Filipenses 2:1 - Manityanati Tupax

¹ Axɨñɨ tusiu iñemo toxio uiti Cristo aume noñemaxti nauki aruku ɨmo makiataka aboi. Axɨna napakumananaunku uixh pukɨnuñama makiataka, tusiu iñemo ta namanaiña anati Espíritu Santo aukɨtɨpɨ tarukuityo naupukɨru tyaku makiataka.

Manitanati Tuparrü

¹ Apiña nurria au nürirrti Cristo. Urria aume arrtü anati mapucünuncunuti aume. Aupucünunca itopiqui amonquisio ta anati Espíritu Santo au nabausasü. Urria aume arrüna naucua ümoti Cristo, y nipucürurrti autacu.

Filipenses 2:1 Referans Kwoze

Colosenses 3:12

Taruku naukuasɨrɨkɨ ɨmoti Tupax, uiti samamekana año nauki sane kaɨma aɨtoxti año. Sane naukiche apiña nuxia nauki uxia nausɨboriki, tari akuasɨrɨma aume makiataka, apakumananau, aupukɨru tyaku makiataka, apasamunau aɨbu makiataka.

1 Juan 4:12

Axti Tupax champɨti naki astaiti kausane nakaxti. Tapɨ axtɨ ukuasɨrɨka oemoantoe, axti Tupax po'osoti okɨtɨpɨ axɨmanuintyo ñakumananaunkuxti ane okɨtɨpɨ.

Colosenses 2:2

Axɨñɨ ɨmo yaka nauki aruku nuxia aume au nabausasɨ, nauki chepe nabaka aɨbu napakumananaunku aumeampatoe aɨbu besɨro napapanaunku axɨna uiche atusi aume axɨna nixhantɨmoti Tupax aisamunenti axɨna ananka anekana uiti, ta tyonenti Cristo.

1 Corintios 12:13

Tyopiki uiti kunauntañanti Espíritu Santo namanaiña osɨrikia, axɨbama judíos axɨbamaintyo chɨtɨpɨ judíos, axɨbama kumanakaka axɨbamaintyo chɨtɨpɨ kumanakaxɨma nauki chepe nusaka ui noñemaxti Espíritu Santo. Namanaiña uchaka uiti maniki Espíritu Santo.

Gálatas 5:22

Tapɨ axɨna nisamukuxti Espíritu Santo, tyone numakumananaunku oemoantoe, axɨna nupukɨnunku axtɨ uxia osoi oemoantoe, axɨna masamunaunka aɨbuti kiatax, kuasɨrɨti kiatax oemo, nupukɨru tyakuti kiatax, nupukɨnunku,

Gálatas 4:6

Nauki atusi ta aɨtoxti oñɨ, axti Tupax bakɨpuruti nesaxti Espíritu Aɨtoxti au nuyausasɨ. Maniki Espíritu tosibikoti: “¡Abbá! ¡Iyaɨ!”

Hechos 4:32

Namanaiña axɨmanuma ikokoromati Jesús, chepatai naka ñakionkoxɨma aɨbumantoe. Champɨti naki nanti axɨba nenaxixhti ta ɨmotiatai, nanaiña nenaxixhimia sɨro uimia ɨmo namanaiña.

1 Juan 3:24

Axɨbama ikokotama yakɨpukuxti po'osoma kɨtɨpɨti, po'sotityo kɨtɨpɨma. Ui axɨna atusi oemo ta po'osoti okɨtɨpɨ: uiti Espíritu Santo, axti naki toxioti oemo uiti.

San Juan 17:13

“Kaɨma yɨkatɨ tato atupekukɨ. Sukanañɨ axɨna sane ityopiki yakaiki auna iku axɨna kɨx, nauki taruku nipukɨnunkuxɨma takana axɨna nipukɨnunku.

1 Juan 4:16

Sane naukiche atusi oemo uikokotaityo ta ukuasɨrɨka ɨmoti Tupax. Axti Tupax tyonenti axɨna makumananaunkux, axti naki kuasɨrɨma ɨmoti axɨbama yarukityoxti po'osoti kɨtɨpɨti Tupax, axti Tupax po'osotityo kɨtɨpɨti.

