Gálatas 2:6 - Manityanati Tupax

⁶ Axɨmanuma mayɨriabuka champɨ isane iñonxikiatama nisura (axɨñɨ champɨ nɨmoche sobi axɨna nɨriakaxɨma, tyopiki axti Tupax chastaitipɨ nosɨboriki isiuki nosɨriaka).

Manitanati Tuparrü

⁶ Arrübama üriatu bama icocoromati Jesús au Jerusalén champü piquiataca bacüpucuca uimia iñemo. Champü nümoche sobi nüriacarrüma, itopiqui ümoti Tuparrü ichepatai nusaca.

Gálatas 2:6 Referans Kwoze

Gálatas 2:2

Yakatɨ tyopiki ityusiankatati Tupax sukarɨñɨ ta yɨkatɨki ñana. Akamanu xhanunekaka ɨmoma axɨbama ikokoromati Jesús axɨba omixhia manityakax axɨna surapoi sukarɨma axɨbama chɨtɨpɨ judíos. Xhanunekakaityo ɨmo mayɨriabuka, nauki atusi nuxia ɨmoma axɨna niyachɨkoi ta ane taruku nɨmoche.

Hechos 10:34

Auki manityanati Peru ɨmoma, nanti sane: –Kaɨma tusiu iñemo ta ɨmoti Tupax chepatai nakaxɨma mañoñɨnka ɨmoti,

2 Corintios 12:11

Xhanityaka takanati naki chuxiampɨ nityanuxti, tyopiki axaño sane nauxianka nauki isamune. Tyopiki axañopɨ tyonemampɨ axɨbama uxia napanityaka sɨtɨpɨñɨ, tyopiki axɨñɨ isiuityo niyaka takana axɨmanuma taruku nipiakaxɨma axɨmanuma amonkoma tɨkañe isiuti Yɨriabux Jesús.

Gálatas 6:3

Axtɨ anati naki au ñakionkoxti ane nɨriakaxti, abo champɨ isane kokonobo uiti, axtiatoe chɨkoñontipɨ.

2 Corintios 11:5

Ui axɨna sane, axɨñɨ champɨ axtɨ chipiakapɨ kutakikiboma axɨmanuma makiataka taruku nipiakaxɨma anunekama axɨmanuma iñataimia abaxɨpeku naukiche tiyɨkatɨ.

Romanos 2:11

Tyopiki axti Tupax besɨro ñapanaunkuxti.

1 Pedro 1:17

Axtɨ axaño amukanaño “Iyaɨ” ɨmoti Tupax, naki astaiti nausɨboriki isiuki axɨna apisamute, champɨti naki taruku nikuaxti pɨnanakiti kiatax, apityusiaka napanaunku ɨmoti axɨna ausɨborikiaiki iku axɨna kɨx.

Hebreos 13:17

Apakokonau ɨmoma axɨbama mayɨriabuka aume, tyopiki axɨma taikiana asaramatɨ autaku, tusiuityo ɨmoma ta axti Tupax astaiti ñana axɨna isamutema. Apapache nikiubu año apisamune nanaiña axɨna uxia ɨmoma, tyopiki axtɨ chɨsanempɨ aboi nanaiña champɨ nanenekiche aume.

Hebreos 13:7

Apakionsama axɨbama urapoimia nuraxti Tupax tɨkañe ausukarɨ, tyopiki axɨma onkomatɨ ɨmoti Tupax auki nisɨborikixhimia. Apakionsaño kausane naukiche atakɨru nisɨborikixhimia, apisamuse isiuki axɨna ñakokonaunkuxɨma.

2 Corintios 5:16

Sane naukiche, axɨsomɨ champɨti naki sopisuputakati takana ikuki axɨnantai kɨx, tɨkañe sane supakionko ɨmoti Cristo.

San Lucas 20:21

Axɨbama ñankitioma pɨnanakiti: –Maestro, tusiu suiñemo axɨna ukanɨ ichepe nanunekaka ta besɨro, chaiñatapɨ isiu nixhanka mañoñɨnka. Axɨkɨ anunekaka ñemanauntu nikutubiuxti Tupax.

San Marcos 12:14

Auki sɨromatɨ namatɨ ɨmoti: –Maestro, tusiu suiñemo axɨkɨ ukanɨ axɨna ñemanauntu, chaiñatapɨ isiuki nuraxɨma mañoñɨnka, ityopiki chanityakapɨ isiuki nixhankaxɨma. Axɨkɨ ñemanauntu anunekaka nikutubiuxti Tupax. Urakɨ sane. ¿Ensapɨ uxia supache monixh ɨmoti yɨriabux aiki Roma, o chuxiampɨ?

San Mateo 22:16

Sane naukiche bakɨpuruma ɨmo makiataka axɨbama aboma isiuma, ichepe axɨmanuma aboma isiuti Herodes, nauki namatɨ ɨmoti: –Maestro, tusiu suiñemo axɨkɨ ukanɨ axɨna ñemanauntu, axɨkɨ ñemanauntu anunekaka kutubiux ɨmoti Tupax, chaiñatapɨ isiu niñapanaunku makiataka, chanityakapɨ nauki aye ɨmoma axɨna nixhantɨmoma.

Hechos 5:36

Apakionsaño axɨmanio tɨkañe naneneka axti maniki nɨrixhti Teudas, axti naki nanti taruku nɨriakaxti au ñakionkoxti, saimia cuatrocientos mañoñɨnka axɨbama sɨromatɨ isiuti. Ityabairomati, axɨmanuma amonkoma isiuti iñaxioma. Akamanu takɨrusu nanaiña.