Gálatas 4:12 - Manityanati Tupax

¹² Masarukityaiki, apasamu nuxia iñemo: apisamuse takana axɨñɨ, tyopiki axɨñɨ isamute axɨna nisɨboriki takana axaño. Chiñemopɨ apisamute axɨmanu chuxiampɨ.

Manitanati Tuparrü

¹² Apisamuse tacana arrüna niyachücoi. Arrüñü chauqui tiñocoquio nanaiña arrüba yacüpucu bama israelitarrü, niyaca caüma tacana arraño tücañe. Pero tapü apapensaca que ane napipünate saübuñü.

Gálatas 4:12 Referans Kwoze

2 Corintios 2:5

Axtɨ anati naki masuchemakanati, chaxɨpɨñɨantai isucheka, ta namanaiña axaño ausucheka.

Gálatas 6:14

Tapɨ axɨñɨ champɨ tyopikiche ipukɨnu ta ipukɨnunka ui nikurusɨxti Yɨriabux Jesucristo. Tyopiki ui nikurusɨxti Cristo, nanaiña axɨna kɨx koiño iñemo tapɨ axɨñɨ isonkaityo ɨmo kɨx.

Gálatas 2:14

Sane naukiche tiyastai, axɨna chisamutempɨma ñemanauntu isiuki axɨba omixhia manityakax, sukanañɨ ɨmoti Peru sukarɨma namanaiña axɨbama ikokoromati Jesús: “Axɨkɨ, abo judíoxɨkɨ, aisamute nasɨboriki takanati naki chɨtɨpɨ judío. ¿Kausane axianka nauki axɨbama chɨtɨpɨ judíos aisamunema nisɨborikixhimia takana axɨbama judíos?”

2 Corintios 6:13

Apasamu nuxia iñemo, takanati yaɨtoxɨma masiomanka axtɨ mankioti pɨnanakimia, apiyaɨbu iñemo nabausasɨ, takana sane sobi aume.

Hechos 21:21

Urapoimiaintyo sukarɨma ta axɨbama judíos po'osoma au kiatax kɨx, axɨkɨ anunekaka ɨmoma tapɨ ikokotama axɨmanu bakɨpukux uiti Moisés, ukanɨntyo ɨmoma tapɨ circuncidaboma aɨtoxɨma uimia, tapɨ isamutema axɨna supacheata sopisamune.

Gálatas 6:18

Masarukityaiki, tari naki Yɨriabux Jesucristo aiyarapati aukɨtɨpɨ nipukɨruxti. Amén.

2 Corintios 6:11

Masarukityaiki auki Corinto, supanityaka aume nanaiña champɨ anekana soboi. Aurɨbo soboi aume subausasɨ.

Gálatas 4:11

¡Taruku nixhuku tapɨ munatai axɨna niyachɨkoi isamute tanu abaxɨpeku!

Gálatas 4:13

Chauki tɨtusiu aume, naukiche kusɨrɨbo suraboi ausukarɨ axɨba omixhia manityakax isamute sane tyopiki anankañɨ ichakisɨrɨka ui niñaunxokoko.