San Juan 12:36 - Manityanati Tupax

³⁶ Apikoko nanentax axɨna aninki auna abaxɨpeku, nauki aye aboi esa nanentax. Naukiche tɨnanti Jesús axɨba sane, sɨrotitɨ atanekati pɨnanakimia.

Manitanati Tuparrü

³⁶ Amonsotü ümo basarurrü arrüna nabaca au tomiquianene. Sane ito amonsotü iñemo mientras yacaiqui abarrüpecu. Sane nauqui urria nausüboriqui, tacanarrtü ane nanentarrü aume au tomiquianene. Numo tüchauqui arrüna ñanitacarrti Jesús ümoma, sürotitü aiñanecanatiyü pünanaquimia.

San Juan 12:36 Referans Kwoze

Efesios 5:8

Axaño tɨkañe ausɨborikia au tomikianene, tapɨ kaɨma ui axɨna abaka aɨbuti Yɨriabux Jesús ausɨborikia au nanentax. Sane naukiche apiña takana axɨbama aboma au nanentax.

1 Tesalonicenses 5:5

Namanaiña axaño apikokokati Yɨriabux Jesús, tyone axɨmanu takana axtɨ usaka au nanentax takana au sapes.

San Juan 8:59

Auki axɨmanuma judíos xhanxɨma arurumati oboi kanka. Tapɨti Jesús matanekanati axɨpekuma makiataka auki sɨrotitɨ tyɨrɨpo auki nipo meankax.

San Lucas 16:8

Axti maniki ɨmoche aserebiti uxia ɨmoti axɨna sane chuxiampɨ yachɨkoiti maniki kiapatax axɨna nipiakaxti aisamunenti nanaiña. Tyopiki yutaku nenaxixhimia, axibama ikuki axɨna kɨx ipiakama tyakumantoe pɨnanaki axɨbama aɨtoxti Tupax.

San Juan 11:54

Sane naukiche axti Jesús chamenkotikipɨ au axɨmanio poka axɨpekuma axɨmanuma judíos, sɨrotitɨ auki Judea saimia axɨmanu kauta champɨ sɨborikixh, au axɨmanu tube nobɨrixh Efraín. Akamanu sɨsioti aɨbuma axɨmanuma nesaxti apóstoles.

San Juan 1:7

nauki anityati kɨtɨpɨ axɨmanu basarux, nauki namanaiña aikokoma axɨna nuraxti.

1 Tesalonicenses 5:8

Tapɨ axoñɨ chusakapɨ au tomikianene, ta usaka au nanentax. Sane naukiche amasankatɨ nuxia, tari oñonkatɨ ɨmoti Tupax akuasɨrɨmaintyo oemo axɨbama osɨborisapa. ¡Axɨna axtɨ oñonkatɨ ɨmoti Tupax axɨna numakumananaunku tyoneio axɨba omokɨmanabo utaku ñomɨnana nomɨnantɨ takana axɨna uiche utabuxikia! Axtɨ uikokota nuxia axɨna maximiakatax oemo tyone ñana axɨna okɨmanabo utaku takana nityabuxi nutanu.

San Juan 3:21

Tapɨti naki isamutenti axɨna uxia, sɨrotitɨ esa nanentax nauki atusi axɨba isamutenti ta auki noñemaxti Tupax.”

San Mateo 21:17

Auki onkonoma uiti, sɨrotitɨ auki axɨmanio poka niyɨkɨxti au Betania, akamanu sɨsioti axɨmanu tobixh.

San Mateo 5:14

“Axaño basarux año ɨmo axɨna kɨx. Axtɨ abe poka onɨ yirityux auki nanaiña butusiu.

San Juan 8:12

Manityanati tatityo Jesús ɨmo namanaiña, nanti sane: –Axɨñɨ basaruxɨñɨ ɨmo axɨbama sɨborikoma iku axɨna kɨx. Axti naki kuatati isiuñɨ, ane nanentax ɨmoti uiche asɨboriti, chanantopɨ amenti au tomikianene.

San Juan 12:37

Sɨrɨmana omixhante uiti Jesús sukarɨma axɨba champɨ tastaimia, chikokoromatipɨ.

San Juan 12:46

Axɨñɨ, basaruxɨñɨ, isekatɨ iku axɨna kɨx nauki axɨbama ikokoromañɨ tapɨ sɨsioma au tomikianene.