Hechos 5:3 - Manityanati Tupax

³ Auki Nanti Peru ɨmoti Ananías: –Ananías, ¿kausane akokonaunka ɨmoti chobores? Sɨsio obi au napo aruki axɨmanu monixh toxio aemo ityobo axɨmanu ñanaunx, sane apanka ɨmoti Espíritu Santo.

Manitanati Tuparrü

³ Auqui nanti Pedro ümoti Ananías: —¿Causane aüroti choborese a nausasü? Arrücü apanca ümoti Espíritu Santo. Aitorrimiata cümuintatai nicua manu naho, pero arrücü ucanü que tone nanaiña nicuarrü.

Hechos 5:3 Referans Kwoze

1 Pedro 5:8

Amasasatɨ nuxia kɨmenu axɨna kuabotɨ aume, tyopiki axti naki chuxiampɨ uiti aume axti chobores anati takana nuitɨmɨx kɨrɨpɨo bapachero utuburibo.

Hechos 5:9

Nanti Peru ɨmo: –¿Kausane chepe napakionko nauki apapa ɨmoti Espíritu Santo? Asasatɨ tɨkuamatɨ tato axɨmanuma yebomatɨ aiñanamati kɨtu aikianɨ, uimiaintyo kaɨma aiñanamakɨ kɨtu.

San Juan 13:27

Isiukai, sɨroti chobores au nausasɨxti Judas. Nanti Jesús ɨmoti: –Judas aisamusenkai axɨmanu naxiantɨmo aisamune.

San Juan 13:2

Axti chobores chauki tɨsɨro uiti nomɨnantɨ au nausasɨxti Judas aɨtoxti Simón Iscariote, nauki aityoximianati Jesús. Axti Jesús tusiu ɨmoti ta esakiti Tupax ayetitɨ, auki sɨrotitɨ tatityo ñana esati Tupax, uiti Yaɨtoti toxio ɨmoti nanaiña ɨriakaboti.

Santiago 4:7

Sane naukiche apakokonau ɨmoti Tupax. Apiña nuxia tapɨ autapeneka uiti chobores sane besɨburuti amopɨnanaki.

Hechos 5:4

¿Chɨtɨpɨ naesa axɨmanu ñanaunx? Naukiche tɨpabenteo obi, ¿chɨtɨpɨ naesa axɨmanu monixh? ¿Kausane ayetɨ au nakionko aisamune axɨna sane? Chapankapɨ ɨmo mañoñɨnka, apanka ɨmoti Tupax.

Hechos 5:2

chɨtoxiopɨ uimia nanaiña axɨmanu monixh nikuax axɨmanu kɨx ɨmo axɨmanuma nesaxti apóstoles Jesús

San Lucas 22:3

Auki axti chobores sɨroti au nausasɨxti Judas, tamanti axɨpekukimia axɨmanuma doce nesaxti apóstoles, axti naki nɨrixhti uimia Iscariote.

San Mateo 13:19

Axɨbama onkoimia axɨba omixhia manityakax kɨtɨpɨ nɨriakax chiyebopɨ uimia, tyonema takana axɨmanu sɨrobo kɨtu pakio isiu kutubiux. Kuatɨ makokotox kaɨburu uixh axɨba omixhia manityakax omeno au nausasɨxɨma.