San Juan 13:5 - Manityanati Tupax

⁵ Auki araparati uiti tux au taman kuxabixh ubaxɨbio uiti nipopesɨma axɨmanuma nesaxti apóstoles auki iñuɨmamakati ui axɨmanu xɨrɨpɨtɨx tomoeno tyupekuti.

Manitanati Tuparrü

⁵ Auqui baraparati turrü au taman currabirri, uiche aiyarrübiti nipoperrüma manuma ñanunecasarrti y aisühübuti tato apüqui nipoperrüma ui manu toallarrü tomoeno itupecuti.

San Juan 13:5 Referans Kwoze

San Lucas 7:44

Auki, asaratitɨ ɨmo axɨmanu paɨx, nanti Jesús ɨmoti Simón: –¿Asakatɨ ɨmo axɨna paɨx? Axɨñɨ iñatai au napo, chachekapɨ iñemo tux uiche xhapɨrɨbi. Tapɨ axɨna paɨx, iyaxɨbirio nipope ui nisukɨx iñuɨmamakanio oboi nityanux.

1 Timoteo 5:10

Tari namanaiña asuputanema axtɨ uxia tɨkañe nisɨborikixh yusiuki axɨba omixhia isamute. Axtɨ uxia ñasunaunkukux ɨmo axɨbama aɨtaiki, axtɨ uxia uixh ɨmoma axɨbama iñataimia au nipox, axtɨ iyaxɨbita nipopesɨma axɨbama ikokoromati Jesús, axtɨ asaratɨ tyakuma axɨbama takisɨrɨma. Ta sane, nanaiña axɨba opisamute axɨba omixhia.

Apocalipsis 7:14

“Tusiu aemo axɨkɨ yɨriabux”, iñumuta nuraxti. Auki nanti iñemo: “Tyonema axɨbama chɨkoiñopɨma ui axɨmanu tɨkañe taruku nityakisɨrɨkɨxɨma iku kɨx, axɨbama ipunusumiankatama naibixhimia ui noto axɨmanu Nobixhax.

Hebreos 10:22

Sane naukiche kuri esati Tupax aɨbu kicheseña nuyausasɨ aɨbuityo ñemanauntu numakokonaunku, axɨbio nuxia nuyausasɨ pɨnanaki nanaiñantai nomɨnantɨ takanaintyo nokɨtɨpɨ axɨbio ui tux kɨcheseña.

Efesios 5:26

Isamutenti sane nauki tapɨ ane nomɨnantɨ osoi, ikiaɨbutati nomɨnantɨ osoi ui tux oboityo nuraxti.

1 Corintios 6:11

Tyonema axɨbama aboma tɨkañe abaxɨpeku. Tapɨ kaɨma chauki tɨbukaɨburu nomɨnantɨ kɨtɨpɨkimia au nɨrixhti Yɨriabux Jesucristo ui nesaxti Espíritu naki Tupax oemo.

Hechos 22:16

Tapɨ kaɨma, isane naxɨperatio. Atɨsai, nauki ɨrikia sane sɨrɨbu akɨtɨpɨkikɨ nomɨnantɨ, urasoi nuraxti Tupax.’

1 Juan 5:6

Naukiche kuatati Jesucristo iku axɨna kɨx, ɨrioti ui tux, naukiche koiñoti arapara notoxti, axti Espíritu Santo astaiti nanaiña axɨna sane, nanaiña axɨna nanti Epíritu tyone axɨna ñemanauntu.

1 Juan 1:7

Tapɨ axtɨ nosɨboriki ane au nanentax, takanati Tupax anati au nanentax, auki kaɨma usaka chepeti, axɨmanu notoxti Jesús naki Aɨtoxti uixh sɨrɨbu nomɨnantɨ okɨtɨpɨki.

San Juan 19:34

Tamanti axɨpekuki axɨmanuma masortaboka isɨkɨmatati nipetakuxti Jesús ui nesaxti ransax, isiukai osɨro auki notox ichepe tux.

San Lucas 7:38

Aɨbu nareox, tɨmonso yobesa nipopesti Jesús ityopiankanio ui nisukɨx. Auki isɨbuta oboi nityanux, iñata narux yokɨtɨpɨ nipopesti iyarapataityo yokɨtɨpɨ axɨmanu koñoxtai norixh.

Apocalipsis 1:5

ñakionkoxtityo aume axti Jesucristo naki urapoiti usukarɨ nanaiña axɨna ñemanauntu, naki kusɨrɨboti asɨboriti tato, ane nɨriakaxti ɨmoma axɨbama mayɨriabuka iku axɨna kɨx. Axti Cristo ukuasɨrɨka ɨmoti, ui notoxti anentyo maximiakatax ñome axɨba nomɨnantɨ osoi,

San Juan 13:10

Nanti Jesús ɨmoti: –Axti naki aɨbo atopiti, champɨ nɨmoche atopiti tatityo, nipopestiatai ubaxɨbio. Axaño uxia naukɨtɨpɨ, champɨityo axtɨ namanaiña.

San Juan 13:8

Nanti Peru ɨmoti: –¡Axɨñɨ chichebopɨ sobi nauki aiyaxɨbirio nipope! Aiñumuti Jesús nuraxti: –Axtɨ chubaxɨbiopɨ sobi napope, chɨkoñopɨtɨ aemo aɨrotɨ isiuñɨ.

San Juan 13:6

Naukiche iñataiti esati Peru, nanti ɨmoti Jesús: –Axɨkɨ Yɨriabux, ¿kausane aiyaxɨbirio nipope?