San Juan 15:21 - Manityanati Tupax

²¹ Nanaiña axɨna sane isamutema ñana aume auki niyaka, ityopiki chisuputarapɨmati naki uiche aikɨpuruñɨ.

Manitanati Tuparrü

²¹ Nanaiña arrüna isamutema aume, es auqui niyaca, itopiqui chisuputaramatipü naqui uiche aicüpuruñü.

San Juan 15:21 Referans Kwoze

San Mateo 10:22

Namanaiñantai tɨborikoma ñana aume auki niyaka. Naki chɨbatachebopɨ aɨbu ñakokonaunkuxti ichepe nityakɨrux, tyonenti naki iyebo ñana uiti isɨborikiboti.

San Juan 16:3

Isamutema axɨna sane ityopiki chisuputaramatipɨ naki Iyaɨ, takanaintyo axɨñɨ.

San Juan 8:19

Ñankitioma pɨnanakiti –¿Kauta nakaxti aɨma? Aiñumuti Jesús nuraxɨma: –Axtɨ ausuputakapɨñɨ, ausuputakatipityo Iyaɨ.

San Mateo 24:9

“Auki iñamanamapo año ñana, ameketɨ ñana uimia esa mayɨriabuka nauki autakisɨrɨka uimia. Ityabairoma año, namanaiñantai ñana ikuki axɨna kɨx champɨti uxia uiti aume auki niyaka.

San Mateo 10:18

ikianamaintyo ñana esa axɨbama chiyaupɨ nɨriakaxɨma ichopikiñɨ. Sane apityusianka sukarɨma ta yaka auchepe sukarɨmaintyo axɨbama chɨriopɨma.

Hechos 5:41

Axɨmanuma amonkoma isiuti Jesús sɨromatɨ aukimanu esaki mayɨriabuka taruku nipukɨnunkuxɨma, ityopiki ichetati Tupax ɨmoma atakisɨrɨma tyaku ñakokonaunkuxɨma ɨmoti Jesús.

Apocalipsis 2:3

Aruku nuxia nantax aemo, taruku natakisɨrɨkɨ auki niyaka, ta chubatapɨ aemo.

2 Tesalonicenses 1:8

Kuatati ñana anityomokoti ɨmoma axɨbama chixhanxɨpɨma asuputaramati Tupax champɨityo axtɨ ikokotama axɨba omixhia manityakax uiti Yɨriabux Jesús.

1 Corintios 15:34

Ausiapata tato ñemanauntu yusiu axɨba omixhia napapanaunku, tapɨ apisamukio axɨba nomɨnantɨ, tyopiki aboma abaxɨpeku axɨbama chisuputarapɨmati Tupax. Sukanañɨ axɨna sane nauki aukɨsoka.

1 Corintios 2:8

Tyone kaɨma axɨna chiyebopɨ ui mayɨriabuka ikuki axɨna kɨx, tyopiki axtɨ iyebopɨ uimia chityakubaxiromatipɨ kɨtɨpɨ kurusɨx naki yarusɨrɨx Yɨriabux ɨmo nanentax.

Romanos 1:28

Ui axɨna chixhanxɨpɨma aikokoromati Tupax, chebo uiti ɨmoma nauki aisamunema axɨmanio chomixhampɨ ñakionkoxɨma, nauki aisamunema axɨna chuxiampɨ.

Hechos 17:23

Tyopiki yakatɨ kauta nantax apiyoberabakaño ɨmo meankax, yastai taman altar kauta ane korobo, nantɨ sane: ‘Ɨmoti Tupax naki champɨti isuputarati.’ Axti maniki chausuputakatipɨ ta apanaunka ɨmoti, tyonenti maniki surapoi ausukarɨ.

Hechos 9:16

tyopiki axɨñɨ ityusiankata sukarɨti taruku nityakisɨrɨkɨxti ñana ichopikiñɨ.

Hechos 3:17

“Tusiu iñemo, masarukityaiki, naukiche axaño ichepe axɨbama mayɨriabuka aume apityabaikiati Jesús, ñemanaunkuxatoe apisamute ityopiki chɨtusiupɨ aume isane axɨna apisamute.

