Biblia Todo Logo
Bib sou entènèt

- Piblisite -




Gálatas 1:7 - Manityanati Tupax

7 Ñemanauntu champɨ kiatax manunekatax. Ta aboma axɨbama uiche aiñamesokoma amopɨnanaki, xhanxɨmaintyo aikɨmɨnakama axɨmanu nuraxti Cristo.

Gade chapit la Kopi

Manitanati Tuparrü

7 Ta champü quiatarrü manunecatarrü icu na cürrü uiche utaesübu eanaqui nomünantü. Pero aboma bama itachemacanama año, nauqui apiñoco. Uimia campiabo arrüna omirriantai manunecatarrü icütüpüti Jesucristo.

Gade chapit la Kopi




Gálatas 1:7
38 Referans Kwoze  

Axɨsomɨ sopipiate aboma axɨbama yebomatɨ tanu aukina, axɨbama chɨsupakɨpukapɨ ɨmoma, uimia chɨmastakaxɨpɨ aume namatɨ nauki circusidabo año nauki apikokoityo axɨmanu bakɨpukux uiti Moisés.


axɨñɨ ñemanauntu sukanañɨ ui noñemaxti Yɨriabux Jesús ta axaño chɨkiataxɨpɨ napakionko. Axti maniki chichebopɨ uiti, ane ñana ityakisɨrɨkɨboti uiti Tupax, champɨ nɨmoche ñakuti.


Chityonempɨma axɨbama apóstoles tyonema axɨbama mañatachemakaka xhanxɨma aisamunema takana axɨbama nesaxti apóstoles Cristo.


Tapɨ axɨmanuma chichebopɨ uimia aume, ¡pariapɨ aityɨmikianamakɨ uixhimiantoe!


Axɨsomɨ chɨsomekapɨtɨ tanu supakobɨra ityobo nuraxti Tupax, takana isamutema makiataka. Chɨsanempɨ, supanityaka axɨna ñemanauntu sukarɨti Tupax, ui yakɨpukuxti suiñemo supanuneka aɨbuti Cristo.


Yarutaɨbutati au axɨmanu yarusɨrɨx kɨtubixh tomikianene, akamanu amanapo uiti, tomoeno uiti tyurux tapɨ sɨrotɨ atachemaka ɨmo mañoñɨnka iku kɨx chepe axtɨ tomenotɨ axɨmanio mil naskɨbeka, axtɨ tomenotɨ ñana emekana ñome mantukubatai naneneka.


Axtɨ anati naki sɨrotitɨ asarati año chɨmanunekanatipɨ aume axɨna sane, tapɨ apasukiukati au naupo tapɨ apankikia ɨmoti.


Masarukityaiki, tapɨ apikokota nuraxɨma axɨbama namatɨ profetaxɨma, apiña makokotox ɨmoma, nauki atusi axtɨ ñemanauntu axɨmanu nuraxɨma. Tyopiki iku axɨna kɨx sɨrɨmanama axɨbama mapañama anityama au nɨrixhti Tupax.


Axɨmanu numukianx amanapo, chepeti maniki manityanati chɨtɨpɨ ui noñemaxti Tupax maniki masamunuti axɨba champɨ tubastai sukarɨti. Axti maniki chɨtɨpɨ profeta matachemakanati ɨmoma axɨbama chebo uimia aɨro kɨtɨpɨma nikoro nɨri axɨmanu numukianx manaunumaintyo ɨmo nausɨpɨx. Auki axɨmanu numukianx chepeti maniki manityanati chɨtɨpɨ ui noñemaxti Tupax penekoma auki nisɨborikixhimia au axɨmanu narubaityu pes kauta omo axɨmanu azufre.


Oboi axɨmanio chebo ɨmo aisamunio axɨba champɨ tu bastai sukarɨ axɨmanu kusɨrɨbo numukianx, tapenekoma uixh axɨbama po'osoma iku axɨna kɨx, auki bakɨpuru ɨmoma nauki asamuma taman nausɨpɨtux axɨmanu numukianx sɨborikoiki axɨmanu obɨrio ɨmo ui kɨses.


Peneko uimia auki napes axɨmanu numukianx, axɨmanu chaɨbopɨ noixhobox nɨrixh Chobores chepe Satanás, axɨna taruku ñatachemakakax ɨmo namanaiña iku axɨna kɨx. Tyone chepema axɨmanuma nesax ángeles penekoma iku kɨx.


