San Juan 14:26 - Manityanati Tupax

²⁶ Axti Iyaɨ bakɨpurutiki ñana Espíritu Santo ichoboñɨ, iñununekanati año nanaiña axɨba omixha, uiti apakionkaño nanaiña axɨba iñununekakaño.

Manitanati Tuparrü

²⁶ Arrti Iyaü icüpurutiti ñana Espíritu Santo, nauqui atocoti ichoboñü. Arrti bayurarati y mapucünunuti aume. Uiti caüma apaquioncaño iyo nanaiña arrüna tüsurapoi ausucarü y uitito caüma entienderrü año.

San Juan 14:26 Referans Kwoze

San Juan 15:26

“Axtɨ kuatati ñana naki Okɨmanabo autaku axti naki sobi ñana ikɨpuruti auki noñemaxti Iyaɨ, tyonenti naki ñemanaunkuxatoe Espíritu Santo axti naki kuatati kɨtɨpɨkiti Iyaɨ, tyonenti manityanati ñana aume ichoboñɨ.

San Juan 14:16

Axɨñɨ xhankitioki pɨnanakiti Tupax naki Iyaɨ, nauki aikɨpuruti tauna aume axti Espíritu Santo, naki sɨsioti auna auchepe ichoboñɨ.

1 Juan 2:27

Axaño anati Espíritu Santo aukɨtɨpɨ axɨna uiche aukurusɨka uiti Jesucristo, sane champɨ nɨmocheti kiatax nauki anunekati aume, tyopiki axti Espíritu naki toxioti aume uiti aiñununekanati año nanaiña, axɨmanio ñanunekasaxti tyoneio ñemanauntu chɨtɨpɨ mapankax. Tapɨ apiñakaño pese pɨnanakiti Cristo, sane takana manunekanati Cristo aume.

San Juan 16:7

Ñemanaunkuxatoe sukanañɨ aume: uxia axtɨ yɨkatɨ. Tyopiki axtɨ chiyɨkapɨtɨ, axti naki okɨmanabo autaku chɨkuatatipɨ sɨsioti auchepe, tapɨ axtɨ yɨkatɨ, sobi ikɨpuruti.

1 Juan 2:20

Axti Cristo, naki champɨ nomɨnantɨ kɨtɨpɨti, iñanati pese año pɨnanakimia axɨbama ikuki axɨna kɨx, uiti toxioti Espíritu Santo aume, namanaiña axaño ausuputakai axɨna ñemanauntu.

1 Corintios 6:19

¿Unka tusiu aume axɨna naukɨtɨpɨ tyone nipoxti Espíritu Santo axɨna toxio aume uiti Tupax, sane naukiche axti Espíritu Santo po'osoti aukɨtɨpɨ? Axɨna naukɨtɨpɨ chɨtɨpɨ naubesatoe,

Hechos 2:33

Naukiche tɨsɨrotitɨ tato uiti au napes tɨmonsoti uiti au nepanaunkuxti. Uiti Tupax toxioti Espíritu Santo ɨmoti Jesús. Uiti kaɨma toxio suiñemo axti maniki Espíritu Santo, ityopiki urapoiti tɨkañe suisukarɨ. ¡Tyone axɨna kaɨma amonkoi ta amastaityo!

Efesios 1:17

Xhankikia pɨnanakiti Tupax ɨmoti naki Yɨriabux oemo Jesucristo, pɨnanakiti yarusɨrɨx Uyaɨ, nauki uiti atoxi aume axti espíritu ɨmo mapanaunkux, nauki atusi aukɨtɨpɨ, sane ausuputarati nuxia.

Romanos 15:13

Axti Tupax naki uiche uxia numakionko, tari yachebati aupukɨnunkubu, taikiana axiaintyo uiti aume axaño axɨbama apikokokati, tari yachebati aukusɨubu ui noñemaxti Espíritu Santo.

Hechos 2:4

Sane naukiche sɨsio kɨtɨpɨma noñemaxti Espíritu Santo, auki manityanama pikiataka manityakaka, axɨna nanti Espíritu Santo ɨmoma.

