Hechos 1:1 - Manityanati Tupax

¹ Aemo axɨkɨ ichurapa Teófilo: Iku axɨmanu kusɨrɨbo nixhakonomoso aemo korobo sobi yokɨtɨpɨ nanaiña axɨba omixhante uiti Jesús, axɨbaityo ñanunekakaxti auki maɨbo

Manitanati Tuparrü

¹ Süro tanu nirraquionco aemo naqui Teófilo. Au manu cusürübo niyesa librurrü iconomota nanaiña arrüna nisamutenti y ñanunecacarrti Jesucristo auqui maübo,

Hechos 1:1 Referans Kwoze

San Lucas 1:3

Axɨñɨntyo, yarusɨrɨx Teófilo, aukiapae ñasamunka nuxia yapacherio, yastai uxia ikonomonio aemo axɨba sane koñokono nuxia,

San Lucas 24:19

Ñankitioti pɨnanakimia: –¿Isane axɨba omixhankio? Namatɨ ɨmoti: –Axɨmanu isamutema ɨmoti Jesús auki Nazaret, axti profeta taruku nɨriakaxti oboi axɨba isamutenti oboityo nuraxti sukarɨti Tupax isukarɨtyo namanaiña.

San Lucas 3:23

Tɨtabe treinta naskɨbeka ɨmoti Jesús, naukiche aɨbo anunekati. Aɨtoxti Kiosen, namatɨ sane. Axti Kiosen, tyonenti aɨtoxti Elí,

San Mateo 11:5

Aburasoi sukarɨti axɨbama supusu asaramatɨ tato, axɨbama chuxiampɨ namensɨma uxia tato namensɨma, axɨbama ane lepra kɨtɨpɨma sɨrɨbu kɨtɨpɨkimia noxokox ɨmoma, axɨbama chonaumpɨma onaunxɨma tato, axɨbama koiñoma sɨborikoma tato tapɨ axɨbama taruku nityakisɨrɨkɨxɨma ane ñana toxiobo ɨmoma axɨba omixhia.

Hechos 2:22

“Amonsapesio nuxia nisura, axɨbama auki Israel axɨna ixhanka sukanañɨ kaɨma aume: Axaño tɨtusiu nuxia aume, ityusiankatati Tupax ausukarɨ nɨriakaxti Jesús auki Nazaret, auki nakaxti omixhante uiti axɨba champɨ tubastai.

San Lucas 1:24

Yopɨrɨkɨ axɨna sane, nikɨpostoti Saberax anati kɨtɨpɨ simia, yopɨrɨkɨ cinco panka chamenkopɨ auki nipox, ane aɨbu ñakionkox:

San Lucas 14:22

Koboi pariu, nanti maniki kumanakax: ‘Yɨriabux, nanaiña isamute axɨna nakɨpuku iñemo, sɨrɨmanainki tɨmoka.’