨnanama axɨmanuma ɨriatu axɨbama judíos.

San Marcos 16:14

Ta'aiki pariu ityusiankanatiyɨ Jesús isukarɨ axɨmanuma once nesaxti apóstoles, amonkoma tɨmonsoma basoma. Akamanu kuasoma uiti ityopiki chikokotapɨma tyakuityo nityai nausasɨxɨma, ui axɨna chikokotapɨma nuraxɨma axɨbama ityusiankanatiyɨ isukarɨma, ta sɨborikoti tato.

Apocalipsis 1:4

Axti Kuan ñakionkoxti ñome axɨmanio siete kauta nakaxɨma axɨbama ikokoromati Jesús axɨbama aboma au Asia. Apasusiu makunusɨankakax taikianaintyo uxia aume uiti naki kuabotɨ ñana, axɨbamaintyo siete espíritu axɨbama aboma esa nityɨmoxti,

1 Corintios 15:5

Ityusiankanatiyɨ sukarɨti Peru, auki sukarɨ namanaiña axɨmanuma doce.

San Juan 16:33

Sukanañɨ nanaiña axɨna sane ausukarɨ, nauki uxia nausɨboriki axɨna abaka ichepeñɨ. Iku axɨna kɨx, autakisɨrɨka ñana. Tapɨ oxonene aume, axɨñɨ batacheboma sobi axɨbama mayɨriabuka ikuki axɨna kɨx.

Hebreos 7:2

Auki axti Abraham ityoximiatati ɨmoti Melquisedec aruki axɨmanu iyebo uiti auki yaikixhti. Axɨmanu nɨrixhti Melquisedec ta sane “yɨriabux besɨro ñapanaunkuxti”, kiatax nɨrixhti yɨriabux ɨmo Salem, ta sane “yɨriabuxti naki uxia uiti ɨmo namanaiña”

Filipenses 1:2

Tari axti Tupax naki Uyaɨ axtityo Yɨriabux Jesucristo aikunusɨankanama año taikianaintyo uxia uimia aume.

Efesios 6:23

Axti Tupax naki Uyaɨ axtityo Yɨriabux Jesucristo, tari ityoximianama ɨmoma axɨbama usarukityaiki ñakumananaunkuxɨma nauki uxia aboi aumeampatoe aɨbu napakokonaunku.

Romanos 15:33

Tari axti naki Tupax taikiana uxia uiti sɨsioti abaxɨpeku. Amén.

San Juan 16:22

Saneityo axaño, autakisɨrɨka kaɨma ui nausucheki. Axɨñɨ isekatɨ tato ñana yasaraño, auki ñana taruku naupukɨnunku, champɨti ñana ikiaɨbutati amopɨnanaki naupukɨnunku.

San Mateo 18:20

Tyopiki kauta aboma toxɨma o trexɨma iyoberabaramakɨ au nisɨri, akamanu ichepema yakaityo.

San Mateo 10:13

Axtɨ axɨmanuma po'oso koñotɨ ɨmoma, axɨmanu uxia nauxiantɨmo ɨmoma kokono. Tapɨ axtɨ chɨkoñopɨtɨ ɨmoma, axaño champɨ ensorobo amopɨnanaki.

San Juan 21:1

Auki ityusiankanatiyɨ tatityo Jesús sukarɨma axɨmanuma nesaxti apóstoles, abeu axɨmanu narubaityu tux nɨrixh Tiberias. Ityusiankanatiyɨ sane:

San Juan 21:14

Ui axɨna tɨtabe trex ityusiankanatiyɨ Jesús sukarɨ axɨmanuma amonkoma isiuti naukiche tɨsɨborikoti tato.

Hechos 1:3

Naukiche tɨsɨborikoti tato ityusiankanatiyɨ sukarɨma axɨmanuma amonkoma isiuti, sane ityusiankatati sukarɨma ta ñemanauntu sɨborikoti tato. Yusiu cuarenta naneneka ityusiankanatiyɨ sukarɨma manityanatityo ɨmoma kɨtɨpɨ axɨna nɨriakaxti Tupax.

3 Juan 1:14

tyopiki ixhanka konto yɨrotɨ tanu yasarɨ, auki kaɨma baparikia oemoantoe.