San Juan 2:22

Sane naukiche, sɨborikoti tato, axɨmanuma nesaxti apóstoles akionomakɨ iyo axɨmanu nuraxti tɨkañe, auki kaɨma ikokotama axɨna nantɨ iku Nikorox axɨmaniointyo nuraxti Jesús.

Hechos 13:2

Taman nanenes amonkoma meaboma ɨmoti Yɨriabux, champɨityo axtɨ basoma axti Espíritu Santo nanti ɨmoma: “Apiñasama pese axti Bernabé ichepeti Saulo, ɨmo axɨmanu yachɨkoboiboma sobi.”

1 Pedro 1:12

Tapɨti Tupax urapoiti sukarɨma ta axɨmanu urapoimia chɨtɨpɨ ɨmomantoe, ta aume axaño. Tyone axɨmanu uxia manityakax manunekanama aume. Isamutema ui noñemaxti Espíritu Santo, naki bakɨpukux ɨmoti auki napes. ¡Tyone axɨna xhanxɨmampɨ tɨkañe asaraimia axɨbama ángeles!

1 Juan 5:7

Trexɨma axɨbama astaimia axɨna sane:

Tito 3:5

axoñɨ champɨ uisamute axɨba omixha, ui taruku nipukɨruxti xhimiakana uiti axɨna nomɨnantɨ osoi iyaxɨbiroti oñɨ kiatax nosɨboriki uiti ui noñemaxti Espíritu Santo.

San Lucas 24:49

Axɨñɨ xhakɨpukaiki aume axɨna toxiobo uiti Iyaɨ aume, axaño abasikiatai, auna Jerusalén, chepe axtɨ apasutiu nɨriakax auki napes.

SAN JUDAS 1:20

Tapɨ axaño, masarukityaiki, apiña nuxia napakokonaunku. Amea ui noñemaxti Espíritu Santo.

Hebreos 9:8

Ui axɨna sane, nanti Espíritu Santo, axtɨ aninki axɨmanu kusɨrɨbo narɨkɨkixh, chichebopɨ oemo uɨrotɨpo au axɨmanu kiatax narɨkɨkixh kauta taruku manaunkux.

Hebreos 3:7

Sane, takana nuraxti Espíritu Santo iku Nikorox: “Axtɨ kaɨma amonsapetio nuraxti Tupax,

1 Tesalonicenses 4:8

Sane naukiche, axti naki chiyasutiutipɨ axɨna manunekatax, chisuiñemopɨ axɨna sane uiti ta ɨmoti Tupax, naki uiche aityoximiati Espíritu Santo aume.

1 Corintios 12:3

Sane naukiche, ixhanka kaɨma atusi aume tapɨ anati naki nanti axɨna chuxiampɨ kɨtɨpɨti Jesús, axtɨ anati profeta. Tapɨ anatityo naki nanti: “¡Axti Jesús Yɨriabuxti!”, axtɨ chɨmanityanatipɨ ui noñemaxti Espíritu Santo.

2 Pedro 1:21

Tyopiki axɨbama profetas tɨkañe, chɨmanityanapɨma auki noñemaxɨmantoe. Namanaiña manityanama ui noñemaxti Tupax, tyopiki anankati Espíritu Santo aɨbuma.

San Lucas 11:13

Axaño, chapisamutempɨ axɨna uxia, ta apipiaka apityoximia axɨna uxia ɨmo axɨbama aubaɨtaiki, ¡sanentityo naki Uyaɨ anati au napes ityoximiatati Espíritu Santo ɨmoti naki ñankitioti pɨnanakiti!”

Romanos 15:16

Nauki yaserebi ɨmoti Cristo Jesús nauki uxia nisɨborikixhimia axɨbama chɨtɨpɨ judíos, axɨna niyaserebiki ta nauki xhanuneka axɨba omixhia nuraxti Tupax nauki yɨrotɨ aɨbuma esati axɨbama chɨtɨpɨ judíos takana axɨna makumanatax uxia au ñakionkoxti, kurusɨo uiti Espíritu Santo.

San Lucas 1:41

Naukiche Isabel onkoi niñankiki Mariax, axti maniki simia anati kɨtɨpɨ bakɨkiyoti, tapɨ tyone sɨroti Espíritu Santo kɨtɨpɨ.