Filipenses 3:3

Tyopiki axɨbama ñemanauntu circuncidaboma ta axoñɨ, axɨbama ui noñemaxti Espíritu Santo uiñanaunkati Tupax tarukuityo nupukɨnunku tyopiki usaka chepeti Jesucristo. Choñonkapɨtɨ ñome axɨba ausɨratai ikuki axɨna kɨx.

1 Corintios 3:16

¿Unkamo tusiu aume axɨna naukɨtɨpɨ ta tyone nipoxti Tupax, sane naukiche axti Espíritu Santo po'osoti aukɨtɨpɨ?

Romanos 8:26

Saneityo axti Espíritu Santo uiti aruku oemo. Tyopiki chuipiakapɨ nuxia oñea, axti Espíritu Santo mankioti pɨnanakiti Tupax utaku, ui nisuchekixhti ityopiki champɨ manityakax uiche usuraboi.

Romanos 5:5

Axɨmanu iyebo ñana osoi esati Tupax, chɨtɨpɨ mapankax, ityopiki axti Tupax auki noñemaxti Espíritu Santo axɨna nuyausasɨ isamute nanaiña axɨba omixhia.

Hechos 2:46

Naneneka iyoberabaramakɨ au nipo meankax, tapɨ au nipoxɨma basoma chepema aɨbu nipukɨnunkuxɨma.

1 Pedro 1:2

axɨbama samamekanama tɨkañe uiti Tupax naki Uyaɨ tyopiki sane nixhankaxti. Ui noñemaxti Espíritu Santo aukurusɨka uiti nauki apikoko nuraxti anentyo maximiakatax aume ui notoxti Jesucristo. Apasusiu taruku nipukɨruxti Tupax autaku taikianaintyo uxia uiti aume.

Hebreos 6:18

Sane, axti Tupax chɨmapañantipɨ, axɨmanu ɨriotɨ uiti takanaintyo axɨmanu nuraxti ta ñemanauntu. Ui axɨna sane upukɨnunka tyopiki uxianka nauki axti Tupax asaratitɨ utaku, saneityo aityoximiati oemo axɨmanu ɨriotɨ uiti.

Filipenses 1:8

Tusiu ɨmoti Tupax axɨna taruku nisucheki abapa, tarukuityo naukuasɨrɨkɨ iñemo ui axɨna nixhakumananaunku toxio iñemo uiti Cristo Jesús.

Efesios 4:4

Ane kunauntaña kɨtɨpɨx kunauntañantityo Espíritu Santo, sane takanati Tupax ityasuruti año ɨmo axɨmanu kunauntaña toxiobo ñana maximiakatax aume.

2 Corintios 2:14

Chapie ɨmoti Tupax uiti aikianati oñɨ nantax yopɨrɨkɨ nanaiña aɨbuti Cristo, auki osoi usuraboi nuraxti, tyone axɨna sɨrotɨ au nanaiña takana axɨna koñoxatai norimia.

1 Corintios 15:31

Masarukityaiki, naneneka añekatai aityabairomañɨ. Axɨna ta ñemanauntu takanaintyo axɨna nipukɨnunku ñonkisio autaku aɨbuti Cristo Jesús axti naki Yɨriabuxti oemo.

San Juan 14:27

“Onkono sobi aume axɨna uxia. Toxio sobi aume axɨna uxia, tyopiki chisiupɨ takana nixhankaxɨma axɨbama ikuki axɨna kɨx. Tapɨ ausucheka tapɨ aupixhukaityo.

San Juan 14:18

Chiñokokañopɨ ñana apanauntaka, isekatatityo nauki yasikia auchepe.

San Lucas 2:25

Au axɨmanu nasɨkɨbes tɨkañe po'osoti au Jerusalén tamanti ñoñɨnx nɨrixhti Simeón. Maniki ñoñɨnx uxia nisɨborikixhti, xhanxti asaraiti nikoñokokox tato Israel. Anati Espíritu Santo kɨtɨpɨti Simeón,