Gálatas 1:10 - Manityanati Tupax

¹⁰ Axɨñɨ chiyapachekapɨ nauki uxia nastaxɨma mañoñɨnka iñemo, ta yapachetio nauki uxia nisɨboriki au nastaxti Tupax. Chiyapachetiopɨ uxia nisɨboriki aɨbu mañoñɨnka. ¡Axtɨ sane sobi, chɨtɨpɨ ɨmoti Cristo niyaserebiki!

Manitanati Tuparrü

¹⁰ Arrüna sucanañü sane champürrtü nauqui apucünuma macrirrtianuca isuatañü, ta nauqui apucünuti Tuparrü isuatañü. Arrtü irrancapü isamune nauqui apucünuma macrirrtianuca isuatañü, chüpuerurrüpü yaserebi ümoti Cristo.

Gálatas 1:10 Referans Kwoze

1 Tesalonicenses 2:4

Axti Tupax uxia au ñakionkoxti sane naukiche aikɨpuruti somɨ, nauki suburaboi axɨba omixhia manityakax, tyone axɨna supachɨkoi. Chɨsupapachetiopɨ nauki uxia nastaxɨma makiataka suiñemo, kunauntañantai tari uxia ɨmoti Tupax, tyopiki tusiu ɨmoti axɨna ane au nuyausasɨ.

Hechos 5:29

Axti Peru ichepe axɨmanuma makiataka amonkoma isiuti Jesús aiñumuma nuraxɨma: –Axɨsomɨ kusɨrɨbo supakokonau ɨmoti Tupax pɨnanaki supakokonau ɨmo mañoñɨnka.

Efesios 6:6

Tapɨ sukarɨmantai sane aboi, nauki uxia nastaxɨma aume, ta apiña takanati naki kumanakaxti ɨmoti Cristo, apisamuse ñemanaunkuxatoe noñemaxti Tupax.

Santiago 4:4

Axaño chɨkuasɨrɨtipɨ Tupax aume champɨityo axtɨ apakokonaunka ɨmoti. Unka tusiu aume axti naki nityurapataxti axɨna kɨx tyonenti naki tɨborikotiatai ɨmoti Tupax. ¡Ñemanauntu ta sane! Axtɨ axaño uxia aume axɨba nomɨnantɨ ikuki axɨna kɨx, sane naukiche autɨborikiatai kuatati Tupax.

San Mateo 22:16

Sane naukiche bakɨpuruma ɨmo makiataka axɨbama aboma isiuma, ichepe axɨmanuma aboma isiuti Herodes, nauki namatɨ ɨmoti: –Maestro, tusiu suiñemo axɨkɨ ukanɨ axɨna ñemanauntu, axɨkɨ ñemanauntu anunekaka kutubiux ɨmoti Tupax, chaiñatapɨ isiu niñapanaunku makiataka, chanityakapɨ nauki aye ɨmoma axɨna nixhantɨmoma.

Colosenses 3:22

Axaño axɨbama makumanakaka, apakokonau ɨmo nanaiña yakɨpukuxɨma axɨbama ɨmoche apaserebikia auna iku axɨna kɨx. Tapɨ apisamute sane axtɨ asaramatɨ aume. Ta apisamuse nanaiña auki nabausasɨ tyopiki napanaunku ɨmoti Yɨriabux Jesús.

Romanos 2:29

Axti naki ñemanaunkuxatoe judío, tyonenti naki isamutenti nanaiña auki nausasɨxti, axti naki circuncidaboti isamutenti au nausasɨxti: chɨtɨpɨ isiuki Nikorox ta ui noñemaxti Espíritu Santo. Axti naki isamutenti sane, uxia au nastaxti Tupax chɨtɨpɨ au nastaxɨma mañoñɨnka.

1 Juan 3:9

Champɨti taman aɨtoxti Tupax isamutenti axɨna nominainte, tyopiki ane kɨtɨpɨti nisɨborikixhti Tupax. Sane naukiche champɨ chɨchebopɨ ɨmoti aisamunenti axɨba nomɨnantɨ tyopiki tyonenti aɨtoxti Tupax.

2 Corintios 12:19

Axaño au napakionko supankikia amopɨnanaki tapɨ sane napakionko, chɨsanempɨ. Supanityaka sukarɨti Tupax takanaintyo axɨbama nesaxti apóstoles Cristo. Nanaiña axɨna sane masarukityaiki, ta nauki uxia nɨsɨborikixhimia namanaiña.

Romanos 2:8

Tapɨ axɨbama chuxiampɨ nisɨborikixhimia, toxio ñana ɨmoma ityakisɨrɨkɨboma, axɨbama chuxiampɨ ɨmoma axɨna besɨro ta uxia ɨmoma axɨna nomɨnantɨ.

Romanos 1:1

Ñakionkoxti Pablo tanu aume, naki baserebioti ɨmoti Jesucristo, ityasurutiñɨ yɨrotɨ isiuti, samamekanañɨ uiti nauki xhanuneka nuraxti.

1 Corintios 10:33

Axɨñɨ au nisɨboriki isamute nanaiña axɨna uxia ɨmo makiataka, chiyapachetiopɨ axɨna uxia ñemoantoe ta yapachetio axɨna uxia ɨmo namanaiña, nauki ane ɨmoma maximiakatax.

San Mateo 28:14

Axtɨ ipiatenti yɨriabux axɨna sane, axɨsomɨ supaparikia aɨbuti, tapɨ axaño champɨ kausane aume.

Hechos 12:20

Tɨborikoti Herodes ɨmo axɨmanuma po'osoma auki Tiro ichepe Sidón. Tapɨ axɨma chepe ñakionkoxɨma nauki aɨromatɨ esati aparimia aɨbuti, ui nipukɨruxti Blasto tyakuma, tyonenti naki asaratitɨ tyaku nenaxixhti Herodes, axti manityanati tyakuma nauki uxia tato uiti ɨmoma, ityopiki axɨmanuma auki Tiro ichepe Sidón axɨna utuburiboma kuatɨ uimia auki nikɨxti Herodes.

San Mateo 6:24

“Champɨti kumanakax yebokati aserebiti ɨmo axɨbama toxɨma mayɨriabuka. Tyopiki tɨborikoti ɨmoti taman tapɨti kiatax kuasɨrɨti ɨmoti, axtɨ ɨmoti taman makokonaunxti tapɨ ɨmoti kiatax chɨmakokonauntipɨ. Champɨtityo naki yebokati aserebiti ɨmoti Tupax takanaintyo ɨmo monixh.”

Filipenses 1:1

Masarukityaiki axɨbama ikokoromati Jesús auki Filipos: Axɨñɨ, Pablo chepeti Timoteo, axɨbama supaserebikia ɨmoti Jesucristo, supakionko tanu aume, axɨbama ikokoromati Tupax tyopiki abaka chepeti Jesucristo. Supakionkoityo ɨmoma axɨbama mayɨriabuka aume, ɨmomaintyo axɨbama baserebioma aume au nɨrixhti Cristo.