Hebreos 12:2 - Manityanati Tupax

² Uiñana nubasata ɨmoti Jesús, tyopiki ui noñemaxti ane axɨna numakokonaunku, tyonentityo naki uiche aipesɨnakati. Axti Jesús champɨ nɨmoche uiti nikɨsoxti akonti takubaxioti kɨtɨpɨ kurusɨx, tyopiki tusiu ɨmoti pɨrɨkɨ axɨmanu nityakisɨrɨkɨxti ñana taruku nipukɨnunkuxti. Auki tɨmonsoti au nepanaunku nityɨmoxti Tupax.

Manitanati Tuparrü

² Tapü tacürusu numaquionco iyoti Jesús, itopiqui arrti manunecanati auqui maübo nauqui uipia oñoncatü ümoti. Y arrti bayuraratito oemo chepe nitacürurrü. Arrti taquisürüti apü curusürrü. Ümo cüsocürrü manu niconcorrti sane, pero tusio ümoti arrtü tüpasao arrümanu nitaquisürücürrti, ane ipucünuncubuti. Tümonsoti au nepanauncurrti Tuparrü au napese.

Hebreos 12:2 Referans Kwoze

1 Pedro 3:18

Tyopiki axti Cristo tamantai nikonkoxti yotopiki nomɨnantɨ osoi. Axti champɨ nipɨnatenti, yasutiuti nityakisɨrɨkɨxti tyakuma axɨbama chuxiampɨ nisɨborikixhimia, nauki amekatɨ uiti esati Tupax. Koiñoti aɨbu kɨx nikɨtɨpɨxti. Sɨborikoti tato aɨbu nausɨpɨxti,

Hebreos 1:3

Tyonenti naki yarusɨrɨx nanentakaxti Tupax, tyoneantoe nakaxti Tupax naki uiche bosɨboriko nanaiña axɨba abe iku axɨna kɨx ui nɨriaka nuraxti. Naukiche tɨkicheseña nokɨtɨpɨ uiti pɨnanaki nomɨnantɨ, tɨmonsoti au nepanaunku nityɨmoxti Tupax au napes,

Efesios 5:2

Apakumananau ɨmo namanaiña, sane takana nukuasɨrɨkɨ tɨkañe ɨmoti Cristo ta koiñotityo otopiki. Axɨmanu nikonkoxti tyone takana axɨmanu koñoxtai nori makumanatax ɨmoti Tupax.

Filipenses 1:6

Tusiu iñemo ta axti Tupax, isamutenti axɨba omixhia yachɨkoiti aupu chepe axtɨ kuatati tato Jesucristo iku axɨna kɨx.

Hebreos 9:28

sanentityo Cristo tamantai nikonkoxti, nauki ane maximiakatax tato oemo yotopiki axɨba nomɨnantɨ osoi. Auki kuatati tatityo, chɨtɨpɨ nauki akontiki yotopiki axɨba nomɨnantɨ osoi, ta nauki aye uimia nisɨborikixhimia axɨbama ikokoromati.

San Juan 6:40

Tyopiki axɨna noñemaxti Iyaɨ ta nauki namanaiña axɨbama asaramatɨ ɨmoti Aɨtoxti Tupax tari aikokoromati, nauki aye uimia nisɨborikixhimia ɨmo nanaiña naskɨbeka: Sobi ñana sɨborikoma tato au axɨmanu tyakɨrux nanenes.

1 Pedro 3:22

naki sɨrotitɨ tato au napes atɨmoti au nepanaunkuxti Tupax, naki Yɨriabuxti ɨmoma axɨbama ángeles nanaiñaintyo nausɨpɨxɨma axɨbama ane nɨriakaxɨma.

Hechos 5:31

Atɨraiti tato uiti Tupax auki aityɨmokonoti au nepanaunkuxti, Yɨriabuxti uiti naki uiche utaesɨbuka ñopɨnanaki nominainte, nauki axɨbama auki Israel aiñokoma nomɨnantɨ sane ixhimiakatati Tupax nomɨnantɨ uimia.

San Lucas 24:26

¿Chɨtusiupɨ aume samamekanati Mesías atakisɨrɨti oboi nanaiña axɨba omixhankio ɨmoti kɨmenu atoxi ɨmoti nɨriakaxti?

SAN JUDAS 1:21

Taikiana amonkatɨ ɨmoti Tupax kuantionki omixhia naneneka ñana aume uiti Yɨriabux Jesucristo, ui nipukɨruxti, toxio ñana uiti osɨborikibo axɨna champɨ nityakɨrux.

Hebreos 8:1

Axɨpekuki nanaiña axɨna suburapoi ta anati yɨriabux sacerdote oemo naki anati au napes, tɨmonsoti au nepanaunku nityɨmoxti Tupax.

2 Timoteo 4:8

Ane toxiobo iñemo axɨna icharusɨbo koñotɨ yasuriu axɨna toxio ñana iñemo uiti Yɨriabux, tyopiki uxia ñapanaunkuxti, au axɨmanu nanenes ñana. Chiñemoantaipɨ ta ɨmo namanaiña axɨbama kuasɨrɨti ɨmoma chepe axtɨ tɨkuatati tato ñana.

