Hebreos 3:12 - Manityanati Tupax

¹² Masarukityaiki, amasasai nuxia, tapɨ anati taman abaxɨpeku axti naki champɨ nuxiantu nausasɨxti naki chɨmakokonaumpɨ naki iñanatiyɨ pese pɨnanakiti Tupax naki sɨborikoti.

Manitanati Tuparrü

¹² Aensa te masaruquitaiqui, amasasai nurria, tapü anati abarrüpecu naqui chichübotipü y chirranrrtipü acoconaunti, y iñoconotiti Tuparrü, naqui bacheboti osüboriquibo.

Hebreos 3:12 Referans Kwoze

Hebreos 12:25

Amasasai nuxia, tapɨ champɨ nɨmoche aboi axtɨ anati naki manityanati oemo. Tyopiki axɨbama champɨ nɨmocheti Tupax uimia naukiche kuasoma uiti iku axɨna kɨx, chañekanapɨma uiti. Saneityo axoñɨ champɨ kauta mataneka axtɨ uicheta nuchaku ɨmoti naki makuansomokonoti oemo auki napes.

1 Corintios 10:12

Sane naukiche, axtɨ anati naki au ñakionkoxti axone nuxia ñakokonaunkuxti, tari asaratitɨ nuxia tyakutiatoe tapɨ tapenekoti.

Hebreos 10:38

Axti naki ikokorotiñɨ sɨborikoti. Tapɨ axtɨ iñokonotiñɨ, chipukɨnunkapɨ kuatati.”

Hebreos 12:15

Apapache nikiubu año tapɨ anati naki iñanatiyɨ pese pɨnanaki nikuasɨrɨkɨxti ɨmoti Tupax. Tapɨ chebo aboi anati naki chuxiampɨ nisɨborikixhti abaxɨpeku takana axone soes pichananene nixhanakax tyone takana picharax ɨmo namanaiña.

Hebreos 3:10

Sane naukiche ichɨbori ɨmoma tɨkañe, sukanañɨ: ‘Nabausasɨ amenkatai, chauxiankapɨ amenotɨ yusiuki nisutubiu.’

San Marcos 13:33

“Sane naukiche, taikiana amastaikiatɨ amasasatɨ autakuapatoe, tyopiki chɨtusiupɨ aume auche ñana aiñanai axɨmanu nanenes.

San Mateo 24:4

Aiñumuti Jesús nuraxɨma: –Amasasai nuxia tapɨ anati naki matachemakana aume.

San Marcos 13:9

“Amasasai nuxia autakuapatoe. Tyopiki ityoximianama año ñana meku mayɨriabuka okɨsioma aume ubau sinagoga. Ikianama año esa axɨbama yarusɨrɨx nɨriakaxɨma ichopikiñɨ. Sane apityusiankata isukarɨma ta yaka auchepe.

1 Tesalonicenses 1:9

Tyopiki namanaiña uxia nuraxɨma naukiche sopiñatai tanu abaxɨpeku urapoimiaintyo kausane axaño apiñokota napanaunku ɨmo matupaka nisamuku mañoñɨnka nauki apanau ɨmoti naki ñemanaunkuxatoe Tupax naki sɨborikoti,

Romanos 11:21

Tyopiki axtɨ axti Tupax chumañekanapɨ uiti axɨmanio yupakatoe, axɨkɨtyo chañekakapɨ uiti.

San Lucas 21:8

Aiñumuti Jesús: “Amasasai nuxia tapɨ autapeneka. Tyopiki kuamatɨ ñana sɨrɨmanama au nisɨri. Namatɨ ñana: ‘Unka axɨñɨ’, ‘axɨba naneneka chauki tɨtyoneio’ Axaño tapɨ amekatɨ isiuma.

San Marcos 13:23

¡Amasasai nuxia! Nanaiña axɨba sane chauki tɨsurapoi ausukarɨ.

San Mateo 16:16

Aiñumuti Simón Peru nuraxti: –Axɨkɨ tyonenti Mesías, Aɨtoxti Tupax naki sɨborikoti.

Colosenses 2:8

Amasasatɨ nuxia. Tapɨ amonsapetio nuraxɨma axɨbama xhanxɨma atachemakama aume oboi nuraxɨma takana axtɨ taruku ñapanaunkuxɨma, abo tyoneantai ñanunekakaxɨma mañoñɨnka. Axɨmanuma mañoñɨnka ikokotama yakɨpukuxɨma axɨbama espíritu ane nɨriakaxɨma iku axɨna kɨx tapɨ ɨmoti Cristo chɨmakokonaumpɨma.

Hebreos 3:1

Sane naukiche, masarukityaiki, axɨbama samamekana año, batasukux aume uiti Tupax nauki aɨtoxti año, apiñanaunsuti nuxia Cristo Jesús naki yakɨpusuxti Tupax naki Yɨriabuxti ɨmoma axɨbama sacerdotes, naki tyopikiche uikokokati Tupax.

Hebreos 3:19

Sane bastai, ta chiyebopɨ uimia tyopiki chɨmakokonaumpɨma.

Hebreos 9:14

Axtɨ sane, ¡notoxti Cristo taruku nɨriakax ñopɨnanaki noboto numukianka! Tyopiki ui noñemaxti Espíritu Santo, naki champɨ nityakɨru nisɨborikixhti, axti Cristo uixhtiatoe aityoximianatiyɨ ɨmoti Tupax takana makumanatax champɨ nomɨnantɨ kɨtɨpɨ, ui notoxti sɨrɨbu nomɨnantɨ okɨtɨpɨki axɨbaityo chomixhampɨ uisamukio axɨba oboiche uɨkatɨ ɨmo nokonko, nauki sane baserebi ɨmoti Tupax naki sɨborikoti.

Hebreos 10:31

Taruku nityakisɨrɨkɨxɨma axɨbama ane nipɨnatema mekuti Tupax, naki sɨboriko.

Hebreos 12:22

Tapɨ axaño kaɨma, amekatɨ esa axɨmanu yirityux Sión, axɨmanio poka nipoxti Tupax naki sɨborikoti ɨmo nanaiña naskɨbeka. Tyoneio axɨmanio poka Jerusalén, axɨna ane au napes. Akamanu aboma sɨrɨmanama axɨbama ángeles oberabarama nauki yarusɨrɨx nɨrixhti Tupax uimia,