San Mateo 3:11

Axɨñɨ, ñemanauntu, xhaunimiaka aume ui tuxtai, sane ityasukaño nauki abetɨ tato esati Tupax. Tapɨti naki kuatatiki isiuñɨ maunimianati ñana aume uiti Espíritu Santo uityo pes. Taruku nɨriakaxti xhopɨnanakiñɨ, axɨñɨ chɨkoñopɨtɨ iñemo ikianio ape nipopetakixhti.

Hebreos 2:4

Axti Tupax urapoitityo usukarɨ, oboi sɨrɨmana axɨba champɨ tu bastai, ui noñemaxtityo Espíritu Santo, axɨna toxio oemo taikianati taman aruki nanaiña takana axɨna nixhankaxti.

2 Timoteo 1:14

Ui noñemaxti Espíritu Santo naki anati okɨtɨpɨ, asasatɨ tyaku manunekatax botoxio aemo.

Efesios 4:30

Tapɨ sucheboti aboi nesaxti Espíritu Tupax, naki uiche aiñanti aukɨtɨpɨ nɨrixhti axɨna uiche atusi ta axaño tyonema axɨbama aɨtoxti Tupax au axɨmanu nanenes ñana ñemanauntu ane maximiakatax aume.

Romanos 14:17

Tyopiki ɨmo nɨriakaxti Tupax champɨapae nɨmoche axɨna aruki nanaiñantai ubaka o uchaka, ta uisamune axɨna uxia, taikiana uxia osoi oemoantoe nauki sane upukɨnu ui noñemaxti Espíritu Santo.

Romanos 5:5

Axɨmanu iyebo ñana osoi esati Tupax, chɨtɨpɨ mapankax, ityopiki axti Tupax auki noñemaxti Espíritu Santo axɨna nuyausasɨ isamute nanaiña axɨba omixhia.

Hechos 20:28

Sane naukiche, amasankatɨ autakuapatoe amasasatɨtyo tyaku namanaiña axɨbama ikokoromati Jesús, axɨbama toxioma aume uiti Espíritu Santo nauki amasaratɨ tyakuma.

Hechos 11:16

Auki xhakionkañɨ ɨmo axɨmanu nuraxti Yɨriabux tɨkañe: ‘Ñemanauntu axti Kuan Bautixhta maunimianati ui tux, tapɨ axaño abɨrikia uiti Espíritu Santo.’

Hechos 1:8

Tapɨ axɨñɨ ixhanka atusi nuxia aume ta kuatati ñana Espíritu Santo aukɨtɨpɨ, uiti apasutiu ñana noñemaxti Tupax nauki apanuneka sɨtɨpɨñɨ au Jerusalén, au Judea, au Samaria, au nanaiña axɨba poka iku kɨx.

San Juan 20:22

Auki bausukɨroti onɨma, nanti ɨmoma: –Apasusiusuxti Espíritu Santo.

San Juan 6:45

Axɨbama profetas makonomonoma tɨkañe sane: ‘Axti Tupax manunekanati ñana ɨmo namanaiña.’ Namanaiña axɨbama onkoimia nuraxti Iyaɨ iyebo uimia isiukiti, kuamatɨ yesañɨ.

San Marcos 13:11

Tapɨ amontarabeka iyo axɨna aburapoboibo, axtɨ ityoximianama año meku mayɨriabuka. Akamanu amukanaño axɨna toxio aume aburapoboibo uiti Tupax, ityopiki chɨtɨpɨ axaño apanityaka, ta axti Espíritu Santo.

San Mateo 1:20

Tɨniyɨkɨx aisamunenti sane, tamanti ángel auki napes ityusiankanatiyɨ sukarɨti auki ñanukuxti nanti ɨmoti: “Kiosen, nityakɨbaɨtuxti David, tapɨ aixhuka asuriu Mariax ɨmo nakɨposɨ, tyopiki axti maniki simia anati kɨtɨpɨ, ta auki noñemaxti Espíritu Santo.

