Hechos 3:16 - Manityanati Tupax

¹⁶ Axɨsomɨ sopikokota nɨriakaxti Jesús, sane takana namanaiña axaño amasakati ausuputakatityo naki ñoñɨnx, ui axɨna sopikokota uixh uxiankati tato auna ausukarɨ.

Manitanati Tuparrü

¹⁶ Ui nicusüurrti maniqui Jesús urriancati tato naqui ñoñünrrü itopiqui sopicococati. Arraño apisuputacati nurria naqui ñoñünrrü urriancati tato. Torrio suiñemo uiti Tuparrü nauqui sopicocoroti Jesús; uirri te urriancati tato nurria naqui maunrrocono, tacana arrüna amarrtai.

Hechos 3:16 Referans Kwoze

Hechos 14:9

Anankati onsapekoti nuraxti Pablo, auki asaratitɨ Pablo ɨmoti astaiti axɨmanu ñakokonaunkuxti ta iñatai nauki uxianati tato.

Hechos 4:10

Axaño, chepe namanaiña axɨbama auki Israel, axti naki ñoñɨnx anati auna, ñemanauntu uxia tato ɨmoti au nɨrixhti Jesucristo auki Nazaret, axti naki takubaxioti kɨtɨpɨ kurusɨx aboi axtityo naki sɨborikoti tato uiti Tupax.

Hechos 3:6

Nanti Peru ɨmoti: –Champɨ sobi monixh champɨityo sobi oro, axɨna ane sobi ityoximiata aemo: au nɨrixhti Yɨriabux Jesucristo axti naki auki Nazaret, sukanañɨ aemo, atɨsai, ataru.

Hechos 16:18

Sɨrɨmana naneneka axɨna sane uixh, auki axti Pablo tubata ɨmoti axɨmanu nurax sane, basɨkɨbɨkoti tato nanti ɨmoti maniki anati kɨtɨpɨ: –Au nɨrixhti Jesucristo, sukanañɨ aemo nauki arioxɨkɨ kɨtɨpɨki axɨna kupikixh. Isiukai axti maniki chobores sɨrotitɨ kɨtɨpɨki.

San Mateo 9:22

Tapɨti Jesús basɨkɨbɨkoti tato, asaratitɨ ɨmo axɨmanu paɨx nanti ɨmo: –Aiña nuxia nichakiumuku, ui axɨna nakokonaunku uxiankɨ tato.

1 Corintios 13:2

Axtɨ toxio iñemo yachɨkoboiboñɨ suraboi noñemaxti Tupax, axtɨ tusiuityo iñemo noñemaxti Tupax axɨba umanekana uiti, tusiuityo iñemo nanaiña axɨba abe iku axɨna kɨx, axtɨ ikokokati Jesús axɨna uiche ikɨmɨnakanio yirityuka, ta champɨ nikuasɨrɨkɨxɨma iñemo makiataka, champɨ nanenekicheñɨ.

San Juan 14:12

Ñemanauntu sukanañɨ aume axti naki ikokoroñɨ, omixhantetyo uiti axɨba omixhante sobi, omixhantenkityo uiti pikiataka axɨba yarusɨrɨkatoe. Tyopiki axɨñɨ yɨkatɨ esati Iyaɨ.

Hechos 4:7

Bakɨpuruma nauki aɨrotitɨ Peru ichepeti Kuan akamanu esama. Sɨroma uimia akamanu kɨmuintya ɨmoma, auki ñankitioma pɨnanakimia: –¿Ñakuti naki yakɨpukuche aume, nauki apanuneka ɨmo namanaiña axɨna sane? ¿Ñakuti uiche ane nabɨriaka apisamunio axɨba champɨ tɨsumastai?

Hechos 3:8

Axti maniki chamenkotipɨ atɨraiti tobɨsoti ape auki amenkoti. Auki sɨrotitɨpo ichepema au nipo meankax, tobɨsotiatai ape, machampienkanati ɨmoti Tupax.

Hechos 4:30

Aityusianka noñema nauki uxiankama tato soboi axɨbama maunxokonoma, nauki sopisamunentyo axɨba champɨ tɨsubastai au nɨrixhti Jesús.”

San Juan 7:23

Ui nauxianka apikoko yakɨpukuxti Moisés, axaño circuncidaboti aboi tamanti simia au nanenes sabaru, ¿kausane autɨborikiatai iñemo ityopiki uxɨa tato sobi ɨmoti taman ñoñɨnx au nanenes sabaru?

Romanos 3:22

isiuki axɨna uikokokati Jesucristo, uiti Tupax kicheseña nakaxɨma namanaiña axɨbama ikokotama.

San Mateo 14:29

–Ariaku–nanti Jesús. Auki axti Peru tobɨsoti auki canoa amenti isuki tux niyɨkɨxti kɨmenuti Jesús.