Gálatas 3:23 - Manityanati Tupax

²³ Naukiche chiñataikipɨ axɨmanu makokonaunkux amonko oñɨ amanapo oñɨ ui axɨmanu bakɨpukux, chepe niyekixh aityusiankanɨ axɨmanu makokonaunkux.

Manitanati Tuparrü

²³ Tücañe champürrtü tusio oemo arrüna manunecatarrü icütüpüti Jesucristo. Amonco oñü iquiana nüriacarrü uiti Moisés, tapü ane tarucapae nomünantü osoi. Pero caüma tütusio oemo quiti ümoche oñoncatü aübu numacoconauncu.

Gálatas 3:23 Referans Kwoze

Gálatas 5:18

Tapɨ axtɨ uiti Espíritu Santo apisamute axɨna nauxiantɨmo, sane kaɨma axaño chapisamutenkipɨ axɨmanu bakɨpukux uiti Moisés.

Gálatas 3:19

Axtɨ sane, ¿isane nanenekiche axɨmanu bakɨpukux? Toxio tɨkañe pɨrɨkɨ nanaiña axɨna sane, nauki atusi axɨba nomɨnantɨ ui mañoñɨnka, chepe axtɨ iñataiti maniki “Aɨtoxti” naki ɨmoche axɨmanu ɨriotɨ tɨkañe uiti. Axɨmanu bakɨpukux ui axɨbama ángeles uraboimia, tapɨti Moisés tyonenti naki uiche uraboiti sukarɨ namanaiña.

Romanos 11:32

Tyopiki axti Tupax namanaiña chɨmakokonaumpɨma uiti, nauki sane apukɨruti tyaku namanaiña.

Romanos 3:19

Tusiu oemo nanaiña axɨmanu nantɨ Nikorox uiti Moisés, manunekana ɨmoma axɨbama ikokotama, nauki namanaiña etayoimia, sane namanaiña axɨbama ikuki axɨna kɨx uiti Tupax ñana asaraiti ɨmoma.

Hebreos 12:2

Uiñana nubasata ɨmoti Jesús, tyopiki ui noñemaxti ane axɨna numakokonaunku, tyonentityo naki uiche aipesɨnakati. Axti Jesús champɨ nɨmoche uiti nikɨsoxti akonti takubaxioti kɨtɨpɨ kurusɨx, tyopiki tusiu ɨmoti pɨrɨkɨ axɨmanu nityakisɨrɨkɨxti ñana taruku nipukɨnunkuxti. Auki tɨmonsoti au nepanaunku nityɨmoxti Tupax.

Hebreos 11:13

Namanaiña axɨmanuma mañoñɨnka koiñoma chiyasutiuma axɨmanu ɨriotɨ uiti Tupax ɨmoma. Ta ui axɨna ikokoromati nuxia, astaimia auki icheatai, auki taruku nipukɨruxɨma, akamanu tusiu ɨmoma, ta axɨma chɨtɨpɨ nikɨxɨma axɨna kɨx.

Gálatas 4:21

Amukanaño iñemo, axaño, axɨbama auxianka apikoko axɨmanu bakɨpukux uiti Moisés: Unka amonkoi axɨna nantɨ axɨmanu bakɨpukux.

San Juan 3:34

Sane axti naki bakɨpukux ɨmoti uiti Tupax, manityanati nuraxti Tupax, ityopiki axti Tupax toxio uiti nanaiña nɨriakaxti Espíritu Santo.