Hebreos 10:15

Axti Espíritu Santo saneityo nanti:

San Juan 12:16

Aukiapae aɨbo, axɨmanuma apóstoles chɨtusiupɨ ɨmoma isane axɨna sane. Naukiche tɨtusiu axɨna niyarusɨrɨkɨxti Jesús, auki akionomakɨ nanaiña axɨna sane isamutema ɨmoti ananka korobo iku Nikorox.

San Marcos 12:36

Uixhtiatoi David, ui noñemaxti Espíritu Santo, nanti: ‘Axti Tupax nanti ɨmoti iyesa Yɨriabux. Atɨmo au niñepanauntu, ichepe axtɨ iñakama axɨbama tɨborikomantai akuatakɨ ñokiana napope’

Apocalipsis 2:11

¡Axti naki ane uiche onsapeti, tari onsaperati axɨna nuraxti Espíritu Santo ɨmoma axɨbama ikokoromañɨ! Axɨbama chɨtapenekopɨma chɨtakisɨrɨpɨma ñana ui axɨmanu kiatax nikonkoxɨma.’

Efesios 1:13

Chapie ɨmoti Cristo, axaño amonkoi axɨmanio ñemanauntu omixhia manityakax, axɨmanu uxia manityakax ɨmo maximiakatax aume, sane apasutiu napakokonaunku, sɨro aukɨtɨpɨ axɨmanu uiche atusi ta aɨtoxti Tupax año aɨbuti Espíritu Santo axti maniki ɨriotɨ tɨkañe uiti.

2 Corintios 6:6

Sopityusiankataityo ui axɨna besɨro suisɨboriki, tyopiki suisuputakai axɨna ñemanauntu, ui axɨna supasamunaunka suipukɨruityo aɨbu namanaiña, tyopiki ane noñemaxti Espíritu Santo suisɨtɨpɨ, tyopiki ñemanauntu kuasɨrɨma suiñemo namanaiña,

Hechos 20:35

Nantaxtai iñununekakaño ta sane uisamute axɨna nubachɨkoi, nauki bachetyo noñenaxi ɨmo axɨbama champɨ ane ɨmoma, sane tapɨ takɨrusu numakionko iyo axɨmanu nuraxti Yɨriabux Jesús, naukiche nanti: ‘Taruku nupukɨnunku axtɨ makumanaka, pɨnanaki baxɨpera basuriu.’

Hechos 15:8

Axti Tupax isuputakaiti nuyausasɨ, nanti ta uxiaintyo axtɨ ikokoromati axɨbama chɨtɨpɨ judíos, uiti toxioti Espíritu Santo ɨmoma, takana axɨna toxio uiti oemo.

Hechos 7:51

“Tapɨ axaño–nanti Esteban–chauxiankapɨ amonsaperio nuraxti Tupax, tyoneantoe takana axɨmanuma aubaɨtaiki. Chapakokonaunkapɨ ɨmoti Espíritu Santo.

Hechos 1:4

Naukiche anankatiki ichepe axɨmanuma amonkoma isiuti, nanti Jesús ɨmoma tapɨ sɨromatɨ auki Jerusalén. Nanti ɨmoma: –Abasikia auna chepe axtɨ apasutiu axɨmanu toxiobo aume uiti Iyaɨ, axɨmanu tɨsukanañɨ aume.

Hechos 1:2

ichepe axɨmanu nanenes tɨkañe naukiche sɨrotitɨ tato au napes. Naukiche tɨniyɨkɨxti, auki noñemaxti Espíritu Santo manunekanati ɨmoma axɨmanuma amonkoma isiuti axɨmanuma samamekanama uiti ɨmo axɨna niyachɨkoimia.

San Juan 7:39

Tyone axɨna nanti Espíritu axɨna toxiobo ñana ɨmoma axɨbama ikokoromati, tyopiki chiñataitikipɨ Espíritu Santo, tyopiki axti Jesús chɨsɨborikotikipɨ tato.

San Lucas 3:22

kuatati Espíritu Santo onɨti tusiu, takana nututakixh, auki rabotɨ taman manityakax auki napes, nantɨ sane: –Axɨkɨ isaɨkɨ taruku nakua iñemo, naki samamekana sobi.