Filipenses 3:20

Tapɨ axoñɨ ta auki napes oñɨ, uixh naukiche uxianka nauki ayetitɨ auki napes naki uiche utaesɨbu eanaki nomɨnantɨ, axti Yɨriabux Jesucristo,

San Marcos 14:36

Au neankaxti nanti: “Abbá, Iyaɨ, axɨkɨ nanaiña aisamute: aikiaɨbu xhopɨnanakiñɨ axɨna nichakisɨrɨkɨ. Tapɨ uxiante isiuki nixhantɨmo ta isiuki axɨna naxiantɨmo axɨkɨ.”

Apocalipsis 2:8

“Akonomointyo ɨmoti ángel auki Esmirna kauta aboma axɨbama ikokoromañɨ: ‘Tyone axɨna nanti naki kusɨrɨbo tyonentityo naki nityakɨrux, axti naki koiñoti sɨborikoti tato:

Hebreos 13:13

Saneityo axoñɨ kuri chepeti Jesús tyɨrɨpo axɨmanu nipo meankax sane basuriu chepeti axɨmanu nikɨsoxti uimia naukiche ityakubaxiromati kɨtɨpɨ kurusɨx.

Hebreos 5:9

Sane, naukiche tisamutenti Cristo nanaiña axɨna yakɨpukuxti Tupax, tyonenti kaɨma naki uiche ane maximiakatax ɨmoma axɨbama ikokoromati,

San Lucas 17:5

Axɨmanuma amonkoma isiuti Jesús mankioma pɨnanakiti: –Ache uɨbo axɨna sopikokota.

San Marcos 9:24

Auki atosibiti yaɨtoti maniki ñaɨma: –Ikokota. ¡Acheki uɨbo axɨna ikokota!

Hebreos 12:3

Apiña napakionko isiukiti Jesús, sɨrɨmanama axɨbama chuxiampɨ nisɨborikixhimia tɨborikomantai kuatati taruku nityakisɨrɨkɨxti uimia, tapɨti champɨ nɨmoche uiti. Sane naukiche axaño tapɨ ubata aume, apiña nuxia.

Efesios 2:16

Ui nikonkoxti Cristo kɨtɨpɨ kurusɨx, iñatai tyakɨru axɨmanu chuxiampatai osoi oemoampatoe axɨbama judíos takana axɨbama chɨtɨpɨ judíos. Takubaxio uiti kɨtɨpɨ kurusɨx axɨmanu chuxiampatai osoi oemoampatoe, uiti kunauntaña nusaka nauki taikiana uxia uiti Tupax oemo takanaintyo usaɨbuatoe.

Hechos 5:41

Axɨmanuma amonkoma isiuti Jesús sɨromatɨ aukimanu esaki mayɨriabuka taruku nipukɨnunkuxɨma, ityopiki ichetati Tupax ɨmoma atakisɨrɨma tyaku ñakokonaunkuxɨma ɨmoti Jesús.

San Juan 12:32

Axtɨ ityakubaxiromañɨ kɨtɨpɨ kurusɨx, auki kaɨma namanaiña ikokoromañɨ.

1 Pedro 1:11

Nesaxti Espíritu Cristo aukiapae tɨkañe manunekana ɨmoma axɨbama profetas kausane ñana nityakisɨrɨkɨxti iku axɨna kɨx, axɨmanuintyo niyarusɨrɨkɨ nɨriakaxti ñana. Axɨmanuma profetas, bapacheroma nikiubuma kausane atusi ɨmoma axɨmanu nanti Espíritu ɨmoma axɨmanu ane ikɨtɨpɨma.

Hebreos 10:14

tyopiki ui kunauntañantai ñakumanataxti kicheseña tato nakaxɨma axɨbama samamekanama ɨmoti Tupax ɨmo nanaiña naskɨbeka.

San Juan 12:24

Axaño tusiu aume axtɨ taman niyo noseox sɨro kɨtu axtɨ chɨkoiñopɨ, champɨ iyebo auki. Tapɨ axtɨ koiño, chama iyebo kɨtɨpɨki.

San Juan 8:56

Axti Abraham, kusɨrɨboti tɨkañe amopɨnanaki taruku nipukɨnunkuxti ui axɨna ipiatenti isekatɨ iku axɨna kɨx. Naukiche astaiti taruku nipukɨnunkuxti uixh.

San Juan 1:29

Au kiatax nanenes, asaratitɨ Kuan ɨmoti Jesús, kuatati esati, nanti: “¡Amasasatɨ, tyonenti naki Nobixhax uiti Tupax, naki uiche aikiaɨbuti nomɨnantɨ ikuki axɨna kɨx!

San Lucas 23:11

Auki axti Herodes ichepe axɨmanuma masortaboka asaramatɨ ɨmoti takanati naki champɨ nanenekicheti, nauki unumati iñatama aibiboti axɨba omixhantai, takana naibixhti yɨriabux. Auki bakɨpuruti tatityo Herodes aɨbuti esati Pilato.