Ane axɨna aisamute chuxiampɨ iñemo, axɨkɨ chebo obi ɨmo Jezabel nauki sɨsio aɨbu ñatachemakakax ɨmoma axɨbama baserebioma iñemo. Axɨmanu paɨx nantɨ ta manunekana ui noñemaxti Tupax, nantɨ ɨmoma uxia axtɨ basoma numañetu axɨmanio numukianka mukumanana ɨmoma axɨmanuma matupaka nisamuku mañoñɨnka, nantityo ɨmoma nauki aiñokoma ñakokonaunkuxɨma ɨmoti Tupax.


Axɨna uxia iñemo obi, ta axɨkɨ chuxiampɨ obi takanaintyo axɨñɨ ɨmoma axɨbama axɨna isamutema axɨmanuma nicolaítas.


Tusiu iñemo nanaiña axɨna aisamute. Isuputakai natakisɨrɨkɨ kuata nachɨkoi axɨnaintyo aruku nuxia aemo, tusiu iñemo atakisɨrɨka uimia axɨbama chuxiampɨ nisɨborikixhimia. Tusiuityo iñemo ta aiñata makokotox ɨmoma axɨbama mapañama anunekama au nisɨri, tabɨko obi ñapantuxɨma.


Tyopiki auki ñatachemakakaxɨma aume aboma abaxɨpeku axɨbama tɨtusiu ui Nikorox aukiapae tɨkañe ta ane ñana takisɨrɨkɨx ɨmoma. Au ñakionkoxɨma, tyopiki axti Tupax taruku nukuasɨrɨkɨ ɨmoti, champɨ kausane uiti oemo axtɨ chuxiampɨ nosɨboriki, champɨityo axtɨ ikokoromati naki kunauntañati Yɨriabux oemo, axti Jesucristo.


Iku axɨna kɨx aboma sɨrɨmanama axɨbama matachemakanama ɨmo makiataka, chikokotapɨma ta axti Cristo kuatati iku kɨx takana nakaxti ñoñɨnx. Axti naki sane nisɨborikixhti tyonenti naki ñatachemakax chuxiampɨ uiti ɨmoti Cristo.


Xhakonomoka aume kɨtɨpɨ axɨbama xhanxɨma atachemakama aume.


sɨroma pese pɨnanaki axɨna ñemanauntu namatɨ ta tosɨborikia tato, aboma axɨbama chɨmastakaxɨpɨ ñakokonaunkuxɨma uimia.


Aukina kaɨma chixhankapɨ chɨtamampatai abe iñemo. Tyopiki butusiu nuxia sɨtɨpɨñɨ axɨba oboi nichakisɨrɨkɨ axɨna yaka chepeti Cristo.


Axɨmanuma mañoñɨnka taruku nonxɨkɨxɨma autaku, chɨtɨpɨ ɨmo uxia axɨmanu nixhankaxɨma. Axɨna nixhantɨmoma ta nauki apiñanaño pese somopɨnanaki, nauki kaɨma axaño amonxɨka tyakuma.


Aboma axɨbama ñapantuxɨma aikokoromati Jesús, matanekanamantai aɨroma uyaxɨpeku, nauki asaraimia axɨna nosɨboriki aɨbuti Cristo Jesús nauki sane isamune tatityo yakɨpukuxti Moisés.


Sopiñokota axɨmanu tɨkañe nanaiña anekanatai soboi, takana axtɨ suisɨsoka. Chɨsupatachemakakapɨ chɨkiataxɨpityo supanunekaka nuraxti Tupax. Axɨsomɨ supanunekaka axɨna ñemanauntu, sane sopityoximiata ɨmo namanaiña takanaintyo ɨmoti Tupax nanaiña axɨna sopisamute.


Aboma ñana aukina abaxɨpekuki axɨbama atɨraimia nauki anunekama mapankax nauki aɨromatɨ isiuma axɨbama ikokoromati Jesús.


nanti ɨmoti: –¡Axɨkɨ taruku napantu, chuxiampɨ nasɨboriki, aɨtoxti chobores, chuxiampɨ aemo axɨna uxia mapanaunkux! ¿Auiki naka chɨbesɨropɨ axɨba nikutubiuxti Yɨriabux?


Tyopiki kuamatɨ axɨbama chɨtɨpɨ Mesías axɨbamaintyo chɨtɨpɨ axɨbama profetas. Isamutema ñana ausukarɨ axɨba champɨ tamastai, oboiche autapeneka, saneityo ɨmo axɨbama samamekanama uiti Tupax.


Taruku nisɨtobɨkɨ aboi tyopiki axaño kontoapae amekatɨ iche pɨnanakiti Tupax, naki uiche aityasuruti año axɨna ityusiankatati uiti Cristo nipukɨruxti, auki amekatɨ isiu kiatax manunekatax.


Swiv nou:

Piblisite


Piblisite