San Juan 10:14 - Manityanati Tupax

¹⁴ Axɨñɨ ipiaka nuxia yasaratɨ yutaku nobixhaka. Sane takanati Iyaɨ isuputaratiñɨ axɨñɨntyo isuputakati, saneityo axɨñɨ isuputakio niyabu nobixhaka tapɨ axio opisuputarañɨntyo.

Manitanati Tuparrü

¹⁴ ‛Arrüñü naqui iyabuche manio nobirraca. Rracuiraca nurria yutacu. Isuputaquio nurria niyabu nobirramanca, y arrio yusuputarañü ito.

San Juan 10:14 Referans Kwoze

San Juan 10:27

Axɨbama aboma isiuñɨ isuputaramañɨ, axɨñɨntyo isuputakama. Axɨma takana nobixhaka opisuputakai nuraxti naki asaratɨ yutaku, axtityo isuputariontiño. Axɨbama aboma isiuñɨ ikokotama nisura,

2 Timoteo 2:19

Tapɨti Tupax sɨro uiti axɨna nityɨmox uixh chɨtaɨbɨkopɨ, axɨna kauta korobo: “Tusiu ɨmoti Yɨriabux Jesús ñakusanema axɨbama ikokoromati”, namanañaintyo axɨbama iñanuantama nɨrixhti apiñasaño pese pɨnanaki nomɨnantɨ.

San Juan 10:11

Axɨñɨ ipiaka nuxia yasaratɨ yutaku nobixhaka. Axti naki ipiaka asaratitɨ yutaku nobixhaka ityoximiatati nisɨborikixhti yutaku.

1 Juan 5:20

Tusiuityo oemo axti Aɨtoxti Tupax kuatati tɨkañe aiñununekanati oñɨ nauki usuputarati naki ñemanaunkuxatoe Tupax. Usaka chepeti naki ñemanauntu Aɨtoxti Tupax axti Jesucristo. Tyonenti naki ñemanaunkuxatoe Tupax naki uiche naka champɨ nityakɨru nosɨboriki.

Efesios 1:17

Xhankikia pɨnanakiti Tupax ɨmoti naki Yɨriabux oemo Jesucristo, pɨnanakiti yarusɨrɨx Uyaɨ, nauki uiti atoxi aume axti espíritu ɨmo mapanaunkux, nauki atusi aukɨtɨpɨ, sane ausuputarati nuxia.

San Juan 17:3

Axɨmanu champɨ nityakɨru sɨborikixh tyone axɨna axtɨ isuputaramakɨ, axti naki ñemanauntu kunauntañatiatai Tupax, axtityo Jesucristo, naki obi aikɨpuruti.

Apocalipsis 2:2

Tusiu iñemo nanaiña axɨna aisamute. Isuputakai natakisɨrɨkɨ kuata nachɨkoi axɨnaintyo aruku nuxia aemo, tusiu iñemo atakisɨrɨka uimia axɨbama chuxiampɨ nisɨborikixhimia. Tusiuityo iñemo ta aiñata makokotox ɨmoma axɨbama mapañama anunekama au nisɨri, tabɨko obi ñapantuxɨma.

2 Timoteo 1:12

sane naukiche taruku nichakisɨrɨkɨ oboi axɨba sane. Ta axɨñɨ chisɨsokapɨ oboi, tyopiki axɨñɨ tusiu iñemo ñakuti ɨmoche ñonkatɨ. Tusiuityo iñemo chepe axɨmanu nanenes ñana asaratitɨ tyaku axɨmanu toxio uiti iñemo.

Filipenses 3:8

Nanaiña axɨmanu onkono sobi, tyone takana semenux iñemo, axtɨ ichepekata axɨna yarusɨrɨx nuxiantux tyopiki isuputakati Cristo Jesús naki Yɨriabuxti iñemo. Tyopikiti Cristo ensoro sobi nanaiña, ityobo kaɨma yaka chepeti.

Efesios 3:19

Xhankikia pɨnanakiti Tupax nauki aye aboi axɨmanu ñakumananaunkuxti, ta taruku niyarusɨrɨkɨx pɨnanaki axɨna numapanaunku, nauki apisuputane ñapanaunkuxti Tupax.

San Juan 17:8

Tɨsurapoi sukarɨma nanaiña axɨna ukanɨ iñemo, axɨma yasutiuma. Tɨtusiu ɨmoma ta ñemanauntu isekatɨ atupekukikɨ, ikokotamaintyo ta obi aikɨpukañɨ.

Apocalipsis 2:19

Tusiu iñemo nanaiña axɨna aisamute. Isuputakai nakumananaunku takanaintyo nakokonaunku, axɨna naserebiki axɨnaintyo narukux aemo Tusiuityo iñemo ta axɨkɨ taruku naserebiki ta'aiki pɨnanaki auki maɨbo tɨkañe.

Apocalipsis 2:13

Tusiu iñemo axɨkɨ poosokɨ kauta ane yarusɨrɨx nɨriakaxti chobores. Tapɨ axɨkɨ chaiñokotapɨ nisuasɨrɨkɨ aemo. Chaiñokotapityo nakokonaunku iñemo, chɨkiataxɨpɨ nakionko naukiche ityabairomati Antípas au axɨmanio poka kauta po'osoti chobores, naki ityusiankatati ta onkotitɨ nantax iñemo.

2 Corintios 4:6

Tyopiki axti Tupax naki bakɨpuruti tɨkañe nauki ane basarux au tomikianene, tyonenti naki uiche ane basarux au nuyausasɨ, nauki anentax osoi ɨmo makiataka, ui numanunekaka ɨmoma axɨna niyarusɨrɨkɨxti Tupax axɨna ane kuara kɨtɨpɨti Jesucristo.

Apocalipsis 3:15

Tusiu iñemo nanaiña axɨna aisamute. Tusiuityo iñemo chaikokokapɨñɨ nuxia, ta aikokokañɨ simiantai. ¡Uxiampɨ axtɨ aikokokañɨ nuxia, o ui taman tapɨ aikokokañɨ!

Apocalipsis 3:8

Tusiu iñemo nanaiña axɨna aisamute. Asasatɨ, sɨro sobi akɨmenukɨ taman tyurux aurɨbo axɨna champɨti kiatax uiche aiñamati, ui axɨna charukupɨ nuxia aemo, aikokota nisura champɨityo axtɨ ukanɨ ta chasuputakapɨñɨ.

Apocalipsis 2:9

Tusiu iñemo natakisɨrɨkɨ champɨ nenaxi, ñemanauntu au nastaxti Tupax axɨkɨ taruku nenaxi. Tusiuityo iñemo axɨba chomixhampɨ nuraxɨma akɨtɨpɨkɨ axɨbama namatɨ tyonema judíos, ñemanauntu tyonema nesaxti apóstoles chobores.

Apocalipsis 3:1

“Akonomo ɨmoti maniki ángel auki Sardes kauta aboma axɨbama ikokoromañɨ: ‘Axti maniki aboma uiti siete espíritu auki napes, axɨmaniointyo siete nostoñeka, ukanɨ sane: tusiu iñemo nanaiña axɨba aisamukio, tusiuityo iñemo ta chauki takonka axɨna asɨborikiaiki.

San Juan 10:13

Axti maniki ñoñɨnx besɨburuti ityopiki axɨna iyoche uiti ta axɨmanuantai bapakatar ɨmoti, tapɨ nobixhaka champɨ nɨmoche uiti.