San Juan 17:14 - Manityanati Tupax

¹⁴ Chauki tɨsurapoi sukarɨma axɨmanio omixhia nanityaka, tapɨ axɨbama ikuki axɨna kɨx chuxiampɨ uimia ɨmoma ityopiki axɨma chityonempɨma ikuki axɨna kɨx.

Manitanati Tuparrü

¹⁴ Chauqui tisurapoi isucarüma arrüna nacüpucu. Arrübama macrirrtianuca icu na cürrü tüboricatai ümo bama nirranunecasa, itopiqui arrüma chüpertenecebopümainqui ichepe bama icuqui na cürrü, tacana ito arrüñü chüpertenecebopüñünqui ümoma.

San Juan 17:14 Referans Kwoze

San Juan 17:16

Sane takana axɨñɨ chaukinampɨñɨ ikuki axɨna kɨx, axɨmaintyo chɨtɨpɨ ikuki axɨna kɨx.

San Juan 8:23

Nanti Jesús ɨmoma: –Axaño ikuki axɨnantai kɨx año, tapɨ axɨñɨ isekatɨ auki napes.

San Juan 7:7

Axɨbama ikuki axɨna kɨx champɨ tyakuche atɨborimia aukuata. Tapɨ suatañɨ tɨborikomantai, ityopiki axɨñɨ ityusiankata sukarɨma nanaiña axɨna chuxiampɨ nisɨborikixhimia.

1 Juan 3:12

Tapɨ uisamute takanati Caín tɨkañe, tyonenti takana aɨtoxti chobores ityabairoti yarukityoti. ¿Tyopikiche aityabairoti tɨkañe? Tyopiki axɨmanu nisɨborikixhti Caín tɨkañe ta chuxiampɨ, tapɨ nisɨborikixhti yarukityoxti nanaiña uxia.

San Juan 17:8

Tɨsurapoi sukarɨma nanaiña axɨna ukanɨ iñemo, axɨma yasutiuma. Tɨtusiu ɨmoma ta ñemanauntu isekatɨ atupekukikɨ, ikokotamaintyo ta obi aikɨpukañɨ.

1 Juan 3:13

Masarukityaiki, tapɨ aukɨtobɨka, axtɨ tɨborikomantai aukuata axɨbama ikuki axɨna kɨx.

San Marcos 10:39

Axɨma aiñumuma: –Sopisamute. Nanti Jesús ɨmoma: –Axaño apichabauta ñana axɨna autɨpobo pichananene, ta apasutiutyo ñana axɨna kurusɨx toxiobo iñemo.