San Juan 19:19 - Manityanati Tupax

¹⁹ Ane axɨmanu korobo uiti Pilato nantɨ sane: “Axti Jesús auki Nazaret, ɨriatu axɨbama judíos”, bakɨpuruti nauki aiñama kɨtɨpɨ axɨmanu kurusɨx.

Manitanati Tuparrü

¹⁹ Arrti Pilato bacüpurutito nauqui aiñama nicororrü apü nicurusürrti Jesús, nantü sane: “Tonenti Jesús auqui Nazaret, naqui üriatu bama israelitarrü”.

San Juan 19:19 Referans Kwoze

San Mateo 27:37

Onɨ nityanuxti sɨro uimia taman nikorox, kauta ananka korobo axɨna ityopikiche aityabairomati. Axɨmanu nikorox nantɨ sane: “Axti naki tyonenti Jesús, ɨriatuxɨma axɨbama Judíos.”

San Lucas 23:38

Anankaityo korobo onɨ nityanuxti, nantɨ sane: “Axti naki tyonenti ɨriatu axɨbama judíos.”

San Marcos 15:26

Iñatamaintyo nikorox kɨtɨpɨ nikurusɨxti, nauki atusi axɨna tyakuche atoxiti ɨmo nikonkoxti: “Axti naki tyonenti Ɨriatu axɨbama judíos.”

San Juan 19:14

Axɨmanu nanenes tɨkañe kɨmenu axɨmanu nanenes Paxkua, kɨmuintya nanenes. Auki nanti Pilato ɨmo axɨmanuma judíos: –¡Auna nakaxti naki yɨriabux aume!

Hechos 3:6

Nanti Peru ɨmoti: –Champɨ sobi monixh champɨityo sobi oro, axɨna ane sobi ityoximiata aemo: au nɨrixhti Yɨriabux Jesucristo axti naki auki Nazaret, sukanañɨ aemo, atɨsai, ataru.

San Juan 19:21

Sane naukiche, axɨmanuma ɨriatu axɨbama sacerdotes judíos namatɨ ɨmoti Pilato: –Tapɨ aikonomota: ‘Ɨriatu axɨbama judíos’, aikonomo sane: ‘Axti naki nanti ta tyonenti ɨriatuxɨma axɨbama judíos.’

San Juan 19:12

Auki kaɨma, bapacheroti Pilato nikiubuti kausane nauki emekati Jesús uiti, tapɨ axɨmanuma judíos tosibikoma ɨmoti: –¡Axtɨ aiñemekakati, chɨtɨpɨ aturapati yɨriabux César! ¡Tyopiki axti naki isamunutiyɨ yɨriabuxti, chɨtɨpɨ nityurapataxti yɨriabux César!

San Juan 19:3

Auki sɨromatɨ esati, namatɨ: –¡Tari ayaityux nisɨborikixhti ɨriatuxɨma axɨbama judíos! Auki ompeborioti uimia.

San Juan 18:33

Auki sɨrotitɨpo tatityo Pilato, aityasuruti Jesús nauki ankirioti pɨnanakiti: –¿Axɨkɨ tyonenkɨ ɨriatu axɨbama judíos?

San Juan 1:49

Nanti Natanael ɨmoti: –Maestro, ¡axɨkɨ Aɨtoxti Tupax, axɨkɨ yɨriabuxɨkɨ ɨmo Israel!

Hechos 26:9

“Axɨñɨ tɨkañe saneityo nixhakionko isamunio chɨtamampatai tapɨ asioma uraboimia nɨrixhti Jesús auki Nazaret.

San Mateo 2:23

Naukiche tiñataiti, sɨrotitɨ sɨsioti au axɨmanu tube nɨrixh Nazaret. Axɨna sane uxiante nauki akoko axɨna urapoimia axɨmanuma profetas: axti Jesús nɨrixhti ñana Nazareno.

San Lucas 18:37

Namatɨ ɨmoti axti Jesús auki Nazaret ikonɨtiyɨ aukimanu,