San Juan 17:21 - Manityanati Tupax

²¹ Xhankikia apɨnanakikɨ Iyaɨ, tari namanaiña sɨsioma ichepemantoe. Takana axɨkɨ Iyaɨ saɨbuñɨ, axɨñɨntyo aɨbukɨ, axɨmaintyo sɨsioma ochepe, nauki namanaiña axɨbama ikuki axɨna kɨx aikokoma ta obi aikɨpuruñɨ.

Manitanati Tuparrü

²¹ Rranquiquia apünanaquicü, Iyaü, ayura ümoma nauqui urria ñaquioncorrüma aübumantoe aübu taman nacarrtai ñanensacarrüma. Tacana arroñü, urria numaquionco oemomantoe. Arrüñü yaca achepecü y arrücü aca ichepeñü, taman nacarrtai nusaca. Ui arrüna chépe nacarrüma, arrübama macrirrtianuca icuqui na cürrü icocotama ito que ta obi aicüpuruñü.

San Juan 17:21 Referans Kwoze

1 Corintios 12:12

Axɨna nokɨtɨpɨ, abe kɨtɨpɨ sɨrɨmana axɨba nenaxixh, tapɨ tyone tamantai nakax. Sanentityo Cristo.

San Juan 17:11

“Axɨñɨ chiyasikiapɨ iku axɨna kɨx, axɨma sɨsioma iku axɨna kɨx tapɨ axɨñɨ yɨkatɨ tanu tato atupekukɨ. Iyaɨ, asasatɨ tyakuma ui nɨriaka takana axɨmanu toxio obi iñemo nauki sɨsioma chepe nakaxɨma, takana axɨkɨ saɨbuñɨ.

Filipenses 1:27

Tyoneantai axɨna sukanañɨ aume: apiña nausɨboriki isiuki axɨba omixhia nuraxti Cristo. Apisamuse sane axtɨ yɨkatɨ tanu o chiyɨkapɨtɨ yasaraño, ixhanka atusi iñemo ta namanaiña axaño chepe naka nausɨboriki chepetyo napakionko au nanaiña, apiñata nuxia nauki aburaboi axɨmanio omixhia manityakax,

San Juan 13:35

Axtɨ aukuasɨrɨka aumeampatoe, sane tusiu ɨmo makiataka ta axaño amonkaño isiuñɨ.

Hechos 4:32

Namanaiña axɨmanuma ikokoromati Jesús, chepatai naka ñakionkoxɨma aɨbumantoe. Champɨti naki nanti axɨba nenaxixhti ta ɨmotiatai, nanaiña nenaxixhimia sɨro uimia ɨmo namanaiña.

San Juan 17:8

Tɨsurapoi sukarɨma nanaiña axɨna ukanɨ iñemo, axɨma yasutiuma. Tɨtusiu ɨmoma ta ñemanauntu isekatɨ atupekukikɨ, ikokotamaintyo ta obi aikɨpukañɨ.

San Juan 10:38

Tapɨ axtɨ isamute axɨna yakɨpukuxti, apikokosio axɨmanio omixhante sobi, nauki atusi aume axti Iyaɨ anati chepeñɨ.

San Juan 10:30

Axɨñɨ ichepeti Iyaɨ kunauntañantai subaka.

Gálatas 3:28

Champɨki nɨmoche axtɨ judío o chɨtɨpɨ judíos año, axtɨ kumanakax o champɨ, axtɨ axti ñoñɨnx o paɨx. Tyopiki axtɨ usaka chepeti Jesús, namanaiña kunauntaña nusaka.

1 Corintios 1:10

Masarukityaiki, au nɨrixhti Yɨriabux Jesucristo sukanañɨ aume apasamu nuxia iñemo taikiana chepe napakionko aumeampatoe tapɨ apiñakaño peese amopɨnanakiapatoe, tari taikiana uxia aboi aumeampatoe, apisamuse chepe napakionko aɨbu makiataka.

Romanos 12:5

Saneityo axoñɨ, sɨrɨmana oñɨ, champɨ nɨmoche axtɨ sɨrɨmana oñɨ, kunauntaña naka nokɨtɨpɨ kɨtɨpɨti Cristo, sanentyo usaka ichepe makiataka takana nenaxi kunauntaña kɨtɨpɨx.

1 Juan 5:7

Trexɨma axɨbama astaimia axɨna sane:

Hechos 2:46

Naneneka iyoberabaramakɨ au nipo meankax, tapɨ au nipoxɨma basoma chepema aɨbu nipukɨnunkuxɨma.

San Juan 17:25

Iyaɨ axɨkɨ besɨro napanaunku, axɨbama ikuki axɨna kɨx chisuputaramapɨkɨ. Tapɨ axɨñɨ isuputakɨ, axɨbama aboma isiuñɨ tusiu ɨmoma ta obi aikɨpuruñɨ.

San Juan 10:16

Abetyo pikiataka niyabu nobixhaka axɨba chɨtɨpɨ auki axɨna korax. Axɨmanio kuantionki sobi tauna omonkoityo ñana nisura, sane ñana chepe nubakax, tamantiatai naki asarabotɨ yutaku.

San Juan 17:3

Axɨmanu champɨ nityakɨru sɨborikixh tyone axɨna axtɨ isuputaramakɨ, axti naki ñemanauntu kunauntañatiatai Tupax, axtityo Jesucristo, naki obi aikɨpuruti.

San Juan 5:23

nauki namanaiña aiñanaunumati Aɨtoxti takana ñanaunkuxɨma ɨmoti Yaɨtoti. Axti naki chiñanaunutipɨ Aɨtoxti, chiñanaunutipityo Yaɨtoti, naki uiche aikɨpuruti.

San Juan 3:17

Tyopiki axti Tupax chɨbakɨpurutipɨ ɨmoti Aɨtoxti nauki anityomokoti ɨmo axɨna kɨx, ta nauki ataesɨbuma uiti eanaki nomɨnantɨ.

San Juan 17:18

Sane takana axɨñɨ aikɨpukañɨ axɨpekuma axɨbama ikuki axɨna kɨx, axɨñɨntyo ikɨpukama axɨpekuma axɨbama ikuki axɨna kɨx.

San Juan 11:42

Tusiu iñemo axɨkɨ nantax onkoi nisura, sukanañɨ sane nauki uxia nakaxɨma axɨbama aboma auna, nauki aikokoma ta axɨkɨ obi aikɨpuruñɨ.

San Juan 17:20

“Chixhankikiapɨ apɨnanakikɨ tyakumantai, tyakumaintyo makiataka axɨbama ikokoromañɨ axtɨ ñonkoi ñanunekakaxɨma ñana.

1 Corintios 6:17

Axtɨ anati naki ityoximianatiyɨ ɨmoti Yɨriabux Jesús, ui noñemaxti taman nakaxti chepeti.

1 Juan 1:3

Suburapoi ausukarɨ, axɨna sumastai axɨnaintyo somonkoi, nauki axaño apiyoberabakaño suichepe, takana axɨsomɨ subaka chepeti Tupax, naki Uyaɨ, chepetityo Jesucristo naki Aɨtoxti.

San Marcos 3:24

Axtɨ au taman nación tɨborikoma ɨmomantoe, iñaxioma uixhimiantoe.

San Juan 13:32

Axtɨ axɨñɨ sobi ityusianka niyarusɨrɨkɨ nɨriakaxti Tupax, axtityo Tupax ityusiankatati axɨna niyarusɨrɨkɨ nisɨriaka. Axti Tupax konto isamutenti axɨna sane.