Gálatas 4:15 - Manityanati Tupax

¹⁵ ¿Kauta niyɨkɨx axɨmanu taruku naupukɨnunku? Sukanañɨ sane axtɨ anempɨ nikiubu año, apikiaɨbukiompɨ nausɨto nauki apityoximianio iñemo.

Manitanati Tuparrü

¹⁵ ¿Cauta naca arrone naupucünuncu saübuñü aucutanu? ¿Causanempü atacüru naupucünuncu? Abu rraquioncañü nurria que arraño tücañe tarucu naurrianca apayura iñemo, hasta aurrianca apitorrimia iñemo nausüto, arrtü puerurrüpü.

Gálatas 4:15 Referans Kwoze

Romanos 5:2

Ityopikiti Jesucristo uɨkatɨ tato saimia esati Tupax ui numakokonaunku, nauki upukɨnu ui nukuasɨrɨkɨ ɨmoti, sane chuɨkapɨtɨ isiu kiatax mapanaunkux, sane upukɨnunka tyopiki iyebo ñana osoi esati Tupax.

Colosenses 4:13

Axɨñɨ yastai nuxia kausane axti Epafras taruku nonxɨkɨxti autaku tyakumaintyo axɨbama ikokoromati Tupax auki Laodicea aukityo Hierápolis.

1 Tesalonicenses 5:13

Apakumananau akuasɨrɨmaintyo aume, taikiana uxia aboi aumeampatoe.

1 Tesalonicenses 2:8

Saneityo axɨsomɨ taruku suipukɨru autaku chɨsuixhankapɨ sopityoximia aume axɨnantai nuraxti Tupax, ta axtɨ ane nɨmoche sopityoximiataityo suisɨboriki autaku.

Gálatas 6:4

Taikianati taman tari uitiatoe asaraiti nisɨborikixhti, axtɨ onkisioti taruku nipukɨnunkuxti, tari pukɨnuñati aɨbutiatoe tapɨ pukɨnuñati isiuki makiataka.

Gálatas 5:22

Tapɨ axɨna nisamukuxti Espíritu Santo, tyone numakumananaunku oemoantoe, axɨna nupukɨnunku axtɨ uxia osoi oemoantoe, axɨna masamunaunka aɨbuti kiatax, kuasɨrɨti kiatax oemo, nupukɨru tyakuti kiatax, nupukɨnunku,

Gálatas 4:19

Masaɨtaiki, ichakisɨrɨka tatityo takana axɨna xhanx ane meku, chepe axtɨ sɨroti Cristo ñana aukɨtɨpɨ.

Gálatas 3:14

Sane nauki nipukɨnunkuxti Abraham uiti Tupax aiñanaintyo tyopikiti Cristo Jesús ɨmoma axɨbama chɨtɨpɨ judíos. Sane isiuki numakokonaunku namanaiña basuriuruti Espíritu naki uiti Tupax ɨriotɨ tɨkañe.

2 Corintios 8:3

Axɨñɨ tusiu iñemo axaño apakumanaka ta'aiki pɨrɨkɨ axɨna ane aboi. Auki namoñemantoe

Romanos 15:13

Axti Tupax naki uiche uxia numakionko, tari yachebati aupukɨnunkubu, taikiana axiaintyo uiti aume axaño axɨbama apikokokati, tari yachebati aukusɨubu ui noñemaxti Espíritu Santo.

Romanos 10:2

Axɨñɨ sukanañɨ ñemanauntu ta xhanxɨma aserebimia ɨmoti Tupax. Ta axɨmanu nixhankaxɨma chiyebopɨ nuxia uimia.

Romanos 9:3

takana ixhanka yaka aɨbu mapauxamakax, nauki yaka pese pɨnanakiti Cristo, ui nipukɨru tyaku masarukityaiki, axɨbama isɨborisapa.

San Lucas 8:13

Axɨmanio sɨrobo kɨtu bupakio omeana kanka takana axɨbama onkoimia axɨba omixhia manityakax yasutiuma aɨbu nipukɨnunkuxɨma, champɨ nixhanakax. Ikokotama mantukubatai naneneka, axtɨ ane makokotox ɨmoma iñokotama.

Gálatas 4:14

Axɨmanu noxokox tyone makokotox aume, champɨ axtɨ chisuasɨrɨkapɨ aume chapipenekapɨñɨ tyopiki axɨmanu niñaunxokoko, apasukiukañɨ takana ɨmoti taman ángel yakɨpusuxti Tupax, ¡takana axtɨ tyonentiatoe Cristo Jesús!

Gálatas 4:16

Tapɨ kaɨma, ¿ensapɨ chuxiampɨ sobi aume ui axɨna sukanañɨ aume axɨna ñemanauntu?