Hebreos 2:9 - Manityanati Tupax

⁹ Basakati Jesús, naki simia nɨriakaxti uiti Tupax pɨnanaki axɨbama ángeles ñome mɨmanantai naneneka, anati aɨbu yarusɨrɨx nɨriakaxti, tyopiki nikonkoxti. Axti Tupax, ui ñakumananaunkuxti, chebo uiti nauki asuriuti nikonkoxti tyaku namanaiña.

Manitanati Tuparrü

⁹ Pero chauqui tübasacati Jesús. Tonenti naqui anancati baeta iquiana nüriacarrüma bama angelerrü, nauqui aconti itopiqui namanaiña macrirrtianuca. Sane uiti Tuparrü, itopiqui pucürusuti utacu. Tusio ito oemo que chauqui tiyasutiuti Jesús yarusürürrü ñanauncurrti Tuparrü y anentacaboti au napese itobo manu nitaquisürücürrti.

Hebreos 2:9 Referans Kwoze

Apocalipsis 5:9

Masoniomaintyo axɨna sonixh aɨbo: “Axɨkɨ koñotɨ aemo asarai axɨmanu kichonimiakax kiñoeno aikiompɨnaintyo axɨmanio nityomoentox, tyopiki axɨkɨ akonka ɨmo makumanatax. Ui noto nakɨtɨpɨ kuamatɨ tato obi esati Tupax namanaiña mañoñɨnka ikuki axɨna kɨx.

1 Juan 2:2

Uiti Tupax moximiakana nomɨnantɨ osoi axɨbaityo nomɨnantɨ ikuki axɨna kɨx tyopiki axti Cristo ityoximianatiyɨ auki noñemaxtiatoe nauki akonti utaku.

Romanos 5:18

Sane takana axɨmanu nomɨnantɨ uiti Adán kuatɨ konkox uixh ɨmo namanaiña mañoñɨnka, saneityo axɨmanu uxia isamutenti Jesucristo uixh uxia nisɨboriki namanaiña mañoñɨnka nauki aye uimia isɨborikiboma.

Hechos 2:33

Naukiche tɨsɨrotitɨ tato uiti au napes tɨmonsoti uiti au nepanaunkuxti. Uiti Tupax toxioti Espíritu Santo ɨmoti Jesús. Uiti kaɨma toxio suiñemo axti maniki Espíritu Santo, ityopiki urapoiti tɨkañe suisukarɨ. ¡Tyone axɨna kaɨma amonkoi ta amastaityo!

San Juan 3:16

“Taruku nikuasɨrɨkɨx ɨmoti Tupax axɨna kɨx, sane naukiche toxioti uiti axti naki kunauntañati Aɨtoxti, nauki axɨbama ikokoromati tapɨ ensoro nausɨpɨxɨma, tari abaityux nisɨborikixhimia.

2 Corintios 5:15

Axti Cristo koiñoti tyaku namanaiña, nauki axɨbama sɨborikomainki tapɨ sɨborikoma ɨmomantoe, ta ɨmoti naki koiñoti auki sɨborikoti tato tyakuma.

Hebreos 10:5

Sane naukiche axti Cristo, naukiche kuatati iku axɨna kɨx nanti ɨmoti Tupax: “Axɨkɨ chaxiankapɨ ñome makumanataka, axɨkɨ acheka isɨtɨpɨboñɨ.

Romanos 5:8

Axti Tupax ityusiankatati axɨna taruku nukuasɨrɨkɨ ɨmoti, naukiche tɨkañe taruku nomɨnantɨ osoi axti Cristo koiñoti otopiki.

San Juan 1:29

Au kiatax nanenes, asaratitɨ Kuan ɨmoti Jesús, kuatati esati, nanti: “¡Amasasatɨ, tyonenti naki Nobixhax uiti Tupax, naki uiche aikiaɨbuti nomɨnantɨ ikuki axɨna kɨx!

San Juan 12:32

Axtɨ ityakubaxiromañɨ kɨtɨpɨ kurusɨx, auki kaɨma namanaiña ikokoromañɨ.

Hebreos 7:25

Sane naukiche axti Jesús ane maximiakatax uiti ɨmoma axɨbama sɨromatɨ esati Tupax auki nakaxti, tyopiki sɨborikoti ɨmo nanaiña naskɨbeka, nauki ankiti pɨnanakiti Tupax tyakuma.

1 Pedro 1:21

Auki nakaxti Cristo axaño apikokota nakaxti Tupax, naki uiche asɨboriti tato axɨpekuki makoiñoka, auki toxio ɨriakaboti au napes. Sane naukiche axaño amonkatɨ ɨmoti Tupax, tusiuityo aume ta ñemanauntu toxio ñana nanaiña axɨmanu ɨriotɨ tɨkañe uiti.

Hebreos 8:3

Auna iku axɨna kɨx, sɨroti yɨriabux ɨmoma axɨbama sacerdotes naki uiche aityoximiati ɨmoti Tupax ñakumanataxɨma axɨbama ikokoromati. Sane naukiche axti Jesucristo anentyo ñakumanataboti ɨmoti Tupax.

1 Timoteo 2:6

Tyopiki ityoximiatati nisɨborikixhti nauki ataesɨbuma eanaki nomɨnantɨ namanaiña. Au axɨmanu nanenes ɨriotɨ uiti Tupax, ityusiankatati usukarɨ ta xhanxti nauki namanaiña ataesɨbuma eanaki nomɨnantɨ.

