Hechos 12:10 - Manityanati Tupax

¹⁰ Naukiche tɨtompɨkana uimia axɨmanu kusɨrɨbo masortaboka, auki iñataimia esa axɨmanuma makiataka isiuityo tompɨkana uimia, naukiche iñataimia esa axɨmanu tyurux yerux, ane ɨmo kutubiux, axɨmanu tyurux aurɨbo uixhatoe. Axɨma sɨromatɨ tyɨrɨpo, amenkoma isiu axɨmanu taman kutubiux, auki onkonoti Peru tamanti uiti ángel.

Manitanati Tuparrü

¹⁰ Auqui ipiasarama manuma primer bacuirara y despues pasaoma into uimia manuma maquiataca. Auqui iñataimia esa manu tururrü fierro, ane ümo cayarrü. Aurübo uirratoe. Auqui süromatü türüpo, y amencoma isiu manu taman cayerrü. Auqui onconoti Pedro uiti ángel.

Hechos 12:10 Referans Kwoze

Hechos 5:19

Tamanti ángel yakɨpukuxti Yɨriabux, ubaurɨbo uiti tyuruka axɨmanu kauta amonkoma amanamampo, auki taesɨburuma uiti, nanti sane ɨmoma:

Hechos 16:26

auki paichokonono kɨx, pokoro uixh nanaiña axɨmanu kauta amonkoma amanamampo. Isiukai nanaiña tyuruka baurɨbo, namanaiña axɨmanuma amanamampo bupakio karenas kɨtɨpɨkimia.

San Juan 20:19

Naukiche tɨtobikia au axɨmanu nanenes tominko, axɨmanuma amonkoma isiuti Jesús iyoberabaramakɨ au taman pox. Amonkio tyuruka umamana nuxia uimia ui nixhukuxɨma ñɨnanama axɨmanuma ɨriatuma axɨmanuma judíos. Sɨrotitɨpo Jesús axɨpekuma, atɨraiti kɨmuintya axɨpekuma, mankioti nuxia ɨmoma, nanti: –¡Taikiana uxia aboi aumeampatoe!

Apocalipsis 3:7

“Akonomointyo ɨmoti maniki ángel auki Filadelfia kauta aboma axɨbama ikokoromañɨ: ‘Tyone axɨna nuraxti naki ñemanauntu champɨ nomɨnantɨ uiti, axti naki ane uiti nɨriakaxti David, axtɨ ane aurɨbo sobi tyurux champɨti kiatax iñamatati, axtɨ amana sobi tyurux champɨti kiatax iyaɨbutati:

Hechos 12:4

Naukiche tenoti Peru uimia, bakɨpuruti Herodes nauki aiñamanamatipo, asaramatɨ akamanu tyakuti taikiana cuatro nububikixhimia. Xhanxtipɨ Herodes asaraiti ɨmoti Peru pɨrɨkɨ axɨmanu pukɨnunkux Paxkua.

San Juan 20:26

Yopɨrɨkɨ ocho naneneka, axɨmanuma amonkoma isiuti oberabarama tatityo au axɨmanu pox, auki anankati Tyomanxi ichepema. Amonkio tyuruka umamana uimia, auki sɨrotitɨpo Jesús, sɨroti kɨmuintya axɨpekuma auki mankioti ɨmoma, nanti: –¡Taikiana uxia aboi aumeampatoe!