Hechos 8:10 - Manityanati Tupax

¹⁰ Namanaiña axɨbama takisɨrɨma takana axɨbama taruku nenaxixhimia onsapetioma nuraxti, namatityo: “Axti naki ñoñɨnx tyonenti naki nɨrixhti uimia ‘yarusɨrɨx nɨriakaxti Tupax.’ ”

Manitanati Tuparrü

¹⁰ Namanaiña onsapecoma nurarrti, arrübama masiomanca hasta bama mayarusürüca, namatü: —Arrti naqui ñoñünrrü ane arrüna tarucu nicusüurrti uiti Tuparruü.

Hechos 8:10 Referans Kwoze

Apocalipsis 13:3

Taman uturuki axɨmanio siete nityanux axɨmanu numukianx ane takana taruku nobɨrityux ɨmo. Axɨmanu nobɨrityux uxiante tato, namanaiña axɨbama ikuki axɨna kɨx taruku nikɨtobɨxɨma auki sɨromatɨ isiu axɨmanu numukianx.

2 Pedro 2:2

Sɨrɨmanama ñana isamutema nisɨborikixhimia takana axɨmanuma mapañama anunekama, isamutema nanaiñantai axɨba chomixhampɨ au nisɨborikixhimia. Auki nakaxɨma makiataka ñana chuxiampɨ nuraxɨma ɨmoma axɨbama ikokoromati Jesús.

Efesios 4:14

Chɨtɨpɨ takanaiki masiomanka nusaka, axɨbama chɨsɨsiopɨma aɨbu tamantai nixhankaxɨma sɨromatɨatai tanu ui nimiakiɨtɨ kiatax manaunekatax, tapenekoma ui axɨbama sɨromtɨ yusiuki axɨba chɨbesɨropɨ kutubiuka.

2 Corintios 11:19

Axaño taruku napapanaunku, sane uxia aboi ɨmoma axɨbama matyasuka,

1 Corintios 1:24

ɨmoma axɨbama batasukux ɨmoma uiti Tupax, axtɨ axɨbama judíos chepetyo axɨbama auki Grecia, axti naki Mesías tyonenti yɨriabux tyonentityo nipiakaxti Tupax.

Hechos 28:6

Namanaiña amonkoma astayomatɨ axtɨ kichusabo ne'esti o axtɨ koiñoti uixh. Naukiche tɨkoboi nastaxɨma ɨmoti, champɨ kausane uixh ɨmoti, auki kiatax ñakionkoxɨma, namatɨ kaɨma ta Tupaxti Pablo.

Hechos 14:11

Naukiche astaimia axɨmanu isamutenti Pablo, namanaiña axɨmanuma po'oso auki Licaonia tosibikoma namatɨ auki nuraxɨma: –¡Matupaka nakaxɨma takana mañoñɨnka iñataimia auna uyaxɨpeku!