Gálatas 6:17 - Manityanati Tupax

¹⁷ Aukina kaɨma chixhankapɨ chɨtamampatai abe iñemo. Tyopiki butusiu nuxia sɨtɨpɨñɨ axɨba oboi nichakisɨrɨkɨ axɨna yaka chepeti Cristo.

Manitanati Tuparrü

¹⁷ Auquina caüma tapü aboma bama asioma isuatañü, itopiqui tusio nurria isütüpüñü ñopiconosüo arrüba nobüriturrü iñemo itopiqui arrüna niyaserebiqui ümoti Cristo.

Gálatas 6:17 Referans Kwoze

2 Corintios 1:5

Sane takana taruku nutakisɨrɨkɨ chepeti Cristo, saneityo uiti Cristo taruku nupukɨnunku.

Colosenses 1:24

Kaɨma ipukɨnunka ui axɨna nichakisɨrɨkɨ autaku, tyopiki sane iñatai tyakɨru ui nisɨtɨpɨ nityakisɨrɨkɨ nikɨtɨpɨxti Cristo, tyopiki axɨbama ikokoromati.

2 Corintios 4:10

Au nanaiña kauta nuɨkɨ, sɨrotɨ okɨtɨpɨ nikonkoxti Jesús, nauki axɨna nisɨborikixhti atusianaka okɨtɨpɨ.

Hebreos 12:15

Apapache nikiubu año tapɨ anati naki iñanatiyɨ pese pɨnanaki nikuasɨrɨkɨxti ɨmoti Tupax. Tapɨ chebo aboi anati naki chuxiampɨ nisɨborikixhti abaxɨpeku takana axone soes pichananene nixhanakax tyone takana picharax ɨmo namanaiña.

Hechos 15:24

Axɨsomɨ sopipiate aboma axɨbama yebomatɨ tanu aukina, axɨbama chɨsupakɨpukapɨ ɨmoma, uimia chɨmastakaxɨpɨ aume namatɨ nauki circusidabo año nauki apikokoityo axɨmanu bakɨpukux uiti Moisés.

Gálatas 1:7

Ñemanauntu champɨ kiatax manunekatax. Ta aboma axɨbama uiche aiñamesokoma amopɨnanaki, xhanxɨmaintyo aikɨmɨnakama axɨmanu nuraxti Cristo.

Filipenses 3:10

Axɨna nixhantɨmo kaɨma ta nauki isuputarati Cristo, nauki ñonkisio sɨtɨpɨñɨ nɨriaka nisɨborikixhti tato nauki ichakisɨrɨtyo takana nityakisɨrɨkɨxti. Nauki saneityo nisonko ñana takana nikonkoxti,

Apocalipsis 13:16

Bakɨpuruityo nauki namanaiña aɨro nikorox kɨtɨpɨma au nepanaunku ne'esɨma o ikutama. Champɨ nɨmoche axtɨ tɨsunauma axtɨtyo masiomankaiki, axtɨ ane nenaxixhimia, axtɨ takisɨrɨma, axtɨ kumanakaxɨma.

Apocalipsis 13:17

Champɨti naki makomporarati nipɨ apabentekati axtɨ champɨ axɨmanu nikorox kɨtɨpɨti o nikoro nɨrixhti.