Efesios 6:5 - Manityanati Tupax

⁵ Axaño axɨbama makumanakaka apakokonau ɨmoma axɨbama iku axɨna kɨx yɨriabuxɨma aume. Apakokonau ɨmoma aɨbu napanaunku, tapɨ apapanka ɨmoma, aɨbu narukux aume, takana axtɨ apaserebikiapɨ ɨmoti Cristo.

Manitanati Tuparrü

⁵ Arraño bama mosorrü apacoconaun ümo bama aupatrone. Apacoconaun ümoma aübu rrespetorrü. Apaserebi nurria ümoma, tacanarrtü apaserebiquiapü ümoti Cristo.

Efesios 6:5 Referans Kwoze

Efesios 5:22

Axaño paɨka apakokonau ɨmoma axɨbama apikianaño. Sane takana napakokonaunku ɨmoti Cristo.

1 Pedro 3:2

tyopiki axɨma astaimia axɨna uxia nausɨboriki apanaunkaityo ɨmoti Tupax.

Filemón 1:16

ta kaɨma tapɨ aisamute takana ɨmoti kumanakax, aisamuse takana axtɨ arukiti naki taruku nikuasɨrɨkɨxti aemo. Axɨñɨ taruku nikuasɨrɨkɨxti iñemo, tapɨ axɨkɨ tari taruku nikuasɨrɨkɨxti aemo xhopɨnanakiñɨ. Tapɨ aisamute takana ɨmo axɨbama aruki ikuki axɨna kɨx ta takana axɨbama ikokoromati Jesús.

Filipenses 2:12

Masarukityaiki, naukiche anankañɨ abaxɨpeku, taikiana apikokota nisura. Axɨna kaɨma yaka iche amopɨnanaki apikokosoñɨ nuxia. Sane naukiche ui napanaunku ui nameanka ɨmoti Tupax, apiña nuxia nauki aye aboi axɨmanu maximikatax uiti Tupax aume.

2 Corintios 1:12

Ane axɨna tyopikiche taruku suipukɨnunku, tyopiki axɨna suiyausɨpɨ uixh uraboi ta besɨro suisɨboriki iku axɨna kɨx, takanaintyo aupu. Tyopiki axɨsomɨ chisomekapɨtɨ isiuki ñapanaunkuxɨma mañoñɨnka, ta somonkatɨ ɨmo noñemaxti Tupax.

1 Corintios 7:22

Axti naki anankati kiana nomɨnantɨ naukiche tasuruti nauki aikokoroti Jesús, axti maniki ñoñɨnx tyone yachɨkoboiboti aserebiti ɨmoti Yɨriabux Jesús. Sanentityo axti naki ñoñɨnx tɨtaesɨburuti eanaki nomɨnantɨ naukiche tasuruti, kaɨma tyone yachɨkoboiboti aserebiti ɨmoti Cristo.

San Mateo 8:9

Tyopiki axɨñɨntyo yaka ikiana bakɨpukuka auki ape, abomaintyo masortaboka ɨmo nixhakɨpuku. Axtɨ sukanañɨ ɨmoti taman akosi, sɨrotitɨ. Sukanañɨintyo ɨmoti kiatax ariaku, kuatati. Axtɨ ikɨpukatityo isumanakata ane yachɨkoiti, isamutenti.

San Mateo 6:24

“Champɨti kumanakax yebokati aserebiti ɨmo axɨbama toxɨma mayɨriabuka. Tyopiki tɨborikoti ɨmoti taman tapɨti kiatax kuasɨrɨti ɨmoti, axtɨ ɨmoti taman makokonaunxti tapɨ ɨmoti kiatax chɨmakokonauntipɨ. Champɨtityo naki yebokati aserebiti ɨmoti Tupax takanaintyo ɨmo monixh.”

Efesios 6:24

Tari uiti aikunusɨankanati año namanaiña axɨbama taruku nikuasɨrɨkɨxti Yɨriabux Jesucristo ɨmoma.

2 Corintios 7:15

Axti kaɨma taruku naukuasɨrɨkɨ ɨmoti axtɨ akionotiyɨ ta namanaiña apikokota nuraxti apasukiukatiyo aɨbu taruku napanaunku ɨmoti.

1 Corintios 2:3

Anankañɨ abaxɨpeku chɨkusɨurupɨ nisɨtɨpɨ, aɨbu nipiaichokonoko ui nixhuku,

Hechos 2:46

Naneneka iyoberabaramakɨ au nipo meankax, tapɨ au nipoxɨma basoma chepema aɨbu nipukɨnunkuxɨma.

San Mateo 6:22

“Axɨba nosɨto tyoneio basaruka ɨmo nokɨtɨpɨ. Saneityo, axtɨ nasɨto omixhia, nanaiña nakɨtɨpɨ ane basarux ɨmo.

Romanos 9:3

takana ixhanka yaka aɨbu mapauxamakax, nauki yaka pese pɨnanakiti Cristo, ui nipukɨru tyaku masarukityaiki, axɨbama isɨborisapa.