San Juan 8:54

Aiñumuti Jesús nuraxɨma: –Axtɨ uxia nisura sɨtɨpɨñɨantoe, axɨmanu nisura sɨtɨpɨñɨantoe champɨ nanenekiche. Axti Iyaɨ tyonenti naki uxia nuraxti sɨtɨpɨñɨ, tyonenti naki amukanaño Tupaxti aume.

San Lucas 6:22

Aupukɨnu axtɨ makiataka tɨborikomantai aukuata, axtɨ ipenenoma año, uratokioma aume, chuxiampɨ ɨmoma onkoimia nabɨri takana axɨna chuxiampɨ, auki nakaxti naki Aɨtoxti ñoñɨnx.

San Mateo 10:39

Axti naki kuasɨrɨ ɨmoti nisɨborikixhti, ensoro pɨnanakiti, tapɨti naki ensoro nisɨborikixhti auki niyaka, iyebo ñana uiti.

San Mateo 5:11

“Taikiana chiyaupɨ naupukɨnunku axaño, axtɨ makiataka unuma año axtɨtyo autakisɨrɨka uimia, axtɨ ichopikiñɨ chiyaupɨ ñapantuxɨma aukɨtɨpɨ.

San Marcos 13:13

Namanañantai ñana tɨborikoma aume ichopikiñɨ. Tapɨti naki chɨtapenekotipɨ ichepe nityakɨrux, iyebo uiti champɨ nityakɨru nisɨborikixhti.

San Lucas 21:12

“Kɨmenu nanaiña axɨna sane, axaño ñana mamuturuma aukɨtɨpɨ axaño aupesɨbuka ñana ñɨnanama. Sɨromatɨ aupu nauki autoxikia ɨmo nɨriakax uimia ubau sinagogas, amamakapo ñana uimia amekatityo uimia esa mayɨriabuka ichopikiñɨ.

San Lucas 21:17

namanaiña ikuki axɨna kɨx taruku ñana nityɨborixhimia aume ichopikiñɨ.

San Juan 8:55

Ñemanaunkuxatoe, axaño chausuputakatipɨ. Axɨñɨ isuputakati. Isuputakati sane naukiche xhakokonaunka ɨmoti. Axtɨ sukanañɨ chisuputakatipɨ, taruku nixhapantu takana axaño.

San Juan 15:24

Champɨ axɨnampɨ nipɨnatema, axtɨ chisamutempɨ axɨpekuma axɨba champɨti isamute. Chauki tastaimia nanaiña axɨba omixhante sobi. Chɨsanempɨ uimia taruku nityɨborixhimia iñemo ɨmotityo Iyaɨ.

San Juan 17:25

Iyaɨ axɨkɨ besɨro napanaunku, axɨbama ikuki axɨna kɨx chisuputaramapɨkɨ. Tapɨ axɨñɨ isuputakɨ, axɨbama aboma isiuñɨ tusiu ɨmoma ta obi aikɨpuruñɨ.

Hechos 4:17

Tapɨ uicheta nauki atusi ɨmo namanaiña, uxia axtɨ uipixhumukama, tapɨ asioma uraboimia nɨriakaxti maniki Jesús.

Hechos 9:14

Ta kaɨma iñataitityo auna, yakɨpukuxɨma ɨriatu axɨbama sacerdotes, nauki atomoema uiti axɨbama manityanama au nɨri.”

Hechos 26:9

“Axɨñɨ tɨkañe saneityo nixhakionko isamunio chɨtamampatai tapɨ asioma uraboimia nɨrixhti Jesús auki Nazaret.

1 Juan 3:1

Amasasai taruku nukuasɨrɨkɨ ɨmoti Tupax naki Uyaɨ, sane naukiche makiataka namatɨ oemo aɨtoxti Tupax oñɨ, ñemanauntu axɨna namatɨ. Axɨbama ikuki axɨna kɨx chisuputarapɨma oñɨ, tyopiki chisuputarapɨmati Tupax.

3 Juan 1:7

Axɨma chauki tɨsɨromatɨ uraboimia axɨba omixhia nuraxti Jesucristo, chixhanxɨpɨma asuriuma ñakumanataxɨma axɨbama chikokoropɨmati Tupax.