Gálatas 4:26 - Manityanati Tupax

²⁶ Tapɨ axɨmanu Jerusalén auki napes champɨ kausane ɨmo, axoñɨ kaɨma naɨbosixh oñɨ.

Manitanati Tuparrü

²⁶ Pero ane ito manu quiatarrü tratorrü uiti Tuparrü. Arrübama süromatü isiu, taesüburuma eanaqui manu nüriacarrü. Arroñü te uicocota manu quiatarrü tratorrü.

Gálatas 4:26 Referans Kwoze

Hebreos 12:22

Tapɨ axaño kaɨma, amekatɨ esa axɨmanu yirityux Sión, axɨmanio poka nipoxti Tupax naki sɨborikoti ɨmo nanaiña naskɨbeka. Tyoneio axɨmanio poka Jerusalén, axɨna ane au napes. Akamanu aboma sɨrɨmanama axɨbama ángeles oberabarama nauki yarusɨrɨx nɨrixhti Tupax uimia,

Filipenses 3:20

Tapɨ axoñɨ ta auki napes oñɨ, uixh naukiche uxianka nauki ayetitɨ auki napes naki uiche utaesɨbu eanaki nomɨnantɨ, axti Yɨriabux Jesucristo,

Apocalipsis 21:2

Yastai axɨmanio poka champɨ nomɨnantɨ yokɨtɨpɨ, axɨmanu iyebo Jerusalén, kuatɨ akɨ auki napes, esakiti Tupax. Ananka koñokono takana axɨna kupikixh sɨro kɨtɨpɨ naibixh nauki apo, tɨniyɨkɨx aikuñunuti naki ikianabo.

Apocalipsis 3:12

Axɨbama chɨtapenekopɨma oboi makokotoka taruku ñana nɨriakaxɨma sobi au nipoxti Tupax iñemo, akamanu ñana sɨsioma. Kɨtɨpɨma ñana korobo sobi nɨrixhti Tupax iñemo nɨrixhtyo axɨmanu nipoxti, axɨmanu iyebo Jerusalén kuatɨ auki napes, ikonomotaityo kɨtɨpɨma axɨmanu iyebo nisɨri.

Gálatas 4:22

Tyopiki nantɨ ta aboma toxɨma aɨtoxti Abraham: tamanti auki nikumanakataxti, tapɨti kiatax auki nikɨpostotiatoe.

Romanos 6:18

Axtɨ tautaesɨbuka pɨnanaki nomɨnantɨ, axaño apaserebikia ɨmo axɨna uxia.

Romanos 6:14

Sane axɨmanu nomɨnantɨ champɨki nɨriakax aume, ityopiki chɨtɨpɨ ui napakokonaunku ɨmo bakɨpukux uiti Moisés, ta ui nipukɨruxti Tupax.

San Juan 8:36

Sane naukiche, axtɨ axɨñɨ Aɨtoxti Tupax, ixhimiakata axɨna nomɨnantɨ aboi, ñemanaunkuxatoe uxia nausɨboriki.

1 Pedro 2:16

Apisamuse nausɨboriki isiuki nauxiantɨmo, tyopiki axaño apaserebikia ɨmoti Tupax. Tapɨ amonkatɨapae ɨmo axɨna sane chebo aume nauki tyopiki kaɨma apisamute ausɨratai nomɨnantɨ.

Gálatas 5:1

Kaɨburu uiti Cristo nomɨnantɨ okɨtɨpɨki nauki tapɨ ane nomɨnantɨ okɨtɨpɨ. Sane naukiche tapɨ amekatɨ tatityo ñome nomɨnantɨ sane kumanakax año ñome.

Apocalipsis 17:5

Anentyo korobo ikuta axɨmanu champɨti tusiu ɨmoti isane nantɨ: “Yarusɨrɨx Babilonia, niyupapa nanaiña axɨba chuxiampɨ niyosɨborikixh nanaiñaintyo axɨba nomɨnantɨ iku kɨx.”

Gálatas 4:25

Sane Agar tyone axɨmanu yirityux Sinaí au Arabia, tyone kaɨma nesa Jerusalén, tyopiki axɨbama po'osoma au Jerusalén kumanakaxɨma aɨbu namanaiña.

Apocalipsis 12:1

Auki tusiu au napes axɨmanu tarukapae nityabaikixh: taman paɨx kiñoeno ui sux takana ui naibixh, aɨbu panx ñokiana nipopes ane nityarusɨx doce nostoñeka itya.