San Juan 12:25 - Manityanati Tupax

²⁵ Axti naki kuasɨrɨ ɨmoti nisɨborikixhti, ensoro ñana pɨnanakiti. Tapɨti naki champɨ nɨmoche uiti nisɨborikixhti iku axɨna kɨx, sɨsioti aɨbu ɨmo nanaiña naskɨbeka.

Manitanati Tuparrü

²⁵ Arrti naqui tarucu nicua nisüboriquirrti ümoti, ensoro ñana nausüpürrti. Pero arrti naqui itorrimiatatatai nisüboriquirrti auna icu na cürrü, tonenti naqui torrio isüboriquiboti au napese, arrüna chütacürusupü.

San Juan 12:25 Referans Kwoze

San Mateo 10:39

Axti naki kuasɨrɨ ɨmoti nisɨborikixhti, ensoro pɨnanakiti, tapɨti naki ensoro nisɨborikixhti auki niyaka, iyebo ñana uiti.

San Lucas 17:33

Tapɨti naki kuasɨrɨ ɨmoti nisɨborikixhti, ensoro pɨnanakiti ñana. Tapɨti naki ensoro pɨnanakiti, sɨsioti aɨbu.

San Marcos 8:35

Tyopiki axti naki taruku nikuasɨrɨkɨ nisɨborikixhti ɨmoti, ensoro Pɨnanakiti. Tapɨti naki ensoro nisɨborikixhti pɨnanakiti auki niyaka ityopikityo yasutiuti axɨba omixhia manityakax, iyebo uiti nisɨborikixhti.

San Mateo 16:25

Tyopiki axti naki chixhanxtipɨ akonti, ensoro pɨnanakiti ñana nisɨborikixhti. Tapɨti naki ensoro pɨnanakiti nisɨborikixhti ichopikiñɨ, iyebo uiti ñana.

San Lucas 14:26

“Axtɨ anati naki xhanxti ayetitɨ isiuñɨ tari taruku nisua ɨmoti pɨnanakiti yaɨtoti, pɨnanaki nipiakɨtoti, pɨnanaki nikɨpostoti, pɨnanakityo axɨbama aɨtoxti, pɨnanaki axɨbama yarukityoxti nikiastyoti, pɨnanakitiatoe, chɨmotipɨ ayetitɨ isiuñɨ.

Apocalipsis 12:11

Axɨbama usarukityaiki chɨtapenekopɨma uiti ui noto axɨmanu Nobixhax uityo axɨmanio omixhia manityakax urapoimia. Chɨbixhubupɨma ñɨnana nikonkoxɨma, ta chɨkuasɨrɨpɨ ɨmoma nisɨborikixhimia.

San Mateo 19:29

Namanaiña axɨbama ichopikiñɨ iñokotama nipoxɨma, yarukityoxɨma, nikiasixhimia, yaɨtoxɨma, nipiakɨtoxɨma, aɨtoxɨma, niyoxɨma, yasutiuma ñana cien yopɨrɨkɨ, yasutiumaintyo nisɨborikixhimia champɨ nityakɨrux.

Hechos 20:24

Tapɨ axɨñɨ champɨapae nɨmoche sobi axtɨ ikiaɨbutama xhopɨnanakiñɨ nisɨboriki, axɨna nixhantɨmo ta iñanai tyakɨru niyachɨkoi aɨbu nipukɨnunku nauki sane isamune yakɨpukuxti Yɨriabux Jesús iñemo xhanuneka axɨba omixhia manityakax nukuasɨrɨkɨ ɨmoti Tupax.

Hechos 21:13

Aiñumuti Pablo: –¿Kausane abareoka axɨñɨ isucheka aboi? Axɨñɨ champɨ ityopikiche iixhu, sane axtɨ ityomoenomañɨ saneityo axtɨ ityabairomañɨ au Jerusalén tyopikiti Yɨriabux Jesús.

Hebreos 11:35

Abe paɨka axɨba omonkotɨ ɨmoti Tupax, sane naukiche niñupaɨmakax axɨbama tɨkoiñoma sɨborikoma tato. Aboma axɨbama onkomatɨ nuxia ɨmoti Tupax ta chixhanxɨpɨma añekama ui nikonkoxɨma tyopiki axtɨ sɨborikoma tato koñoxatai axɨmanu nisɨborikixhimia.