San Juan 18:15 - Manityanati Tupax

¹⁵ Axti Simón Peru ichepeti kiatax sɨromatɨ isiuti Jesús. Axti maniki kiatax isuputarati nuxia maniki ɨriatu axɨbama sacerdotes, sane naukiche sɨrotitɨpo ichepeti Jesús au nipoxti Anás.

Manitanati Tuparrü

¹⁵ Arrti Pedro ichepeti maniqui quiatarrü ñanunecasarrti Jesús süromatü isiuti. Arrti maniqui quiatarrü isuputaratiti nurria maniqui yarusürürrü sacerdoterrü. Sane nauquiche puerurrü aürotipo au manu nusuara au niporrti Anás, auna cauta tiquianamati Jesús.

San Juan 18:15 Referans Kwoze

San Lucas 22:54

Auki iñenomati Jesús sɨrotitɨ uimia au nipoxti yɨriabux sacerdote. Sɨrotitɨ Peru isiuti auki icheatai.

San Marcos 14:54

Tapɨti Peru sɨrotitɨ isiuti auki icheatai iñataiti au nusuara nipoxti maniki yɨriabux sacerdote, akamanu atɨmoti axɨpekuma axɨmanuma asaramatɨ tyaku nipo meankax, baperoti pes.

San Mateo 26:3

Au axɨmanio naneneka axɨbama ɨriatu axɨbama sacerdotes ichepe axɨbama mayɨriabuka axɨpekuki axɨbama judíos iyoberabaramakɨ kauta yɨriabuxti Caifás, ichepeti maniki ɨriatuxɨma axɨbama sacerdotes,

San Juan 18:24

Auki axti Anás bakɨpuruti aɨbuti Jesús, tomoenoti esati Caifás, ɨriatu axɨbama sacerdotes.

San Juan 18:28

Tansɨrapae, sɨromatɨ aɨbuti Jesús auki nipoxti Caifás au nipo nɨriakaxti maniki yɨriabux auki Roma. Axɨmanuma judíos chɨsɨromapɨtɨpo ityopiki axɨmanu bakɨpukux uiti Moisés chichebopɨ uixh aɨromatɨpo au nipoxti naki auki kiatax kɨx kɨmenu axɨmanu pukɨnunkux Paxkua.