2 Corintios 5:21

Axti Cristo champɨ nomɨnantɨ isamutenti. Ta otopiki, axti Tupax iñanati au nomɨnantɨ osoi, nauki uxia nusaka au nastaxti Tupax tyopikiti Cristo.

Romanos 8:32

Tyopiki axti Tupax chokɨtɨnauntipɨ oemo tyakuti Aɨtoxti, ta toxioti uiti ɨmo nikonkoxti tyaku namanaiña, ¿ensapɨ chɨtoxiopɨtyo ñana uiti oemo aɨbuti Aɨtoxti nanaiña axɨba sane?

Gálatas 4:4

Naukiche tiñatai axɨmanu nanenes, bakɨpuruti Tupax ɨmoti Aɨtoxti, naki anati iku kɨx kɨtɨpɨki taman paɨx, ikokotatityo bakɨpukux uiti Moisés,

Hechos 3:13

Axti Tupax ɨmoti Abraham, ɨmoti Isaac ɨmotityo Jacob, ɨmoma axɨbamaintyo kusɨrɨboma tɨkañe usaɨbu, tyonenti naki uiche yarusɨrɨx nɨrixhti Jesús axti Aɨtoxti. Naki toxioti aboi ɨmo mayɨriabuka, axti yɨriabux Pilato xhanxtipɨ tɨkañe aiñemekanati, tapɨ axaño chauxiankapɨ.

Romanos 8:3

Tyopiki axti Tupax isamutenti axɨna chisamutempɨ axɨmanu bakɨpukux uiti Moisés, chisamutempɨ ityopiki axɨna nokɨtɨpɨ champɨ narukux ɨmo. Axti Tupax bakɨpuruti ɨmoti Aɨtoxti takana nakaxti ñoñɨnx naki ane nomɨnantɨ kɨtɨpɨti takana makumanatax ityobo axɨna nomɨnantɨ.

San Juan 10:17

Isuasɨrɨka ɨmoti Iyaɨ, ityopiki ityoximiata nisɨboriki nauki yasuriu tatityo.

San Juan 8:52

Axɨmanuma judíos aiñumuma nuraxti: –Ñemanauntu kaɨma sopikokota ta anati chobores akɨtɨpɨkɨ. Axti Abraham ichepe axɨbama profetas koiñoma, tapɨ axɨkɨ ukanɨ: ‘Naki ikokotati nura chɨkoiñotipɨ ñana.’

San Mateo 16:28

Ñemanauntu sukanañɨ aume axɨpekukimia axɨbama aboma auna chɨkoiñopɨma chepe axtɨ astaimia niyekixhti tato Aɨtoxti ñoñɨnx aɨbu nisɨriakaxti.

Apocalipsis 19:12

Nisɨtoxti bukuara takana pes, abe ityati sɨrɨmana nityarusɨxti, ane korobo nɨrixhti kɨtɨpɨti axtiatai tusiu ɨmoti.

Hebreos 2:7

Mɨmanantai naneneka simiamantai nɨriakaxti obi pɨnanaki axɨbama ángeles, auki yarusɨrɨx nɨriakaxti obi.

San Lucas 9:27

Ñemanauntu sukanañɨ aume axɨpekukimia axɨbama aboma auna kaɨma chɨkoiñopɨma chepe axtɨ chɨkusɨrɨbopɨ asaraimia nɨriakaxti Tupax.

San Marcos 9:1

Nantityo Jesús ɨmoma: –Sukanañɨ ta ñemanauntu, axɨpekukimia axɨbama aboma auna chɨkoiñopɨma chepe axtɨ astaimia iñatai niriakaxti Tupax.

San Mateo 6:28

“¿Kausane amonxɨkɨ iyo axɨna abaibibo? Amasasatɨ kausane niñusunaunx pɨsioka au xhoens: champɨ yupachɨkoi chupaiñanapɨ.

San Juan 8:51

Ñemanauntu axti naki ikokotati nixhanunekaka, sɨborikoti ɨmo nanaiña naskɨbeka ichepeti Tupax.

Hebreos 1:9

Apukɨnunka aɨbu axɨna uxia tapɨ axɨba nomɨnantɨ atɨborikiatai yukuata. Sane naukiche samamekanakɨ uiti Tupax, uiti taruku napukɨnunku pɨnanaki axɨbama amonkoma asiukɨ.”

Hebreos 11:5

Axti Henoc ui ñakokonaunkuxti tɨkañe ɨmoti Tupax kanati au napes aɨbu nisɨborikixhti nauki tapɨ koiñoti, chasaramapɨtiki, tyopiki sɨrotitɨ uiti Tupax. Nantɨ sane iku Nikorox, naukiche anankatiki iku axɨna kɨx. Axti Henoc uxia nisɨborikixhti au nastaxti Tupax.

Hebreos 12:2

Uiñana nubasata ɨmoti Jesús, tyopiki ui noñemaxti ane axɨna numakokonaunku, tyonentityo naki uiche aipesɨnakati. Axti Jesús champɨ nɨmoche uiti nikɨsoxti akonti takubaxioti kɨtɨpɨ kurusɨx, tyopiki tusiu ɨmoti pɨrɨkɨ axɨmanu nityakisɨrɨkɨxti ñana taruku nipukɨnunkuxti. Auki tɨmonsoti au nepanaunku nityɨmoxti Tupax.