Hebreos 9:8 - Manityanati Tupax

⁸ Ui axɨna sane, nanti Espíritu Santo, axtɨ aninki axɨmanu kusɨrɨbo narɨkɨkixh, chichebopɨ oemo uɨrotɨpo au axɨmanu kiatax narɨkɨkixh kauta taruku manaunkux.

Manitanati Tuparrü

⁸ Ui nanaiña arrüna sane, arrti Espíritu Santo manunecanati oemo. Uiti tusio oemo que chüpuerurrüpü uiñanai au manu segundo cuarto auna cauta nacarrti Tuparrü, mientras aninqui manu primer cuarto.

Hebreos 9:8 Referans Kwoze

San Juan 14:6

Aiñumuti Jesús nuraxti: –Axɨñɨ tyone axɨmanu kutubiux, axɨna ñemanauntu axɨnaintyo sɨborikixh. Axtɨ chiyakapɨ, champɨti iyebo uiti esati Iyaɨ.

Hebreos 3:7

Sane, takana nuraxti Espíritu Santo iku Nikorox: “Axtɨ kaɨma amonsapetio nuraxti Tupax,

Efesios 2:18

Ui axɨna isamutenti Cristo, axɨbama judíos takana axɨbama chɨtɨpɨ judíos anati kunauntañantiatai nuesa Espíritu uixh uiñatai esati Tupax naki Uyaɨ.

2 Pedro 1:21

Tyopiki axɨbama profetas tɨkañe, chɨmanityanapɨma auki noñemaxɨmantoe. Namanaiña manityanama ui noñemaxti Tupax, tyopiki anankati Espíritu Santo aɨbuma.

Hebreos 9:3

Pɨrɨkɨ axɨmanu kiatax cortina ane akamanu axɨmanu taruku manaunkux ɨmo.

Gálatas 3:8

Axɨna Nikorox, aukiapae tɨkañe nantɨ axɨpekuma axɨbama chɨtɨpɨ judíos uxia nisɨborikixhimia au nastaxti Tupax axɨbama ikokoromati, urapoiti tɨkañe sukarɨti Abraham axɨna uxia manityakax: “Namanaiña mañoñɨnka ikuki axɨna kɨx kurusɨoma ñana atopikikɨ.”

San Juan 10:9

Axɨñɨ tyuruxɨñɨ ɨmo napes: axɨna nobixhax sɨrotɨpo auki axɨna tyurux, moximiakana tato nomɨnantɨ uixh. Sɨrotɨpo, sɨrotɨ tatityo tyɨrɨpo, taikiana atabɨ uixh utuburiboti.

Hechos 28:25

Ui axɨna chichepepɨ ñakionkoxɨma aɨbumantoe, taikianati taman sɨrotitɨ tato. Au nityakɨrux nanti Pablo ɨmoma: –Ñemanauntu nuraxti Espíritu Santo ɨmo axɨmanuma kusɨrɨboma tɨkañe amopɨnanaki tyurukiti profeta Isaías, naukiche nanti:

San Juan 10:7

Auki nanti tatityo ɨmoma: “Axɨna sukanañɨ aume: Axɨñɨ tyuruxɨñɨ ñome nobixhaka.

Hebreos 10:15

Axti Espíritu Santo saneityo nanti:

San Lucas 1:80

Sunaunti maniki simia aɨbu ñapanaunkuxti, po'osoti kauta kɨcheka akamanu sɨsioti ichepe axɨmanu nanenes auche aityusiankanatiyɨ sukarɨ axɨbama auki Israel.