Biblia Todo Logo
Bib sou entènèt

- Piblisite -




Gálatas 2:19 - Manityanati Tupax

19 Ui axɨmanu bakɨpukux axɨñɨ isonka ɨmo, nauki isɨbori ɨmoti Tupax. Aɨbuti Cristo ichakubaxikia kɨtɨpɨ kurusɨx,

Gade chapit la Kopi

Manitanati Tuparrü

19 Arrüñü leheboñü nurria nüriacarrü. Tusio iñemo, ta chüpuerurrüpü icoco. Sane nauquiche iñocota. Yaca tacanarrtü isonca pünanaqui. Ñoncatü caüma ümoti Cristo. Isüboriquia ümoti Tuparrü.

Gade chapit la Kopi




Gálatas 2:19
28 Referans Kwoze  

Saneityo axaño, masarukityaiki, naukiche abaka chepeti Jesucristo aukonka chepeti ɨmo axɨmanu bakɨpukux uiti Moisés, nauki sɨsio año chepeti kiatax, axti maniki sɨborikoti tato. Sane uisamute axɨba omixhia ɨmoti Tupax.


¡Chɨsanempɨ! Axoñɨ chauki tokonka ɨmo nomɨnantɨ. ¿Kausane sɨsio oñɨ uisamune nomɨnantɨ?


Axti Jesucristo koiñoti utaku nauki osɨborikia chepeti, sane axtɨ osɨborikiaiki, takanaintyo axtɨ tokonka axtɨ tɨkuatati tato ñana.


Axti Cristo koiñoti tyaku namanaiña, nauki axɨbama sɨborikomainki tapɨ sɨborikoma ɨmomantoe, ta ɨmoti naki koiñoti auki sɨborikoti tato tyakuma.


Saneityo axaño apisamuse takana axtɨ aukonka aɨbu nomɨnantɨ aboi, tapɨ ɨmoti Tupax ausɨborikia chepeti Cristo Jesús.


tyopiki axɨmanu nɨriakax uiti Espíritu Santo uixh isɨborikia aɨbuti Cristo Jesús, uiti ichaesɨbuka pɨnanaki nɨriaka axɨmanu nomɨnantɨ uiche isonka.


Axti Cristo omenotɨ uiti kɨtɨpɨti axɨba nomɨnantɨ osoi kɨtɨpɨ kurusɨx, nauki axoñɨ uiñokonio nomɨnantɨ nauki sane uisamune axɨna uxia. Axti Cristo obɨrio ɨmoti nauki axaño uxiankaño tato.


Sane axɨmanu nomɨnantɨ champɨki nɨriakax aume, ityopiki chɨtɨpɨ ui napakokonaunku ɨmo bakɨpukux uiti Moisés, ta ui nipukɨruxti Tupax.


Axɨbama tɨkoiñoma isuputaramatityo Cristo, nauki asɨborimia au nausɨpɨxɨma ui noñemaxti Tupax, sane axtɨ mañoñɨnka tɨtane manityomokotox uimia ɨmoma.


Axtɨ sane, ¡notoxti Cristo taruku nɨriakax ñopɨnanaki noboto numukianka! Tyopiki ui noñemaxti Espíritu Santo, naki champɨ nityakɨru nisɨborikixhti, axti Cristo uixhtiatoe aityoximianatiyɨ ɨmoti Tupax takana makumanatax champɨ nomɨnantɨ kɨtɨpɨ, ui notoxti sɨrɨbu nomɨnantɨ okɨtɨpɨki axɨbaityo chomixhampɨ uisamukio axɨba oboiche uɨkatɨ ɨmo nokonko, nauki sane baserebi ɨmoti Tupax naki sɨborikoti.


Axti ityoximianatiyɨ ɨmo nikonkoxti utaku, nauki aikiaɨburuti oñɨ omeanaki nomɨnantɨ naukityo aisɨbuti nanaiña okɨtɨpɨki, sane kaɨma aɨtoxti oñɨ, nauki osoimatoe uisamunio axɨba omixhia.


Axaño aukonka chepeti Cristo, chabakaikipɨ kiana nɨriakaxɨma axɨbama ikuki axɨna kɨx. ¿Kausane, axaño apisamute nausɨboriki takana axtɨ ikuki axɨna kɨx año, apisamutenki axɨba ausɨratai bakɨpukux


Axɨmanu bakɨpukux tyone tɨkañe oemo tanati naki asaratitɨ tyaku masiomanka, chepe niyekixhti tato Cristo, nauki isiuki axɨna numakokonaunku uxia nosɨboriki au nastaxti Tupax.


chauki chaxɨpɨñɨnki isɨborikia, ta tyonenti Cristo naki sɨborikoti sɨtɨpɨñɨ. Tapɨ axɨna nisɨboriki kaɨma ane sɨtɨpɨñɨ, isɨborikia ui axɨna ikokokati naki Aɨtoxti Tupax, tyopiki isuasɨrɨka ɨmoti ityoximiatatityo nisɨborikixhti chopikiñɨ.


Axaño aukonka ɨmo axɨna kɨx, tapɨ kaɨma tyopikiti Cristo, uiti Tupax toxio aume axɨna ñemanauntu ausɨborikibo.


Axɨbama onkomatɨ ɨmo axɨmanu bakɨpukux uiti Moisés tyonema axɨbama pauxamanama, tyopiki axɨmanu Nikorox nantɨ: “Pauxamanati ñana naki chisamutentipɨ nanaiña axɨna ane korobo iku axɨmanu kichonimiakax nesa bakɨpukux.”


Saneityo axtɨ aubaka, axtɨ auchaka, axtɨ apisamute kiatax napachɨkoi, apisamuse nanaiña ɨmo manaunkux ɨmoti Tupax.


Tusiu oemo axɨna bakɨpukux ta ui noñemaxti Espíritu, tapɨ axɨñɨ champɨ narukux iñemo, sane naukiche yaserebikia ɨmo nomɨnantɨ.


Axɨmanu bakɨpukux uiti Moisés toxio nauki aisumainkianɨ axɨmanu nomɨnantɨ. Naukiche axɨmanu nomɨnantɨ tɨsɨrɨmanax, axti Tupax ityusiankatati axɨna taruku nipukɨruxti.


Axɨmanu bakɨpukux uiti Moisés kuatɨ uixh chɨrɨri, tapɨ axɨna kauta champɨ bakɨpukux uiti Moisés, chɨtusiupɨ axtɨ ane nuipɨnate.


Naukiche anankañɨ axɨpekuma axɨbama judíos iñata nisɨboriki takana nisɨborikixhimia, nauki aikokoromati Jesús isiukiñɨ. Nauki aikokoma axɨbama sɨborikoma isiuki yakɨpukuxti Moisés, axɨñɨntyo isamute axɨmanu bakɨpukux, ta chiñemanauntupɨ isamute sane.


Tapɨ axɨñɨ champɨ tyopikiche ipukɨnu ta ipukɨnunka ui nikurusɨxti Yɨriabux Jesucristo. Tyopiki ui nikurusɨxti Cristo, nanaiña axɨna kɨx koiño iñemo tapɨ axɨñɨ isonkaityo ɨmo kɨx.


Swiv nou:

Piblisite


Piblisite