San Mateo 20:28

Tyopiki, sanentityo Aɨtoxti ñoñɨnx, chɨkuatatipɨ nauki aserebimia ɨmoti, ta kuatati nauki aserebiti nauki aityoximiatityo nisɨborikixhti ityoboma axɨbama taruku nububikixhimia.

San Mateo 16:21

Auki axɨmanu sane axti Jesús urapoiti sukarɨma axɨmanuma nesaxti apóstoles ta sɨrotitɨ ñana au Jerusalén, tapɨ axɨbama mayɨriabuka, ichepe ɨriatu axɨbama sacerdotes ichepetyo axɨbama manunekanama ɨmo bakɨpukux uiti Moisés taruku ñana nityakisɨrɨkɨxti uimia. Nanti ɨmoma koiñoti ñana uimia, ta yopɨrɨkɨ trex naneneka sɨborikoti tato.

Apocalipsis 1:17

Naukiche yasakatɨ ɨmoti, ichaɨbɨka yobesa nipopesti takana axtɨ isonka. Axti iñatati nepanaunku ne'esti xhonɨñɨ, nanti iñemo: “Tapɨ aixhuka. Axɨñɨ tyonenti naki kusɨrɨbo tyonentityo naki nityakɨrux,

Apocalipsis 1:11

Axɨmanu tosibixh nantɨ iñemo sane: “Aikonomo iku kichonimiakax axɨna astai, akɨpu aɨbu ñome axɨmanio siete kauta aboma axɨbama ikokoromati Jesús au Asia: au Éfeso, au Esmirna, au Pérgamo, au Tiatira, au Sardes, au Filadelfia, autyo Laodicea.”

Hebreos 7:19

tyopiki axɨmanu bakɨpukux uiti Moisés chɨbesɨropɨ uixh nisɨboriki mañoñɨnka, ityobo kaɨma ane kiatax kɨmenuche baxɨpera axɨna uiche uɨkatɨ esati Tupax.

Hebreos 1:13

“Axti Tupax chɨnantipɨ ɨmoti taman ángel: Atɨmo au nepanaunku nichɨmo, chepe axtɨ tɨsɨroma sobi ompɨtabo napope axɨbama tɨborikomantai akuatakɨ.”

Hechos 2:36

“Namanaiña axɨbama auki Israel atusi aume, axti maniki Jesús takubaxioti aboi kɨtɨpɨ kurusɨx, toxio uiti Tupax ɨriakaboti ɨmo namanaiña iku axɨna kɨx.”

San Marcos 9:12

Aiñumuti: –Ñemanauntu kusɨrɨboti Elías ayetitɨ, uiti aikoñokoti nanaiña. ¿Kausane monantɨ axɨba Nikorox axti Aɨtoxti noñɨnx takisɨrɨti ñana champɨityo nikuasɨrɨkɨxti?

Apocalipsis 1:8

“Axɨñɨ isusɨrɨka takanaintyo nityakɨrux,” nanti Yɨriabux, axti Tupax naki taruku nɨriakaxti, naki tyonenti, tyonentityo naki kuabotɨ ñana.

Hebreos 11:36

Aboma axɨbama taruku nunkuxɨma ɨmoma, kɨborioma uimia, amanamampo tomoenoma ui karenax uimia.

Hebreos 10:33

Sɨrɨmanama abaxɨpekuki takisɨrɨma ui nunkuxɨma makiataka ɨmoma, okɨsioma ɨmo sukarɨ namanaiña, makiataka sɨromatɨ chepe axɨmanuma takisɨrɨma sane.

San Marcos 16:19

Naukiche tɨchauki nuraxti aɨbuma, axti Yɨriabux Jesús kamperoti niyɨkɨxti tato au napes atɨmoti au nepanaunkuxti Tupax.

Hechos 3:15

Sane koiñoti aboi naki uiche osɨborikia, axti naki sɨborikoti tato uiti Tupax, axɨsomɨ sumastai nanaiña axɨna sane.

1 Corintios 1:18

Axɨna manunekatax kɨtɨpɨ nikonkoxti Cristo kɨtɨpɨ kurusɨx tyone champɨ nanenekiche ɨmoma axɨbama chuxiampɨ nisɨborikixhimia, tapɨ oemo axɨbama uikokokati Tupax tyone maximiakatax.

1 Corintios 1:23

tapɨ axɨsomɨ supanunekaka kɨtɨpɨti Cristo naki takubaxioti kɨtɨpɨ kurusɨx, axɨna sane chuxiampɨ ɨmoma axɨbama judíos, tapɨ axɨbama chɨtɨpɨ judíos chɨsamianapɨ ɨmoma,

Santiago 2:1

Axaño masarukityaiki, axɨbama apikokokati yarusɨrɨx Yɨriabux Jesucristo, tapɨ taruku nikuasɨrɨkɨxti taman aume pɨnanakiti kiatax.

San Marcos 15:28

Sane kokono axɨna nantɨ iku Nikorox: “Pakɨmunkunuti chepema axɨbama taruku nomɨnantɨ uimia.”