San Lucas 1:67

Axti Zacarías, yaɨtoti maniki simia, anati Espíritu Santo kɨtɨpɨti manityanati sane:

San Lucas 1:35

Aiñumuti maniki ángel: –Axti Espíritu Santo kuatati ñana akɨtɨpɨkɨ, axɨna nɨriakaxti Tupax auki ape kuatɨ ñana sɨro akɨtɨpɨkɨ. Sane naukiche, anati ñana iku kɨx maniki simia nɨrixhti ñana Aɨtoxti Tupax naki champɨ nomɨnantɨ uiti.

San Lucas 1:15

tyopiki axti aɨ'ɨ yarusɨrɨxti ñana kutakikiboti Yɨriabux. Chichabotipɨ ñana vino chichabotipityo nabariente, anati ñana Espíritu Santo kɨtɨpɨti aukiapae maɨbo anatiki kɨtɨpɨ nipiakɨtoti.

San Mateo 28:19

Sane naukiche, amekosi au nanaiña iku axɨna kɨx, apiñununekasama namanaiña nauki aikokoromañɨ. Apaunimia ɨmoma au nɨrixhti Iyaɨ, axti Aɨtoxti axtityo Espíritu Santo.

Hechos 28:25

Ui axɨna chichepepɨ ñakionkoxɨma aɨbumantoe, taikianati taman sɨrotitɨ tato. Au nityakɨrux nanti Pablo ɨmoma: –Ñemanauntu nuraxti Espíritu Santo ɨmo axɨmanuma kusɨrɨboma tɨkañe amopɨnanaki tyurukiti profeta Isaías, naukiche nanti:

Hechos 16:6

Axti Espíritu Santo chichebopɨ uiti nauki aɨromatɨ au axɨmanu kɨx Asia, nauki uraboimia nuraxti Tupax. Sɨromatɨ au axɨmanio kɨx Frigia chepe Galacia,

Hechos 15:28

Tyopiki uxia ɨmoti Espíritu Santo saneityo suiñemo, nauki tapɨ sopiñata aukakabo axɨna chapisamutempɨ ñana onɨnki axɨba ñemanauntu paserebio:

Hechos 13:4

Ui noñemaxti Espíritu Santo, axti Bernabé ichepeti Saulo sɨromatɨ au Seleucia, aukimanu sɨromatɨ isuki tux au Chipre.

Hechos 7:55

Tapɨti Esteban ui noñemaxti Espíritu Santo, asaratitɨ au napes astaiti yarusɨrɨx nɨriakaxti Tupax ichepeti Jesús atɨraiti au nepanaunkuxti.

Hechos 5:3

Auki Nanti Peru ɨmoti Ananías: –Ananías, ¿kausane akokonaunka ɨmoti chobores? Sɨsio obi au napo aruki axɨmanu monixh toxio aemo ityobo axɨmanu ñanaunx, sane apanka ɨmoti Espíritu Santo.

San Lucas 2:25

Au axɨmanu nasɨkɨbes tɨkañe po'osoti au Jerusalén tamanti ñoñɨnx nɨrixhti Simeón. Maniki ñoñɨnx uxia nisɨborikixhti, xhanxti asaraiti nikoñokokox tato Israel. Anati Espíritu Santo kɨtɨpɨti Simeón,

San Mateo 1:18

Axɨna naukiche anati iku kɨx Jesucristo ta sane: Mariax nipiakɨtoti tiyasutiu nuraxti Kiosen nauki apo aɨbuti. Naukiche chɨchepekipɨ nakaxɨma, tɨtanati kɨtɨpɨ ipiaɨmakax auki noñemaxti Espíritu Santo.

San Juan 1:33

Axɨñɨ chɨtusiupɨ iñemo ñakuti. Axti naki uiche aikɨpuruñɨ xhaunimia ui tux, nanti iñemo: ‘Axti naki onɨche astai sɨsioti Espíritu Santo, tyonenti naki maunimiana uiti Espíritu Santo.’

San Juan 14:25

Surapoi ausukarɨ nanaiña axɨna sane, axɨna yakaiki auchepe.