Hechos 9:5 - Manityanati Tupax

⁵ Ñankitioti Saulo: “¿Ñakutikɨ Yɨriabux?” Axɨmanu tosibixh iñumuta nuraxti: “Axɨñɨ tyonenti Jesús, naki kuatache natɨbori.

Manitanati Tuparrü

⁵ Auqui arrti Saulo ñanquitioti: —¿Ñacucü, Señor? Aiñumu manu manitacarrü: —Arrüñü Jesús, naqui ümoche atüboriquiatai. Churriampü nachücoi aemoantoe. Tacana arrone buyese bapateara icutacu suese mapirrumuturrü.

Hechos 9:5 Referans Kwoze

1 Timoteo 1:13

Tɨkañe chuxiampatai sobi ɨmoti Jesucristo, taruku nixhunku ɨmoti. Tapɨti Tupax pukɨrusuti chakuñɨ, tyopiki axɨñɨ chisuputakatikipɨ Cristo chɨtusiupɨtyo iñemo isane axɨna isamute.

Hechos 26:9

“Axɨñɨ tɨkañe saneityo nixhakionko isamunio chɨtamampatai tapɨ asioma uraboimia nɨrixhti Jesús auki Nazaret.

1 Corintios 10:22

Tapɨ chuxiampɨ ñakionkoxti yɨriabux Jesús aboi. ¿Ensapɨ taruku nubasɨu pɨnanakiti?

Hechos 5:39

Tapɨ axtɨ noñemaxti Tupax, champɨti uiche aityochenakati. Amasasai nuxia, tapɨ apaiyakaño aɨbuti Tupax. Axɨma onkoimia nuraxti.

Hechos 9:4

Auki pakioti akɨ chakuki niyabuxti, auki onkoiti tosibixh, nantɨ ɨmoti sane: “Saulo, Saulo, ¿kausane asikia aikuneunuñɨ?”

Hechos 9:6

Atɨsai, akosi au axɨmanio poka. Akamanu urapoimia asukarɨkɨ isane achɨkoboibokɨ.”

Hechos 10:14

Axti Peru aiñumuti: “Chixhankapɨ, Yɨriabux. Tyopiki axɨñɨ champɨ tixhaka axɨba ane nomɨnantɨ yokɨtɨpɨ.”

Hechos 26:14

Nanaiña axɨsomɨ suichaɨbɨka akɨ, auki ñonkoi taman manityakax auki hebreo, nantɨ iñemo: ‘Saulo, Saulo, ¿kausane asikia aikuneunuñɨ? Aemoantoe axɨna chuxiampɨ aisamute, axɨna sane takana axtɨ akɨsorikia kutaku otoro soema mapixhumutux.’

Filipenses 3:12

Chɨsukanapɨñɨ tiyebo nanaiña sobi, champɨityo axtɨ besɨroapae nisɨboriki. Axɨna sukanañɨ ta yakaiki aɨbu niyapacheki, kausane iñanai au nityakɨrux ñana, tyopiki ɨmo aixhimiakati Jesucristo iñemo.